Yoweli 3:1 - IBAYIBOLO 2024

¹ U Mwene akuti, “Mumasiku ghalaghala, sona na pakabalilo kalakala, bo nkubanyosezya ubwiza abantu aba mu Yuda, na mu Yelusalemu,

Yoweli 3:1 Iomraidhean Croise

Masalimo 14:7

Mwee nalondagha nkani, ngali ubupoki ubwa Izilayeli bukufumila ku Ziyoni! Bo u Mwene akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye!

Masalimo 85:1

Wee Mwene ukachipelela ichisa ichisu chako, ukamunyosekezya u Yakobo ubwiza.

Ivyili 1:23

Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yelemiya 16:15

loli bakwiza pakunena ukuti, ‘Nkulapila mwa Mwene umumi, yuyo akabefya abantu bache muchisu icha kumitu na muvyisu vyosi vivyo akabachimbizizyako.’ Pakuti nkwiza pakubanyosezyamo muchisu chicho nkabapa abanyenya babo.”

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Ezekiyeli 16:53

U Mwene akambuzya akati, “Mubuzye u Yelusalemu ukuti, ‘Pope bulo nkwiza pakunyosezyamo ubwiza ubwa Sodomu na bana bache abalindu, sona nu bwiza ubwa Samaliya na bana bache abalindu, po nkwiza pakunyosezyamo ubwiza bwako poka nu bwabo,

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Yoweli 2:29

Pakabalilo kalakala nkwiza pakupungulila Umuzimu wane, pa bambombo bane abanavuli na bakolo bulo.

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Ukubelengiwa 11:29

Loli u Mozesi akamula akati, “Nkimba uli na kabini nane? Nalondagha ukuti abantu bosi aba Mwene ngali babanga balaghuzi, sona u Mwene ngali abapanga u Muzimu wache.”

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Ukukumbusya Amalamulo 30:3

u Mwene u Chala winyu akwiza pakubanyosya nukubapepela ichisa. Akwiza pakubabungannya mwebosi muvyisu vyosi vivyo akabanyampanikizizyako.