Yoweli 3:15 - IBAYIBOLO 2024

¹⁵ Izuba nu mwezi vikwiza pakuba bulo fii, zyope intondwa zitakwiza pakulama na lumo.

Yoweli 3:15 Iomraidhean Croise

Umulumbilili 12:2

Bo izuba, nulukozyo nu mwezi, ni ntondwa vichili pakulama, amabingu ghanyokela bo ivula yatima.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Ezekiyeli 32:7

Bo nakuzimizya, nkwiza pakwighalila kumwanya nukuzifisya intondwa, Nkwiza pakulivwinka izuba ni bingu, sona u mwezi ghutakwiza pakulama.

Yoweli 2:10

Ichisu chikuyingana pantazi papabo, kope kumwanya kukutetema. Izuba nu mwezi vyaba bulo fii, sona zyope intondwa zitakulama nalumo.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Maliko 13:24

“Mumasiku ghalaghala, bo intamyo zyamala, izuba likwiza pakuba muchisi, umwezi ghute ghukalame nalumo,

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.