Yoweli 2:8 - IBAYIBOLO 2024

⁸ Batakusunkilizannya, umuntu wesi akulefuka ukubuka kuntazi, bakukomana nutulasilo, loli pope bulo chitalipo ichakubakanizya.

Yoweli 2:8 Iomraidhean Croise

2 Imbili 23:10

Akababambika abalindilili bosi, umwakumuzyungulila u mwene papipi ni chighemo sona ni Nyumba yila, ukwandila kuntende mupaka kumitu ukwa Nyumba iya Chala yila, bo umuntu wesi alemite ichilwilo kunyobe yache.

2 Imbili 32:5

Po akiyula nkani pakuzenga sona ivigaba ivya lupaso vivyo vikamongonkana nukukazengela ichitembe. Akazenga ulupaso ulunji kuzi ukwa lupaso lula nukukazengela amakwelelo akaya akakulu nkani aka Devedi. Akapanga ivilwilo ivyinji ivya bwite sona ni ngulu inyinji nkani.

Nehemiya 4:17

babo bakazengagha ulupaso lula. Abantu babo bakanyamulagha ivyakuzengela bakabombagha imbombo ni nyobe yoka sona kunyobe iyinji bakaba ni chilwilo.

Nehemiya 4:23

Po ane, pamo abamwitu, pamo abambombo bane, pamo abalindilili tutakavulagha amenda ghitu nanti tukughona pabusiku. Umuntu wesi akaba ni chilwilo chache icha bwite, napapo akung'wela amizi.

Yobu 33:18

ukuti amupokaye umuntu kwipumpa, sona nubumi bwache kwa panga uwakunangannya.

Yobu 36:12

Loli nanti batakwivwila bakwiza pakughoghiwa nupanga, sona bakwiza pakufwa ukusita kumanya nachimochimo.

Ivyili 30:27

Umakanta ate nu mulongozi, loli pope bulo akwenda poka.

Inyimbo izya Solomoni 4:13

Ukuboneka akiza kwako kuli ngati mughunda uwa manyele, ghugho ghuli ni seke inyiza sona nu twakunonezya ivyakulya ivya hena nu nalidi.

Yesaya 5:27

Atalipo nayumo uwa kulita pamo uwa kwipunula, sona atalipo nayumo uwa kukonona pamo uwa kughona utulo, atalipo nayumo ulamba uwa kutozoka mumusana, pamo akapinyilo aka nkwato kako kadumuka.

Yoweli 2:7

Bakulefuka ngati bo basilikali ababwite, sona bakukwela amalinga ngati basilikali. Umuntu wesi ali pamuzele, sona atakupulumpa.

Yoweli 2:9

Bakunyelela mukaya akakulu nkani, bakunyela amalinga, sona bakukwela panyumba, ngati mwiba akwinjilila pibwindo.