Yoweli 2:17 - IBAYIBOLO 2024

¹⁷ Muleke umuputi yuyo akubomba pamaso pa Mwene, alilaye pakasi pa bwinjililo ubwa Nyumba iya Chala ni chighemo. Baleke banenaye ukuti, “Wee Mwene ubapelele ichisa abantu bako. Utakachipele ichilingo chako ukuti chisamuliwe. Nkimba choni chicho banenaye pakasi pa inko izinji ukuti, ‘Nkimba u Chala winyu ali ko kwiyi?’ ”

Yoweli 2:17 Iomraidhean Croise

1 Abamwene 6:3

Ulubinjilo mubutali lukaba amamita 9 ukuyana nu mububaba ubwa Nyumba yila. Ubutali bwache bukaba amamita 4 nu hafu.

1 Abamwene 9:7

po nkwiza pakubefyamo aba Izilayeli muchisu chicho nabapiye. Nkwiza pakuyikana Inyumba yiyo nayipaghula ukuti nchindikiliwanjemo. Aba Izilayeli bakwiza pakuba kapangwi bulo sona ni chakusekiwa pakasi pabantu bosi.

2 Imbili 7:20

po nkwiza pakubanyunkulamo aba Izilayeli muchisu chane chicho nabapiye. Nkwiza pakuyikana Inyumba yiyo nayipaghula ukuti inchindikiliwanjemo. Nkwiza pakuyipela pakuba kapangwi bulo sona ni chakusekiwa pakasi pabantu bosi.

2 Imbili 8:12

Pachighemo icha Mwene chicho akazenga kuntazi ukwa ntanda, u Solomoni akabikapo ivyakwiyipa ivyakocha kwa Mwene,

Nehemiya 9:36

“Ennya, ilelo aswe twe bazya muchisu chicho ukabapa abanyenya bitu umwakuti balyanje ivikomwa vyache sona ni vyiza vyosi vivyo vili mulamula.

Masalimo 115:2

Nkimba choni chicho abantu aba inko bakutinji, “Nkimba u Chala wabo ali ko kwiyi?”

Masalimo 42:10

Intuko izya balwani bane zikunjivya ngati yo nkonko, bo abakumbenga bakunyobezya pakundalusya isiku lyosi ukuti, “Nkimba u Chala wako ali ko kwiyi?”

Masalimo 42:11

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Masalimo 42:3

Nkulila pamusanya na pabusiku bulo, sona amasozi gho chakulya chane. Akabalilo kosi abalwani bane bakundalusya bakuti, “Nkimba u Chala wako ali ko kwiyi?”

Masalimo 42:4

Umoyo wane ghukumbaba nanti navikumbuka ivintu ivyakale, bo nkuvikumbuka vinivi, nkuchilongozezya ichilundilo ku Nyumba iya Chala. Nkabalongozya bo bakwenda mumusebo, sona bo bakukolomoka umwalusekelo pakwimba inyimbo izyakupalizikizya u Chala.

Masalimo 74:10

Wee Chala, nkimba abalwani bitu batusekaye mupaka liyi? Nkimba balisamulaye itabwa lyako bwila na bwila?

Masalimo 79:10

Nkimba choni chicho abantu aba inko izinji balalusyanje ukuti, “Nkimba u Chala wabo ali ko kwiyi?” Bo tukwennya na maso ghitu ubafundaye abantu aba inko izinji, pachifukwa icha kubaghogha ababombi bako.

Masalimo 79:4

Twaba twe chintu ichakusekesya pakasi pa bapalamani bitu, sona abantu babo batuzyunguliye bakutuseka nukutobezya.

Masalimo 89:41

Abantu bosi babo bakudumusannya palapala bakumufyula, po abapalamani bache bosi bakumobezya.

Masalimo 89:51

Wee Mwene, Intuko zizyo abalwani bane bakunsamula nazyo, bakumusala umupakiwa wako posi papo akwenda.

Ukufuma 34:9

Po akati, “Wee Mwene nanti naloli wahoboka nane, nkukulaba ukuti ubuke naswe. Napapo abantu banaba amoyo ghabo makafu nkani, loli utuhobokele imbibi zyitu nukunanga kwitu kosi nukutupokela pakuba bantu bako na bako.”

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yesaya 37:20

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

Ezekiyeli 20:9

Nkabomba bunubu pachifukwa ichakulivighilila itabwa lyane ukuti litakanyaziwanje pamaso pa inko zizyo aba Izilayeli bakikalagha pakasi papabo, zizyo zikanyennya bo nkubefya aba Izilayeli muchisu icha Ijiputi.

Ezekiyeli 8:16

Po akanyinjizya mulubinjilo ulwa Nyumba iya Mwene, palapala pamulyango uwa Nyumba iya Chala pakasi pibalaza ni chighemo, pakaba abantu 25. Inkoto zyabo zikennya ku Nyumba iya Mwene bo ivyeni vyabo vikennya kubufumilo bwizuba, bakalyiputagha izuba.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Yoweli 1:13

Mwe baputi, vwalagha amasaka nukulila, mwe mukubomba pachighemo, lilagha. Mwe mukubomba pamaso pa Chala, zagha vwalagha amasaka busiku bosi, pakuti ivyakwiyipa ivya busu ni vyakung'wela vyimiwa mu Nyumba iya Chala winyu.

Yoweli 1:9

Ivyakwiyipa ivya busu ni vya vinyo, vyefiwamo mu Nyumba iya Mwene. Abaputi bakulila, babo bakubomba pamaso pa Mwene.

Amosi 7:2

Bo umakanta yula amala ivibyalwa vyosi vila, nkalila nkati, “Wee Mwene Uwamaka Ghosi, bahobokele abantu bako! Nkimba u Izilayeli angapona bulibuli? Pakuti munandi nkani!”

Amosi 7:5

Po nkalila nkati, “Wee Mwene Uwamaka Ghosi, nkukulaba ukuti leka! Nkimba u Izilayeli angapona bulibuli? Pakuti munandi nkani!”

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Malaki 1:9

“Ilelo mwe baputi mumulambilizye u Chala ukuti abapelele ichisa, nanti mukubika ivyakwiyipa vinivi, nkimba angachipokela?

Ukubelengiwa 25:6

Po umu Izilayeli yumo akamwinjizya umukolo umu Midiyani muchisakasa chache, bo u Mozesi poka ni chilundilo chosi chikwennya, sona bo bakulila pamulyango uwa Chisakasa icha Mwene

Matayi 23:35

Pachifukwa icha kughogha abantu abiza bosi, ulufundo lukwiza pakuba papinyu, ukwandila pakughoghiwa ukwa Abeli mupaka pakughoghiwa ukwa Zekaliya umwana uwa Belakayi, yuyo mukamughogha pakasi pa Nyumba iya Chala ni chighemo.

Matayi 27:43

Akumusubila u Chala nukwiyitizya mwene ukuti Mwana uwa Chala. Po leka twennye nanti u Chala akulonda pakumupoka ilelo.”

Ukukumbusya Amalamulo 28:37

Abantu aba inko zyosi zizyo u Mwene akwiza pakubanyampanikizyako bakwiza pakuba nubogha. Bakwiza pakubaseka nukubobezya.

Ukukumbusya Amalamulo 32:27

Loli ntakalonda ukuti abalwani babo bituvyanje, ntakalonda ukuti abalwani babo banenaye ukuti, ‘Aswe twabapota abantu bache,’ Pakuti ane ne Mwene ne nabomba zyosi zinizi.”

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”