Yoweli 2:23 - IBAYIBOLO 2024

²³ Mwee bantu aba mu Ziyoni hobokagha, sona sekelagha mwa Mwene u Chala winyu, pakuti abapa ivula iyakwanda, sona abapa ivula inyinji, ivula iya chisiku niya lupepo ngati yakale.

Yoweli 2:23 Iomraidhean Croise

1 Abamwene 8:36

po ivwa uko kumwanya kuko ukwikala nukubahobokela imbibi zyabo ababombi bako aba Izilayeli. Ubamanyisyanje inkalo inyiza, sona ubawisizye ivula muchisu chicho ukabapa abantu bako pakuba mpyana yabo.

Yobu 33:23

Lumo kungaba uwantumi weka kulubazu lwache uwakumwavwa, weka uwa mubantumi 1,000 aba Chala, pakumubuzya umuntu chicho chiza,

Yobu 37:13

Akutimizya ivula ukuti abafunde abantu, pamo ukusembelela ichisu ichapasi pakulanjizya ulughano lwache.

Masalimo 104:34

Inyiputo zyane zimuhobosyanje, bo nkusekela mwa Mwene.

Masalimo 147:8

Kumwanya akukuvwinka na mabingu, nukutimizya ivula pachisu ichapasi, sona akumezya isote mumaghamba.

Masalimo 149:2

Aba Izilayeli basekelaye, pachifukwa icha Mupeli wabo, abantu aba mu Ziyoni bahobokaye pachifukwa icha Mwene wabo.

Masalimo 28:7

U Mwene we maka ghane sona we ngulu yane, po umoyo wane ghumusubiye sona anyavwa. Umoyo wane ghukunyelanyela pachifukwa icha buhobosu, sona nkwiza pakumupala ni nyimbo.

Masalimo 32:11

Mwee bantu abagholosu, muhobokaye mwa Mwene, sona mwimbaye mwebosi mwe muli na moyo amagholosu.

Masalimo 84:6

Bo bakudumusannya mwikombe ilya Baka, palapala bakuyipela pakuba mbwibwi ivula iya chizimya lupya yikwiza pakwizuzya nulusayo.

Ivyili 16:15

Bo icheni icha mwene chikulama kokuti mulimo ubumi, sona ichisa chache chili ngati mabingu agha vula pachisiku.

Yesaya 30:21

Napapo mungaghalabukila kundilo pamo kumongo, amakutu ghinyu ghakwiza pakwivwa izyu ukufuma kwisinda kwinyu, likuti, “Iyi yo zila; endagha mumo.”

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 41:16

Ukwiza pakughapeta, po impepo yikwiza pakughapupuzya, ukankungu akwiza pakughanyampannya. Loli mukwiza pakusekela mwa Mwene, mukwiza pakuchindikiwa, pachifukwa icha Muzelu uwa Izilayeli.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yelemiya 3:3

Pachifukwa chinichi ivula iya chisiku yakaniziwa, sona yope ivula iya lupepo yitatimite, loli pope bulo ukuboneka ngati we malaya, sona ute ni soni nazimozimo pazizyo wabomba.

Yelemiya 5:24

Batakunena mumoyo ghabo ukuti, ‘Zagha tumunyilaye u Mwene u Chala witu, yuyo akutupa ivula iya chizimyalupya pakabalilo kache, sona ni vula iyamaka pakabalilo kache, sona atwimikiye amasiku aghakutuzikizya nagha nyinulo.’

Nkuto 4:2

Abakolo aba mu Yelusalemu babo bakaba bapamwanya ngati we golide, ilelo bali ngati zyo sonta bulo, zizyo zimatiwe nu mumatasonta.

Ezekiyeli 34:26

Nkwiza pakubasaya abantu bane poka nu buzilo bubo buzyunguliye akaghamba kane. Nkwiza pakutuma ivula pakabalilo kache, po yikwiza pakuba vula iya lusayo.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Aba Levi 26:4

ane nkwiza pakubapa ivula pakabalilo kache. Ichisu chikwiza pakubabotolela imboto, sona amakwi ghakwiza pakwelagha ivikomwa.

Amosi 4:7

“Nkayilema ivula, bo inyinulo yinyu yasyala amezi matatu. Nkatimizya ivula mukaya kamo akakulu, loli intakayitimizya mukaya akanji akakulu. Ivula yikatima mumughunda ghumo, loli mumughunda ughunji ivula yitakatimamo, po imbeyu zikuma.

Zekaliya 10:1

Mulabaye ivula kwa Mwene pakabalilo aka chisiku, yuyo akutuma amabingu aghavula, sona akubapa abantu ivula iyakusalasata, akumezya ivibyalwa mumaghunda agha muntu wesi.

Zekaliya 10:7

Aba Efulayimu bakwiza pakuba ngati bantu abamaka nkani, bakwiza pakuhoboka nkani mumoyo ngati bantu babo bakolizwe u vinyo. Abana babo bakwiza pakuchennya nukusekela, amoyo ghabo ghakwiza pakuhoboka mwa Mwene.

Zekaliya 9:13

Nkwiza pakumupeta u Yuda ngati bwele, sona u Efulayimu akwiza pakuba tulasilo twache. Wee Ziyoni, nkwiza pakubanyamusya abana bako, umwakuti balwe na bantu aba ku Gilisi, nkwiza pakukupela pakuba wepanga uwa balwabwite abamaka nkani.”

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Imbombo 14:17

Loli akusimikizya ukuti akabako kale pavintu ivyiza vivyo akubomba. U Chala akubapa ivula ukufuma kumwanya ni nyinulo pakabalilo kache akiza; akubapa ichakulya nukwizuzya amoyo ghinyu nu buhobosu.”

Ukukumbusya Amalamulo 11:14

po ane nkwiza pakubatumila ivula muchisu chinyu pakabalilo aka lupepo na pachisiku, umwakuti mwinule ingano, nukuba nu vinyo umupya, na mafuta agha misyunguti aminji nkani.

Ukukumbusya Amalamulo 28:12

U Mwene u Chala winyu akwiza pakubapa ivula pakabalilo kache ukufuma kumwanya kuko akuyisunga, sona akwiza pakuzisaya imbombo zyinyu zyosi, umwakuti mukwiza pakuzikopezya inko izinji, loli amwe mutakwiza pakukopa nalumolumo.

Ukukumbusya Amalamulo 32:2

Ivimanyisyo vyane vitimaye ngati yo vula, sona amazyu ghane ghabanje ngati yo nganda. Ngati ko kavula akakusalasata, amazyu ghane ghawanje pisote ghatimaye pisote iteta ngati yo vula inyinji nkani.

Aba Filipi 3:1

Pabumalilo, bakamu bane, nkunena ukuti, “Muhobokaye mwa Mwene.” Chitakunditisya napo panandi pakupyanizya sona amazyu ghagho nasimba kale, pakuti chintu chimo chicho chingabavwa ukuti mutakilamwe.

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”