Yoweli 2:15 - IBAYIBOLO 2024

¹⁵ Lizya ipati mu Ziyoni, mubanje nukutuzya ukuzelu, sona mubanje ninkomano izelu.

Yoweli 2:15 Iomraidhean Croise

1 Abamwene 21:12

Bakaba nulukomano ulwakutuzya pakulya, bakamwikazya u Naboti pachitengo ichamuchizi.

1 Abamwene 21:9

ukuti, “Mubanje nulukomano ulwa kutuzya pakulya, mumwikazye u Naboti pachitengo icha muchizi pakasi pabantu.

2 Abamwene 10:20

U Yehu akalamula akati, “Mufumusye ukuti kubanje lukomano ulwakumuchindikila u Baala.” Po bakafumusya ukuti lubanjeko.

Yesaya 1:13

Mutakizaghe nalumo ni vyakwiyipa vivyo vite ni mbombo nayimoyimo, tope utwakufukizya twinyu utwakununkila utwa mwiko kukwane. Ulusekelo lwinyu ulwa Kupanta ukwa Mwezi nulwa Isiku Ilyakutuzya sona ninkomano izya masiku zitakunhobosya pachifukwa ichakuti vyizuye ni mbibi.

Yelemiya 36:9

Mumwezi uwanayini uwa mwaka uwafayivi uwa bulaghili ubwa Yehoyakimu umwana uwa Yosiya u mwene uwa ba Yuda, akabalilo aka kutuzya pakulya pantazi pa Mwene kukafumuziwa ku bantu bosi aba mutwaya utukulu aba mu Yelusalemu sona na ku bantu bosi aba mutwaya utukulu utwa Yuda.

Yoweli 1:14

Lamula ukuti mutuzye pakulya, itizya ulukomano uluzelu, babungannye abasongosongo, sona na bantu bosi babo bakwikala muchisu, mu Nyumba iya Mwene u Chala winyu, po balilaye kwa Mwene.

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Ukubelengiwa 10:3

Nanti amapati ghosi mabili ghalila, abantu bosi babunganaye pantazi papako pamulyango uwa Chisakasa icha Mwene.