Yoweli 2:27 - IBAYIBOLO 2024

²⁷ Po mukwiza pakumanya ukuti indi mu Izilayeli, ukuti ane ne Mwene u Chala winyu, sona nukuti atalipo uyunji, awe. Abantu bane batakwiza pakukoziwa sona isoni.

Yoweli 2:27 Iomraidhean Croise

Masalimo 46:5

U Chala ali mukaya akakulu nkani kalakala, po katakwiza pakunanganika, po u Chala akwiza pakukavwa bo izuba likufuma.

Masalimo 68:18

Bo akukwela kumwanya, ukabalongolela abakayidi abanji, po abantu bakakupa ivyabupi ivyinji nkani. Bope abantu abakusambuka bakakupa ivyabupi, umwakuti awe we Mwene u Chala wikalayemo.

Ivyili 1:23

Nanti mwivwanga isoki zyane, ngali imbabuzizye inyinong'ono zyane, sona ngali imbamanyizizye amahala ghane.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 44:8

Mutakatetemaye, mutanyilaye. Nkimba intakazifumusya zinizi nukuzinenela zila? Mwe bakaboni bane. Nkimba alipo u Chala uyunji ukwefyako ane? Awe, patalipo sona ibwe ilinji, intalimenyepo nalimolimo.”

Yesaya 45:18

Izi zyo zizyo u Mwene akunena, yuyo akapela ichisu icha kumwanya, we Chala. Weyuyo akachipela atakachipela ukuti, mutakabanjemo nakamokamo, loli akachipela ukuti chibanje chakwikalamo abantu. U Mwene akuti, “Ane ne Mwene atalipo uyunji.”

Yesaya 45:5

“Ane ne Mwene atalipo uyunji, palubazu lwane atalipo u Chala uyunji. Nkwiza pakubapa amaka, napapo utamenye ane,

Yesaya 45:6

umwakuti abantu bamanye ukufuma kubufumilo bwizuba, mupaka kubwinjililo bwache kutalipo nayumo kulubazu lwane, ne Mwene atalipo u chala uyunji.

Yesaya 46:9

Kumbuka ivintu ivyakale, ivyakwanda. Ane ne Chala, ataliko uyunji, yuyo akolanite nane.

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Ezekiyeli 37:6

Nkwiza pakubika inkole ni nyama nukwighalila numubili, nkwiza pakubika umuyi mumwinyu, umwakuti mukwiza pakuba nubumi. Po mukwiza pakumanya ukuti ane ne Mwene.’ ”

Ezekiyeli 39:22

Ukwanda palapala mupaka kuntazi kuba Izilayeli bakwiza pakumanya ukuti ane ne Mwene u Chala wabo.

Ezekiyeli 39:28

Po bakwiza pakumanya ukuti ane ne Mwene u Chala wabo, napapo nkabatuma kubuzya pakasi pa inko, nkwiza pakubabungannya muchisu ichabo ni chabo, ntakwiza pakumuleka nayumo kwisinda.

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Yoweli 2:26

Mukwiza pakulya ivyinji nkani mupaka mwikute, po mulipalaye itabwa ilya Mwene u Chala winyu, yuyo ababombela iviswigho, bope abantu bane batakwiza pakukoziwa isoni.

Yoweli 3:17

Po ukwiza pakumanya ukuti, “Ane ne Mwene u Chala wako akwikala mu Ziyoni, ighamba lyane izelu. Akaya aka Yelusalemu kakwiza pakuba kazelu, abayeni batakwiza pakukapota sona nalumo.

Yoweli 3:21

Nkwiza pakubatanizya aba Edomu naba Ijiputi pachifukwa icha libanda lilyo bakupula, ntakwiza pakubaleka bulo. Ane ne Mwene nkwikala mu Ziyoni!”

Zefaniya 3:11

Pisiku lilalila mutakwiza pakukoziwa isoni, pachifukwa ichakuti munsambukiye, pakuti nkwiza pakubefyamo mukaya kinyu, abantu babo bakwikwezya. Mutakwiza pakwituvya sona pighamba lyane izelu.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Zekaliya 2:9

Naloliloli, nkwiza pakuzikoma inko zinizi ni nyobe yane, po abazya babo bakwiza pakubafyula ivintu ivya inko zila.” Po mukwiza pakumanya ukuti u Mwene Uwamaka Ghosi antuma.

Ukubelengiwa 11:29

Loli u Mozesi akamula akati, “Nkimba uli na kabini nane? Nalondagha ukuti abantu bosi aba Mwene ngali babanga balaghuzi, sona u Mwene ngali abapanga u Muzimu wache.”

Ukubelengiwa 23:21

Nachimochimo ichighune akuchennyamo mwa Yakobo, atakuyennyamo nayimoyimo intamyo mwa Izilayeli. U Mwene u Chala wabo ali nabo, sona aba we mwene pakasi papabo.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

Ukukumbusya Amalamulo 23:14

Muvisakasa vyinyu mutabanje ubunyazu, pachifukwa ichakuti u Mwene u Chala winyu, akwendakwenda pakasi pa visakasa vyinyu, ukuti abapoke munyobe izya balwani binyu. Ivisakasa vyinyu vibanje viswepu, umwakuti atakabwennyemo nabumobumo ubunyazu, bubo bungamupela u Mwene ukuti epepo pakasi papinyu.

1 Pitala 2:6

Pakuti Amasimbo ghakuti, “Nkasala ibwe ilyamutengo, lilyo nkwala mu Ziyoni pakuba lya pankuto. Po umuntu wesi yuyo akusubila mumwache atakwiza pakukoziwa isoni.”

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.