Yoweli 3:12 - IBAYIBOLO 2024

¹² U Mwene akuti, “Abantu aba inko zyosi biyannye, nukwiza kwikombe ilya Yehoshafati, pakuti kulakula nkwiza pakuzilonga inko izyakufuma kunkuto zyosi.

Yoweli 3:12 Iomraidhean Croise

2 Imbili 20:26

Pisiku ilyafolo bakabungana mwikombe ilya Belaka, kuko bakamupala u Mwene. Ichi cho chifukwa ikombe lila likwitiziwa ukuti ikombe ilya Belaka mupaka nilelo bulo.

Masalimo 7:6

Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 22:1

Agha gho mazyu aghabulaghuzi ghagho ghakunena nizya ikombe ilya chisetuka: Nkimba choni chicho chikubombiwa ilelo, ukuti mwebosi mukwele patusonje?

Yesaya 3:13

U Mwene iyannya pakulonga inongwa, imilila pakulonga inko zyache.

Ezekiyeli 30:3

Pakuti isiku lili papipi, isiku ilya Mwene lili papipi, isiku ilya mabingu, akabalilo akakunanganika ukwa inko.

Ezekiyeli 39:11

“ ‘Pisiku lila nkwiza pakumupa u Gogi ubuzilo ubwa kusyiliwapo mu Izilayeli, mwikombe ilya bantu babo bakwenda ukubuka kubufumilo bwizuba ubwa Nyanja Imfwe. Yikwiza pakwighalila izila iya bendazila, pachifukwa ichakuti u Gogi na basilikali bako bosi bakwiza pakusyiliwa kulakula. Po bukwiza pakwitiziwa ukuti Ikombe ilya Hamoni Gogi.

Yoweli 3:14

Ivilundilo ni vilundilo vili mwikombe ilya bulongi! Pakuti isiku ilya Mwene lili papipi mwikombe ilya bulongi.

Yoweli 3:2

nkwiza pakuzibungannya inko zyosi, nukwika nazyo kwikombe ilya Yehoshafati. Nkwiza pakuzipa inongwa inko ukuyana ni mpyana iya bantu bane aba Izilayeli, pachifukwa ichakuti babanyampanizye abantu bane pakasi pa inko, sona bagabana ichisu chane.

Mika 4:3

Akwiza pakulonga pakasi pa inko inyinji, pakasi pa inko izyamaka, izya papipi nizya kubutali bulo. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Zekaliya 14:4

Pisiku lilalila akwiza pakwimilila Pighamba ilya Misyunguti kubwinjililo bwizuba ubwa Yelusalemu, po ighamba lilalila likwiza pakugabiwa pabili, lyoka kubufumilo bwizuba ilinji kubwinjililo bwizuba. Likwiza pakupela ikombe ikulu nkani, u hafu uwa chigaba choka akwiza pakubuzila kuchigaba icha kumitu sona u hafu uwa chigaba ichinji akwiza pakubuzila kuchigaba icha kuntende.

Ubuvumbuli 19:11

Pisinda pache nkennya kumwanya kwighukite, po nkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa ubwite bwache mubwanaloli.