Yoweli 2:18 - IBAYIBOLO 2024

¹⁸ Po u Mwene akwiza pakuba nu buzuba pachifukwa icha chisu chache, sona akwiza pakubapelela ichisa abantu bache.

Yoweli 2:18 Iomraidhean Croise

2 Abamwene 19:31

Pakuti mu Yelusalemu momumo mukwiza pakufuma abakusyalako sona abakupona bakwiza pakufuma kwighamba ilya Ziyoni. Ulweke ulwa Mwene Uwamaka Ghosi lo lukwiza pakuzibomba zinizi.

Masalimo 103:13

Ngati mumo uwise akubela ni chililizi na bana bache, umwakuyana bulo u Mwene akubanga ni chililizi na bantu babo bakumuchindika.

Masalimo 103:17

Ukufuma kubwandilo mupaka kubumalilo ulughano ulwa Mwene lwa bwila na bwila ku bantu babo bakumuchindika, ubugholosu bwache ubwa banyenya babo.

Yesaya 37:32

Pakuti mu Yelusalemu momumo mukwiza pakufuma abakusyalako, sona abakupona bakwiza pakufuma kwighamba ilya Ziyoni. Ulweke ulwa Mwene Uwamaka Ghosi lo lukwiza pakuzibomba zinizi.

Yesaya 42:13

U Mwene akulefuka ngati muntu uwamaka, sona ngati musilikali yuyo ali nulweke pakulwa ubwite, akukolomoka nukukoloma ukwa bwite, po akubapota abalwani bache.

Yesaya 60:10

Abayeni bakwiza pakuzenga sona amalinga ghako, sona abamwene bako bakwiza pakukubombela. Napapo mubukalale nkakukoma, loli mulughano lwane nkakupelela ichisa.

Yesaya 63:15

Eee Mwene, ennya pasi ukufuma uko kumwanya, po wennye pachitengo icha bumwene ichizelu, sona icha buchindamu. Nkimba ulweke lwako, na maka ghako vili ko kwiyi? Fwandi ichisa ni chililizi chako vili ko kwiyi.

Yesaya 63:9

Mumayimba ghabo ghosi wepe bulo akayimba, po uwantumi yuyo akaba palapala akabapoka, akabapoka mulughano lwache na muchisa chache. Akabanyamula nukubasenda mumasiku aghakale.

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Nkuto 3:22

U Mwene atughanite nkani, cho chifukwa aswe tutakunanganika, sona ichisa chache chitakumalaghapo nalumo.

Zekaliya 1:14

Po uwantumi yuyo akanenagha nane akambuzya akati, “Fumusya ukuti u Mwene Uwamaka Ghosi ati, ‘Ubuzuba bwane bukwaka pa Yelusalemu, sona na pighamba izelu ilya Ziyoni,

Zekaliya 8:2

Zinizi zyo zizyo u Mwene Uwamaka Ghosi akambuzya ukuti, “Ane indi nubuzuba nu Ziyoni, nkwaka nubuzuba papache.”

Luka 15:20

Po akanyamuka nukunyokela kwa wise.’ “Bo achili ali pabutalipo ni nyumba uwise akamwennya. Umoyo wache ghukizula ni chitima akachimbila nukumukukila, sona akamulamuka nu lughano.

Ukukumbusya Amalamulo 32:16

U Mwene akaba nu buzuba, pachifukwa ichakuti bakabiputa abachala abanji. Bakamukalalizya nkani, pachifukwa ichakwiputa ivifwani vyabo ivyamwiko.

Ukukumbusya Amalamulo 32:36

U Mwene akwiza pakubalonga abantu bache. Akwiza pakubapelela ichisa ababombi bache bo ennya ukuti amaka ghabo ghamala, sona nukuti atalipo nayumoyumo umuntu uwakusyala, manyi muzya, pamo musatuke.

Ukukumbusya Amalamulo 32:43

Sekela, mwee inko zyache zyosi. U Mwene akwiza pakubatanizya abantu, babo bakubaghogha ababombi bache. Akwiza pakubatanizya abalwani bache, nukubahobokela imbibi abantu bache.

Yakobo 5:11

Abantu banaba tukubitizya ukuti bahobosu pachifukwa ichakuti bakajimba mumayimba. Kumbuka namumo u Yobu akajimbila mumayimba, sona namumo u Mwene akamwamulila pabumalilo. Pakuti u Mwene wachisa, sona walupazikizyo.

Abalongi 10:16

Po bakabefya abachala abayeni bala pakasi papabo nukumubombela u Mwene. U Mwene akaba ni chitima naba Izilayeli pachifukwa icha mayimba ghabo.