Yoweli 2:20 - IBAYIBOLO 2024

²⁰ “Nkwiza pakubachimbizizya kubutali nkani abasilikali abakumitu, nukubachimbizizya kuchisu ichumizu sona chicho chite ni mboto. Abantu bache babo balongoleye nkwiza pakubachimbizizya ku Nyanja Imfwe iyakubufumilo bwizuba, bope abakwisinda nkwiza pakubachimbizizya ku Nyanja iya Medeteleniya. Amabili ghabo ghakwiza pakununka, naloliloli nkwiza pakubanangannya, pachifukwa icha vintu ivikulu vivyo babomba.

Yoweli 2:20 Iomraidhean Croise

2 Abamwene 8:13

Po u Hazayeli akamulalusya akati, “Nkimba naloli ningabomba ichintu ichikulu ichi, pakuti ane ne mubombi wako injanite bulo nimbwa?” U Elisha akamwamula akati, “U Mwene anvumbulila ukuti ukwiza pakuba we mwene uwa ba Siliya.”

Masalimo 126:3

U Mwene atubombela ivintu ivikulu nkani, po twahoboka nkani.

Ukufuma 10:19

Po u Mwene akayipela impepo iyakubufumilo bwizuba pakuba mpepo iyamaka iya kubwinjililo bwizuba, yiyo yikapupusizya umakanta yula mu Nyanja Inchesamu. Atakasyalamo nayumoyumo umakanta mu Ijiputi.

Ukufuma 8:14

Aba Ijiputi bakababungannya abachula bala muvibunga, umwakuti ichisu chosi chikanunka nkani pachifukwa icha bachula bala.

Yesaya 34:3

Imivimba yabo yikwiza pakutaghiwa kuzi, sona yikwiza pakununka nkani, po amaghamba ghakwiza pakwizula nibanda lyabo.

Ezekiyeli 47:18

“Kulubazu ulwakubufumilo bwizuba impaka yikwiza pakwenda pakasi pa Haulani nu Damasika, mulubazu mulusoko ulwa Yolodani pakasi pa Giliyadi ni chisu icha Izilayeli, kubufumilo bwizuba ubwa Nyanja Imfwe mupaka ku Tamala. Yiniyi yikwiza pakuba mpaka iyakubufumilo bwizuba.

Amosi 4:10

“Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.

Zekaliya 14:8

Pisiku linilyo amizi amapela bumi ghakwiza pakwendagha ukufuma mu Yelusalemu, u hafu ghakwiza pakwendagha kubufumilo ubwa Nyanja Imfwe, sona u hafu uyunji ghakwiza pakwendagha kubwinjililo ubwa Nyanja iya Medeteleniya pachisanya napa chisiku.

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Ukukumbusya Amalamulo 11:24

Ichisu chosi chicho mukwiza pakukanyamo chikwiza pakuba chinyu. Impaka yinyu yikwiza pakwandila ko kuntende kunkolongo mupaka kumitu kumaghamba agha Lebanoni, sona ukwandila ko kulusoko ulwa Yufuleti kubufumilo bwizuba mupaka ku Nyanja iya Medeteleniya.