Yoweli 2:22 - IBAYIBOLO 2024

²² Mwee vinyamana ivyamunkolongo mutakanyilaye, pakuti isote lyanda pakulemba. Amakwi ghanda pakwela ivikomwa vyache, ghope amakuyu na mampesya ghela nkani.

Yoweli 2:22 Iomraidhean Croise

Ubwandilo 4:12

Nanti ukuyezya pakupesa imbeyu, itope litakwiza pakumezya nalumo imbeyu. Ukwiza pakuba muntu uwakwendakwenda bulo, sona nu musita kwikalana pachisu ichapasi.”

Masalimo 36:6

Ubugholosu bwako buli ngati maghamba aghamaka, sona ubwanaloli bwako bope buli ngati nyanja inyibizu. Wee Mwene, ukubasungililagha abantu ni vinyamana.

Masalimo 65:12

Isote iteta likuboneka munkolongo yako. Po amaghamba ghizuye nu lusekelo.

Masalimo 65:13

Mope mumaghunda mwizuye ni midimo, sona amakombe ghizuye ni ngano. Po ivintu vyosi vikukolomoka nukwimba nu lusekelo.

Masalimo 67:6

Po ichisu chikwiza pakwela ivikomwa vyache, sona u Chala witu akwiza pakutusaya.

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Ezekiyeli 36:30

Nkwiza pakubalizya ivikomwa ivya mumakwi ni vikomwa ivya mumaghunda, umwakuti mutakoziwanje isoni pakasi pa inko chifukwa icha zala.

Ezekiyeli 36:35

Bakwiza pakunena ukuti, “Ichi cho chisu chicho chikaba chisami ilelo chaba ngati mughunda uwa Edeni, utwaya utukulu nkani tuto tukaba visami, sona tuto abantu batakwikalamo, tuto tukananganika, ilelo twaba malinga sona abantu bakwikalamo.”

Ezekiyeli 36:8

“ ‘Loli amwe, mwe maghamba agha Izilayeli mukwiza pakumela isamba nukupa ivikomwa ivya bantu bane aba Izilayeli, pakuti bali papipi pakubwela.

Yona 4:11

Po zingaba bulibuli nane, nkimba intangaba ni chitima nakaya akakulu nkani aka Ninive, mumo muli abantu abakuchila 120,000, babo batamenye pakulesannya ichintu ichiza ni chibibi, sona mumo vilimo ivitekwa ivyinji nkani?”

Hagayi 2:16

Bo umuntu akusubila pakughagha amasaka 20 agha ngano loli akaghagha amasaka 10, bo uyunji akwiza pakusemba isonta 50 izya vinyo, loli akazyagha bulo 20.

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

1 Aba Kolinti 3:7

Polelo yuyo akabyala, sona na yuyo akasembelela amizi ate ni mbombo, loli u Chala mwene, yuyo akumezya, weyuyo ali ni mbombo.