Yoweli 2:2 - IBAYIBOLO 2024

² Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Yoweli 2:2 Iomraidhean Croise

Masalimo 10:6

Akunena mwene akuti, “Ane intangayingana nukuyingana. Akabalilo kosi nkwiza pakuhobokagha, sona intangakomana nintamyo.”

Masalimo 97:2

Amabingu ni chisi vimuzyunguliye, ubugholosu nu bwanaloli vyo vivyo vikwikazya ichitengo chache.

Ukufuma 10:14

Umakanta yula akizuzya ichisu chosi icha Ijiputi nukusata posi na posi. Akaba mwinji nkani yuyo nayumo umuntu atamwenizyepo ukwanda kale, pamo akwiza pakubako sona.

Ukufuma 10:6

Akwiza pakwizula munyumba zyako na munyumba izya makambala ghako, sona na munyumba izya ba Ijiputi. Umakanta yunuyu akwiza pakuba mubibi nkani, yuyo abanyenya binyu batamwenizyepo nalumolumo.’ ” Po u Mozesi akaghalabuka nukwepapo pamaso pa Falabo.

Ukufuma 20:21

Abantu bakimilila pabutalipo, bo u Mozesi akupalamila kwibingu ifitu mumo u Chala akaba.

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yesaya 8:22

Po bakwiza pakwennya pachisu ichapasi intamyo, nububavu ubukulu nkani ni chisi ichakoghofya, bakwiza pakutaghiwa muchisi.

Yelemiya 13:16

Mumuchindikaye u Mwene u Chala winyu bo achili pakwiza nichisi, bo ivinama vyinyu vitipunuye muchisi icha mumaghamba. Mukulindilila ulukozyo, loli akwiza pakulupela pakuba chisi ichakoghofya.

Yelemiya 13:6

Bo ghachilapo amasiku aminji, u Mwene akambuzya akati, “Nyamuka, buka ku Yufuleti nukusenda ulamba yuyo nkakubuzya ukuti umufise kulakula.”

Nkuto 1:12

Nkimba chinichi chitakubaswighisya mwebosi mwe mukudumusannya bulo? Po talankannya mwennye nanti ghalipo amayimba aghanji, ghagho ghayanite na mayimba ghane, amayimba ghagho u Mwene akangwisizya pisiku lilyo akankalalila.

Ezekiyeli 32:7

Bo nakuzimizya, nkwiza pakwighalila kumwanya nukuzifisya intondwa, Nkwiza pakulivwinka izuba ni bingu, sona u mwezi ghutakwiza pakulama.

Ezekiyeli 34:12

Ngati mumo umudimi akuzilondelezezya ing'ozi zizyo zyanyampana, momumo nane nkwiza pakubombela. Nkwiza pakuzipoka kubuzilo bosi bubo zinyampanikiyeko pisiku ilya mabingu nilya chisi.

Ezekiyeli 38:9

Awe na basilikali bako bosi ninko inyinji zizyo zili poka nawe, mukwiza pakwiza ngati we kankungu, sona ngati libingu ilya kuvwinka ichisu.

Daniyeli 12:1

Uwantumi uwa Chala yuyo akavwala amenda amatonte akati, “Pakabalilo kalakala uwantumi usongo nkani u Mikayeli, yuyo akubavighilila abantu bako babo basimbiwe mwibuku ilya bumi bakwiza pakupokiwa. Po akabalilo akantamyo kakwiza pakufikila kako katabonekitepo nalumo ukwanda pakabalilo kako inko zikandila mupaka pakabalilo kalakala. Bo akabalilo kalakala kafikila, abantu bako bosi babo amatabwa ghabo ghasimbiwe mwibuku ilya bumi bakwiza pakupona.

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Yoweli 1:6

Umakanta umwinji nkani aghuye muchisu chane, wamaka nkani sona atangabelengiwa. Ali na mino ngati gha nkalamu inyanavuli, ghope amino ghache matali sona ghakwete nkani, ngati gha nkalamu inkolo.

Yoweli 2:25

“Nkwiza pakubanyosezya papo, pamaka ghosi ghagho umakanta anangannyanga, umakanta umukulu nkani sona nu kanta umunandi, impazi izinji izyakunangannya, sona nu pyela. Banaba bo basilikali babo nkabatuma ukuti babavwe.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Yoweli 2:5

Ukunyelanyela kwabo kuli ngati zyo ngolo mumaghamba, ngati moto ghugho ghukupanta ghukulungulizya ivisinko, ngati musilikali uwamaka yuyo iyanizye pakulwa ubwite.

Yoweli 3:4

“Nkimba u Tile nu Sidoni poka ni chigaba chosi icha Filisiti, muli na mbombo yoni nane? Nkimba mukuntanizya pa zizyo nabomba? Nanti naloli mukuntanizya, nane bulo nkwiza pakubatanizya lubilolubilo pa zizyo mwabomba.

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Zekaliya 14:6

Pisiku lilalila kutakwiza pakubako ukukatala pamo ukabefu.

Matayi 24:21

Pakuti intamyo izya masiku ghala zikwiza pakuba mpalapala nkani ukuchila zyosi zizyo zikabapo na kale, ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Maliko 13:19

Pakuti intamyo izya masiku ghala zikwiza pakuba mpalapala nkani ukuchila zyosi zizyo ichisu ichapasi chikomanitepo nazyo ukwandila ko kubwandilo, bo u Chala apela ichisu ichapasi mupaka ilelo. Po zite zikaboneke nalumo.

Ukukumbusya Amalamulo 32:7

Mughakumbuke amasiku aghakale nkani, mwinong'one nizya nkulilo izyakale nkani. Mubalalusye abapapi binyu, bakwiza pakubabuzya. Mubalalusye abaghosi, bakwiza pakubalingannya.

Aba Hebeli 12:18

Amwe mutizite ukuyana namumo bakizila aba Izilayeli kwighamba lilyo lingapalamasiwa, sona lilyo likwaka numoto; ilya chisi ichakoghofya ni mpepo iyakukuka,

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.

Ubuvumbuli 9:2

Ulutondwa lula lukighula ichibanka, po ilyosi likasuka muchibanka ngati po likufuma mung'anjo iya moto. Izuba na mumwanya vikafita ni lyosi ilyakufuma muchibanka ichibizu nkani chila.