Yoweli 2:19 - IBAYIBOLO 2024

¹⁹ U Mwene akwiza pakubamula ukuti, “Nkubatumila ingano, nu vinyo umupya, sona na mafuta, vivyo vikwiza pakubakwana, Po ntakwiza pakubasamula sona pakasi pa inko.

Yoweli 2:19 Iomraidhean Croise

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Ezekiyeli 34:29

Nkwiza pakubapa amaghunda amiza umwakuti ghapanje ivyakulya ivyinji, po batakwiza pakuba nizala sona muchisu chila, pamo ukusekiwa ninko.

Ezekiyeli 36:15

Ntakwiza pakubapela ukuti mwivwanje intuko izya inko, sona mutakwiza pakusekiwa na bantu pamo pakuzipela inko zyinyu ukuti ziwe, u Mwene Uwamaka Ghosi anena.’ ”

Ezekiyeli 36:29

Nkwiza pakubapoka kubunyazu bwinyu bosi. Nukubapa ingano inyiza sona nkwiza pakumazya izala papinyu.

Ezekiyeli 36:30

Nkwiza pakubalizya ivikomwa ivya mumakwi ni vikomwa ivya mumaghunda, umwakuti mutakoziwanje isoni pakasi pa inko chifukwa icha zala.

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Hoseya 2:15

Kulakula nkwiza pakumunyosekezya umughunda wache uwa mampesya, sona nkwiza pakulipela Ikombe ilya ntamyo pakuba mulyango uwa Lusubilo. Kulakula akwiza pakwamula ngati mo mumasiku agha bulindu bwache, ngati mo mumasiku ghagho akepela mu Ijiputi.

Hoseya 2:21

U Mwene akuti, “Mumasiku ghalaghala nkwiza pakwighula kumwanya, po ivula yikwiza pakutima pachisu ichapasi.

Hoseya 2:22

Itope lyope likwiza pakupa ingano, nu vinyo umupya, na mafuta gha syunguti, umwakuti u Yezileli avibombezyanje imbombo.

Yoweli 1:10

Amaghunda ghananganika, sona chope ichisu chumiye. Ingano yananganika, amampesya ghumiye, sona imisyunguti yafoka.

Yoweli 2:24

Apakukomelapo inyinulo pizulaye ni ngano, sona isonta izyakusungilamo uvinyo umupya na mafuta zifulukaye.

Aba Levi 26:5

Inyinulo yinyu yikwiza pakwendelela mupaka pakabalilo akakuyabila ivikomwa, sona mukwiza pakuyabagha ivikomwa mupaka pakabalilo akakubyalila. Mukwiza pakulya ivibama nukwikuta, sona mukwiza pakwikala muchisu chinyu umwakufwasa.”

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Ukukumbusya Amalamulo 11:14

po ane nkwiza pakubatumila ivula muchisu chinyu pakabalilo aka lupepo na pachisiku, umwakuti mwinule ingano, nukuba nu vinyo umupya, na mafuta agha misyunguti aminji nkani.

Luti 1:6

Bo u Nabomi ivwa ukuti u Mwene abavwa abantu bache ni vyakulya, u Nabomi poka na balasagha bache babili bala bakanda ukwiyannya pakwepamo mu Mowabu nukubwela kukwabo.