Yoweli 2:21 - IBAYIBOLO 2024

²¹ “Wee chisu, utakanyilaye awe hobokagha sona sekelagha. Pakuti u Mwene abomba ivintu ivikulu nkani.

Yoweli 2:21 Iomraidhean Croise

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Masalimo 98:8

Isoko zikomaye inkufi, amaghamba ghimbaye poka pachifukwa icha buhobosu.

Yesaya 35:1

Inkolongo ni chisu ichumizu vikwiza pakuhoboka, umusitu ghukwiza pakusekela nukulama ngati bwezya.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 54:4

“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.

Yesaya 55:12

Pakuti mukwiza pakwepamo nu lusekelo, bakwiza pakubefyamo umwamutende bulo, amaghamba nu tumaghamba, vikwiza pakwimba pamaso papinyu, sona amakwi ghosi agha mumusito, ghakwiza pakubakomela inkufi zyabo.

Yelemiya 33:3

‘Laba kukwane po Ane nkwiza pakukwamula nukukubuzya ivintu vivyo vyibizu nkani sona utavimenyemo.’

Hoseya 2:21

U Mwene akuti, “Mumasiku ghalaghala nkwiza pakwighula kumwanya, po ivula yikwiza pakutima pachisu ichapasi.

Yoweli 2:20

“Nkwiza pakubachimbizizya kubutali nkani abasilikali abakumitu, nukubachimbizizya kuchisu ichumizu sona chicho chite ni mboto. Abantu bache babo balongoleye nkwiza pakubachimbizizya ku Nyanja Imfwe iyakubufumilo bwizuba, bope abakwisinda nkwiza pakubachimbizizya ku Nyanja iya Medeteleniya. Amabili ghabo ghakwiza pakununka, naloliloli nkwiza pakubanangannya, pachifukwa icha vintu ivikulu vivyo babomba.

Yoweli 2:26

Mukwiza pakulya ivyinji nkani mupaka mwikute, po mulipalaye itabwa ilya Mwene u Chala winyu, yuyo ababombela iviswigho, bope abantu bane batakwiza pakukoziwa isoni.

Zekaliya 8:15

po ilelo nkulonda pakumubombela sona ubwiza u Yelusalemu nu Yuda, mutakanyilaye.

Ukukumbusya Amalamulo 4:32

Buzikizya nizya masiku aghakale, kale amwe bo muchili nukupapiwa, ukwandila pisiku lilyo u Chala akamupelela umuntu pachisu ichapasi. Buzikizya ukwandila ko kubumalilo ubwa kumwanya mupaka kubumalilo ubunji. Nkimba ichintu ichikulu ichi chikabombiwapo lumo? Nkimba alipo yumo ivuyepo ichintu chinichi?

1 Samuweli 12:16

“Polelo imilila bulo panapa ukuti mwennye ichintu ichikulu chicho u Mwene akwiza pakubomba pamaso papinyu.

1 Samuweli 12:24

Mwenelezye nkani ukuti mukumunyila u Mwene, nukumubombela mubwanaloli bwinyu bosi nu moyo winyu ghosi. Akabalilo kosi mukumbukaye ivintu ivikulu vivyo ababombela.