Biblia Todo Logo
Bìoball air-loidhne

- Sanasan -




Yoweli 2:26 - IBAYIBOLO 2024

26 Mukwiza pakulya ivyinji nkani mupaka mwikute, po mulipalaye itabwa ilya Mwene u Chala winyu, yuyo ababombela iviswigho, bope abantu bane batakwiza pakukoziwa isoni.

Faic an caibideil Dèan lethbhreac




Yoweli 2:26
41 Iomraidhean Croise  

Nalamba pokela ivyabupi vivyo niza navyo, pakuti u Chala ampelela ichisa, sona ampa ivyakusobelwa vyane vyosi.” U Yakobo akamulambilizya nkani u Esabu, mupaka pabumalilo akatonta nukupokela.


Bakatufyula utwaya utukulu nkani utwa malinga ni chisu chabo icha mboto, ni nyumba zyabo inyizule ni vintu ivyiza ivyakulekanalekana ni viziba ivikumbe na maghunda ghabo agha mampesya na makwi agha misyunguti sona na makwi agha seke. Bakalyanga nukwikuta, sona bakina nkani. Bakilaghagha nkani ivintu vyosi ivyiza vivyo ukabapanga.


Akubwizuzya ubumi bwako ni vyiza vyosi, ubulumendo bwako bukwanda chipyachipya ngati lizwanga.


Wee moyo wane, tuzya, pakuti u Mwene akubombeye ivyiza.


Nkwiza pakumwimbilagha u Mwene, pakuti ambombela inyiza.


Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”


Pakabalilo akantamyo batakwiza pakuyimba, sona pakabalilo aka zala bakwiza pakuba ni chakulya ichakukwana.


Wee Chala, abantu aba inko zyosi bakupalaye, sona abantu aba inko zyosi bakupalaye.


U Mwene u Chala uwa ba Izilayeli apaliwanje, weyuyo mwene akubomba ivyakuswighisya.


Umuntu umugholosu ali navyo ivyakukwana, loli umuntu umubibi akulindagha bulo nizala.


Wee wapamoyo wane, sona mughaniwa wane, ninjila mumughunda wane. Indi pakwilagha amafuta agha mule, poka nu twakufukizya utwakununkila utunji. Nkulya ichitenga poka nu buchi bwache, sona nkung'wela uvinyo wane poka nu lukama lwane. Mwee bamanyani bane, lyanga, ng'welagha mupaka papo mwikuta, mwee baghaniwa bane.


Wee Mwene, awe we Chala wane, nkwiza pakulikwezya nukulipala itabwa lyako, pachifukwa icha busubiliwa bwako ubwakufikapo, wabomba ivyakuswighisya vivyo ukabatika kale.


Polelo zinizi zyo zizyo u Mwene yuyo akamupoka u Abulahamu akuyibuzya inyumba iya Yakobo ukuti, “Abantu bane batakwiza pakuyimba pamo ivyeni vyabo vitakwiza pakuba ni soni.


Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.


Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”


“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.


Nkimba choni chicho mukutagha indalama, pavivyo te vyakulya, sona nukubombela pachicho chitakwikutizya? Nteghelezya akiza, sona mulyanje chicho chiza, mwilaghaye pakulya ivyakulya ivyizya.


Ichisu chope chikwiza pakubapa ivikomwa, po mukwiza pakulya mupaka nukwikuta, sona mukwiza pakwikala muchisu umwakufwasa.”


Bo nefya ivibama vyinyu ivya isiku ni siku, abakolo 10 bakwiza pakupiya ivibama mu musonta yoka. Po bakwiza pakubagabila amwe ivibama vila mutumenyumenyu, sona nanti mwalya, pope bulo mutakwiza pakwikuta.


Inyinulo yinyu yikwiza pakwendelela mupaka pakabalilo akakuyabila ivikomwa, sona mukwiza pakuyabagha ivikomwa mupaka pakabalilo akakubyalila. Mukwiza pakulya ivibama nukwikuta, sona mukwiza pakwikala muchisu chinyu umwakufwasa.”


Ukwiza pakulya loli utakwiza pakwikuta, sona izala yikwiza pakukulema. Ukwiza pakubunganika, loli utakwiza pakusungapo nachimochimo, pachifukwa ichakuti vivyo wasunga, nkwiza pakuvinangannya pakabalilo aka bwite.


Pisiku lilalila mutakwiza pakukoziwa isoni, pachifukwa ichakuti munsambukiye, pakuti nkwiza pakubefyamo mukaya kinyu, abantu babo bakwikwezya. Mutakwiza pakwituvya sona pighamba lyane izelu.


akwiza pakubavighilila. Bakwiza pakubapota nukubanangannya pakubasumba na mabwe. Bakwiza pakung'wela nukukolomoka ngati po bakolizwe nu vinyo. Bakwiza pakwizula ni banda ngati nyinga, izyakubombezya pakunyafila inkuto izya chighemo.


Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.


Amasimbo ghakuti, “Umuntu wesi yuyo akusubila mumwache, atakwiza pakukoziwa isoni.”


Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.


ukuyana na Masimbo aghakuti, “Ennya, nkwala ibwe mu Ziyoni lilyo likwiza pakubapela abantu ukwipunula, ilyalabwe lilyo likwiza pakubawisya abantu. Loli umuntu wesi yuyo akusubila mumwache, atakwiza pakukoziwa isoni.”


Nkwiza pakumezya isote ilyakuti ing'ombe zyinyu zilyanje, sona amwe mukwiza pakulya nukwikuta.


Kulakula amwe poka na bana binyu abalumendo na balindu na bambombo binyu abalumendo na balindu sona naba Levi babo bakwikala mutwaya twinyu, babo bate ni chigaba pamo impyana iyabo ni yabo musekelaye pamaso pa Mwene u Chala winyu.


Loli amwe na bana binyu abalumendo na balindu poka na bambombo binyu abalumendo na balindu sona naba Levi babo bakwikala mutwaya twinyu, mulyanje ivyakwiyipa vinivi nukusekela pamaso pa Mwene u Chala winyu pabuzilo boka bubo u Mwene u Chala winyu abusalite, pachifukwa icha lusayo lulo abapiye.


Kulakula amwe poka na bamunyumba zyinyu mulyanje nukusekela pamaso pa Mwene u Chala winyu pachifukwa icha lusayo lulo abapiye.


Bo mwalya nukwikuta, mumupalizyanje u Mwene u Chala winyu pachifukwa icha chisu icha mboto chicho abapiye.


Ubabuzye babo bakabi muchisu ichapasi ukuti batakituvyanje, pamo ukubika ulusubilo lwabo mu bukabi ubwa muchisu ichapasi, bubo butakumanyikwa bwiza. Loli babike ulusubilo lwabo mwa Chala, yuyo akutupa ivintu vyosi umwakusita ukumamilizya ukuti twilaghaye navyo.


Polelo bana bane, mumamatilane poka nawe, umwakuti bo akuboneka, tubanje bajivu nkani, sona nukuti tutakakoziwe isoni, bo akwiza sona.


Lean sinn:

Sanasan


Sanasan