Yoweli 2:32 - IBAYIBOLO 2024

³² Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Yoweli 2:32 Iomraidhean Croise

Ubwandilo 4:26

U Seti akapapa umwana umulumendo nukumwita ukuti we Enoshi. Aka kakaba kabalilo kako abantu bakanda pakumwiputa u Mwene.

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Yesaya 10:22

Wee Izilayeli, napapo abantu bako bangaba binji ngati musesenga uwa munyanja, loli abakusyalako bo babo bakwiza pakunyokela. Ukunanganika kwalamuliwa sona kwizula nu bugholosu

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 11:16

Pakwiza ukuba umusebo uwa bantu bache, abakusyalako aba muchisu icha Asiliya, ngati mumo zikabela naba Izilayeli bo bakufuma mu Ijiputi.

Yesaya 4:2

Pisiku lilalila ulusamba ulwa Mwene lukwiza pakuba lwakuboneka akiza nkani nulwa buchindamu, sona ivikomwa ivya chisu vikwiza pakuba vyakwituvya nivya buchindamu, ku bantu babo bakwiza pakulekiwa bumi mu Izilayeli.

Yesaya 46:13

Nkwiza nu bugholosu kupipi, bute kubutali awe, nu bupoki bwane butakwiza pakukabila. Nkwiza pakukapoka akaya aka Ziyoni, nukubapa ubuchindamu aba Izilayeli.

Yelemiya 31:7

U Mwene akuti, “Mumwimbilaye u Yakobo umwabuhobosu, mukolomokaye pachifukwa icha luko lulo luchilite inko zyosi. Mumwimbilaye bo mukumupala mukuti, ‘Wee Mwene, bapoke abantu bako, aba Izilayeli abakusyalako.’

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Amosi 9:8

Naloliloli amaso agha Mwene Uwamaka Ghosi ghakubwennya ubumwene bubo bukubomba imbibi. “Nkwiza pakubuzimizya pachisu ichapasi, loli ntakwiza pakubananganizizya zila abamunyumba iya Yakobo.” U Mwene anena.

Obadiya 1:17

Loli pighamba ilya Ziyoni bakwiza pakwikalapo abapokiwa, sona abaluko ulwa Yakobo bakwiza pakuba nichilingo ichabo.

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Yohani 10:16

Indi ni ng'ozi izinji zizyo zite izya muchibagha ichi. Zyope bulo imbaghiye pakuzisenda. Zikwiza pakwivwa izyu lyane, po zikwiza pakuba mudimo ghoka nu mudimi weka.

Yohani 4:22

Amwe mwe ba Samaliya mutamumenye yuyo mukumwiputa, loli aswe twe ba Yuda tumumenye yuyo tukumwiputa pakuti ubupoki bukufumila mu ba Yuda.

Imbombo 15:17

Abantu abakusyala bosi bakwiza pakundonda, sona na bantu bosi babo bate ba Yuda bakwitiziwa ni tabwa lyane.

Imbombo 2:39

Pakuti u Chala akabalayizya ichi amwe poka na bana binyu, sona na bantu bosi babo bali kubutali—abantu bosi babo u Mwene u Chala witu akwiza pakubitizizya kukwache.”

Aba Loma 11:26

Umu momumo aba Izilayeli bosi bakwiza pakupokeliwa. Pakuti Amasimbo ghakuti, “Umupoki akwiza pakufuma mu Ziyoni nu kwefya imbibi zyosi izya baluko ulwa Yakobo.

Aba Loma 11:5

Umu momumo vibeleye nilelo: Basyala abantu banandi bulo pakasi paba Izilayeli, babo u Chala akabasala pachifukwa icha chisa chache.

Aba Loma 11:7

Po nkimba tungati choni? Chicho aba Izilayeli bakalondagha, batakachagha. Loli abantu abanandi bulo babo u Chala akasala, bakachagha. Abantu bosi babo bakasyalako bakaba na mapuli.

Aba Loma 9:24

Pakuti twe bantu babo u Chala akatwitizya, tute mo mu ba Yuda bene, loli na bantu bope babo bate ba Yuda.

Aba Loma 9:27

U Yesaya akakolomoka nkani nizya ba Izilayeli akati, “Napapo aba Izilayeli bangaba binji nkani ngati musesenga uwa munyanja, loli abakusyalako bakwiza pakupokiwa.

1 Aba Kolinti 1:2

Tukuchisimbila ichipanga icha Chala icha mu Kolinti, abantu babo bakapaghuliwa mwa Kilisitu Yesu, sona babo bitiziwe pakuba bantu bazelu, poka na bantu bosi kosi na kosi, babo bakulichindika itabwa ilya Mwene witu u Yesu Kilisitu, u Mwene wabo nu Mwene witu.

Aba Hebeli 12:22

Loli mwiza kwighamba ilya Ziyoni nakaya akakulu nkani aka Chala Umumi, u Yelusalemu uwakumwanya, poka ni chilundilo icha bantumi amasabuzani na masabuzani.