Yoweli 3:17 - IBAYIBOLO 2024

¹⁷ Po ukwiza pakumanya ukuti, “Ane ne Mwene u Chala wako akwikala mu Ziyoni, ighamba lyane izelu. Akaya aka Yelusalemu kakwiza pakuba kazelu, abayeni batakwiza pakukapota sona nalumo.

Yoweli 3:17 Iomraidhean Croise

Yobu 15:19

babo bakapeghiwa ichisu, po nayumoyumo umuntu umuyeni akadumusannyamo.

Masalimo 76:2

Inyumba yache yili mu Salemu, sona ubuzilo bwache ubwakwikalamo buli mu Ziyoni.

Masalimo 9:11

Mumwimbilaye u Mwene, inyimbo izya mapalo yuyo ikaye pachitengo icha bumwene mu Ziyoni. Lumbililagha nizya mbombo zyache pakasi pa inko zyosi.

Ukufuma 16:12

“Nivwa amilumbusyo agha ba Izilayeli. Ubabuzye ukuti, ‘Pachamabwila mukwiza pakulya inyama, sona pandabindabi mukwiza pakulya ivibama. Po mukwiza pakummanya ane ukuti ne Mwene u Chala winyu.’ ”

Yesaya 11:9

Mutakwiza pakubamo ukuvulaziwa, pamo ukunanganika pighamba lyane izelu, pakuti ichisu chikwiza pakwizula nu bumanyi ubwa Mwene ngati mumo amizi ghizuliye munyanja.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Yesaya 4:3

Abantu babo bakalekiwa mu Ziyoni, na babo bakwiza pakupona mu Yelusalemu bakwiza pakwitiziwa bazelu, bosi babo basimbiwe poka na bantu abumi aba mu Yelusalemu.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yesaya 52:1

Wee Ziyoni, vundumuka, vundumuka! Banga na maka. Vwala amenda ghako amiza nkani, wee Yelusalemu, akaya akakulu nkani akazelu. Abantu babo batasilimuliwe, sona na bantu abanyazu batakwiza pakwinjila sona pamulyango wako.

Yesaya 56:7

nkwiza pakwiza nabo pighamba lyane izelu, nukubapa ulusekelo munyumba yane iya kwiputilamo. Ivyakwiyipa vyabo ivyakocha sona ni vyakwiyipa, vikwiza pakupokeliwa pachighemo chane, pakuti inyumba yane yikwiza pakwitiziwa ukuti nyumba iya kwiputilamo inko zyosi.”

Yelemiya 31:23

U Mwene Uwamaka Ghosi, u Chala uwa Izilayeli akuti, “Bo nkubanyosezya sona abantu ubwabuke, abantu aba mu Yuda naba mutwaya twache utukulu bakwiza pakunena sona amazyu aghakuti, ‘U Mwene akusaye wee kaya akagholosu, sona wee lighamba izelu.’

Yelemiya 31:40

Ikombe lyosi kuko imivimba yikusyiliwa sona kuko itoyi likutaghiwa, sona na maghunda ghosi ukwandila kwi Kombe ilya Kidiloni kubufumilo bwizuba mupaka kunkuto iya Mulyango uwa Falasi, likwiza pakuba lipaghuliwa kwa Mwene. Akaya akakulu nkani katakwiza pakunyunkuliwa pamo pakumongoliwa sona.”

Ezekiyeli 20:40

U Mwene Uwamaka Ghosi akuti, ‘Pakuti pighamba lyane izelu, ighamba itali ilya muchisu icha Izilayeli, popapo aba Izilayeli bosi bakunyiputila ane muchisu chila, palapala nkwiza pakupokela ivyakwiyipa vyinyu sona ni vyabupi vyinyu ivyiza poka ni vyakwiyipa vyosi ivizelu.

Ezekiyeli 37:6

Nkwiza pakubika inkole ni nyama nukwighalila numubili, nkwiza pakubika umuyi mumwinyu, umwakuti mukwiza pakuba nubumi. Po mukwiza pakumanya ukuti ane ne Mwene.’ ”

Ezekiyeli 43:12

“Ulu lo lulaghilo ulwa Nyumba iya Chala, yiyo yikwiza pakuzengiwa pabuzilo bosi ubwakuzyungulila pamwanya pighamba, pakwiza pakuba pazelu nkani. Lunulu lo lulaghilo ulwa Nyumba iya Chala.

Ezekiyeli 44:9

Polelo u Mwene Uwamaka Ghosi akuti: Atakabepo umuyeni yuyo atasilimuliwe mumoyo nakumubili ukuti injilaye Mubuzilo bwane Ubuzelu, pamo umuyeni yuyo akwikala pakasi paba Izilayeli.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Daniyeli 11:45

Akwiza pakuzenga ivisakasa ivya bumwene pakasi panyanja sona ni ghamba izelu lilyo lyakuboneka akiza nkani. Loli akwiza pakufwa, sona atalipo nayumoyumo uwakumwavwa.”

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Yoweli 2:27

Po mukwiza pakumanya ukuti indi mu Izilayeli, ukuti ane ne Mwene u Chala winyu, sona nukuti atalipo uyunji, awe. Abantu bane batakwiza pakukoziwa sona isoni.

Yoweli 3:21

Nkwiza pakubatanizya aba Edomu naba Ijiputi pachifukwa icha libanda lilyo bakupula, ntakwiza pakubaleka bulo. Ane ne Mwene nkwikala mu Ziyoni!”

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Nahumu 1:15

Ennya, kumaghamba kula, inyayo izya muntu yuyo akwiza na mazyu amiza, yuyo akulumbilila umutende! Mwee bantu aba mu Yuda, banga nu lusekelo lwinyu, nukukwanilisya ivilapo vyinyu. Abantu ababibi batakwiza pakulwa namwe sona ubwite bakwiza pakuzimila zila.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.