Yoweli 2:3 - IBAYIBOLO 2024

³ Kuntazi kukwabo umoto ghukulungulizya ivintu vyosi, sona kwisinda kukwabo indimi izya moto zikocha vivyo vyasyala. Kuntazi kukwabo ichisu chila chili ngati mughunda uwa Edeni, sona kwisinda kukwabo chikanduka pakuba nkolongo, patakabapo nachimochimo ichakusyalamo.

Yoweli 2:3 Iomraidhean Croise

Ubwandilo 13:10

U Loti akatalankannya nukwennya ukuti ikombe lyosi ilya Yolodani mupaka ku Zowala likaba na mizi aminji nkani. Ikombe lila likayana nu mughunda uwa Mwene pamo ichisu icha muvundo icha Ijiputi. Zinizi zikabombiwa pakabalilo kako bo nu Mwene achili atazimizizye akaya aka Sodomu naka Gomola.

Ubwandilo 2:8

U Mwene u Chala akalima umughunda uwa makwi mu Edeni kubufumilo bwizuba, po umuntu yuyo akamata nukumubika mulamula.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Masalimo 97:3

Umoto ghukubuka pantazi papache, nukubalungulizya abalwani bache kumbazu zyosi.

Ukufuma 10:15

Akizuzya ichisu chosi mupaka chikaba fii. Umakanta yula akalya ivimelwa vyosi vivyo vikapona ku vula iya mabwe, ukonjelezyapo amakwi agha chikomwa. Katakasyalapo nakamokamo akantu akabisi mumakwi pamo ichimelwa muchisu chosi icha Ijiputi.

Ukufuma 10:5

Umakanta yunuyu akwiza pakuchizuzya ichisu, umwakuti nayumoyumo umuntu akwiza pakuchennya ichisu, sona akwiza pakulya vivyo ivula iya mabwe yitakavinangannya. Akwiza pakunangannya amakwi ghosi ghagho ghakasyalako.

Yesaya 14:17

Umuntu yuyo akapela ichisu chosi ichapasi pakuba nkolongo, nukutumongolannya utwaya utukulu nkani, sona atakabitikizya abakayidi ukuti babwelaye?’

Yesaya 15:6

Utusoko utwa Nimulimu tupuye, sona isote lyafoka, katalipo nakamokamo akabisi akakulekiwa.

Yesaya 33:4

Po ivyakufyula vikabunganikiwa ngati we kanta, ngati bwinji ubwa kanta momumo abantu bakunyelela pavyakufyula.

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Yesaya 9:18

Naloli ububibi bukwaka ngati moto ukocha abantolovu na mivwa, ukocha umusitu, sona ilyosi lyache likukwela kumwanya ngati libingu.

Yesaya 9:19

Pachifukwa icha bukali ubwa Mwene Uwamaka Ghosi ichisu chikwiza pakupya sona abantu bakwiza pakuba nkwi izya moto, atalipo nayumo yuyo akwiza pakumupelela ichisa uwamwabo.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Ezekiyeli 36:35

Bakwiza pakunena ukuti, “Ichi cho chisu chicho chikaba chisami ilelo chaba ngati mughunda uwa Edeni, utwaya utukulu nkani tuto tukaba visami, sona tuto abantu batakwikalamo, tuto tukananganika, ilelo twaba malinga sona abantu bakwikalamo.”

Amosi 7:4

Izi zyo zizyo u Mwene Uwamaka Ghosi akandanjizya: Akitizya indimi izya moto ukuti abafunde abantu, po zikalungulizya inyanja inkulu nkani nukunangannya amaghunda ghosi pachisu ichapasi.

Habakuku 1:6

Teghelezya nkwiza pakubapela abantu aba mu Babiloni, pakuba na maka ukubachila, luko ulukali sona nulwa lubilo nkani. Bakwiza pakuvipota ivyisu vyosi ivyapasi, pakuvifyula ivyisu vivyo vite vyabo.

Zekaliya 7:14

Nkabanyampannya nu kankungu pakasi pa inko zyosi, kuko bakaba bayeni. Ichisu chabo chikaba chisami umwakuti nayumoyumo umuntu angikalamo. Umu momumo bakachipelela ichisu ichiza pakuba chisami.’ ”