Yoweli 2:13 - IBAYIBOLO 2024

¹³ Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Yoweli 2:13 Iomraidhean Croise

Ubwandilo 37:29

Bo u Lubeni apyanila kuchiliba chila nukwennya ukuti u Yosefu atalimo, akazepulannya amenda ghache pachifukwa icha chitima.

Ubwandilo 37:34

Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

2 Samuweli 1:11

U Devedi akazepulannya amenda ghache pachifukwa icha chitima, sona bope abantu bache bakabomba bunubu.

1 Abamwene 21:27

Bo u Ahabu ivwa amazyu ghanagha akazepula amenda ghache, nukuvwala amasaka, sona akatuzya pakulya. Akalambalala bo avwalite amasaka nukwanda pakwenda bo asulumanizye ni chitima ichikulu nkani.

2 Abamwene 22:11

Bo u mwene aghivwa amazyu agha mwi Buku ilya Ndaghilo, akazepulannya inkazo yache pachifukwa icha chitima.

2 Abamwene 22:19

Pachifukwa ichakuti wapinduka, nukwiyisya wemwene pamaso pa Mwene, bo wivwa amazyu aghakususannya nakaya akakulu nkani kanaka, poka na bantu bache, ukuti kakwiza pakuba chisami, sona kakwiza pakughuniwa. Pakuti ukazepula inkazo yako nukulila pamaso papane, nane nivwa ulwiputo lwako. U Mwene anena.

2 Abamwene 5:7

Bo u mwene uwamu Izilayeli abelenga ukalata yula, akazepula amenda ghache pachifukwa icha bogha nukuti, “Fwandi ane ne Chala yuyo angaghogha nukupa ubumi? Nkimba choni chicho antumila umuntu uyu ukuti imupozye amambombo ghache? Ichi chili pabuzelu ukuti akulonda andane nane bulo.”

2 Abamwene 6:30

Bo u mwene ivwa amazyu agha mukolo yula, akazepula amenda ghache pachifukwa icha chitima. Bo akudumusannya palupaso lula, abantu babo bakaba papipi bakennya ukuti u mwene yula avwalite amasaka mukasi.

2 Imbili 6:27

po ivwa uko kumwanya kuko ukwikala nukubahobokela imbibi zyabo ababombi bako aba Izilayeli. Ubamanyisyanje inkalo inyiza, sona ubawisizye ivula muchisu chicho ukabapa abantu bako pakuba mpyana yabo.

Nehemiya 9:17

Batakivwila sona bakaluvya ivyika vivyo ukabomba pakasi papabo. Bakaba na moyo amakafu nkani sona bakasambuka pakusala abalongozi ukuti banyokele kubukayidi mu Ijiputi. Loli awe we Chala, we waluhobokelo, we wachisa, sona we wachililizi, utakukalala lubilolubilo, sona we walughano nkani. Po utakabakana,

Yobu 1:20

Bo u Yobu ivwa zinizi akimilila, nukuzepula inkazo yache sona akamwa isisi zyache pachifukwa icha chitima. Po akawa pasi nukumwiputa u Chala

Masalimo 103:8

U Mwene wachililizi sona wachisa, atakukalala mwalwemwalwe, sona ulughano lwache lutakupotwangapo nalumo.

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 34:18

U Mwene ali papipi na babo bavulaye mumoyo, sona akubapoka babo banyokeye kwisinda.

Masalimo 51:17

Ivyakwiyipa vivyo vikumuhobosya u Chala, gho muzimu uwakwiyisya, po u Chala utakwiza pakughusulannya umoyo uwakwiyisya.

Masalimo 86:15

Loli awe wee Mwene we wachililizi nu wachisa, yuyo atakukalala lubilolubilo nu walughano nkani, sona nu musubiliwa.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 58:5

Nkimba ukutuzya pakulya kuko nasala ane kungaba kokunuku, isiku lilyo umuntu akulanjizya ukwiyisya kwache? Nkimba ko kukotamika umutu ngati lutete nukughona pamasaka namwitoyi? Nkimba kunuku mukutinji ukutuzya pakulya isiku lilyo litikiziwe nu Mwene?

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Yelemiya 36:7

Lumo inyiputo zyabo zingafika pamaso agha Mwene nukuti wesi akwiza pakunyokako kumbombo zyache imbibi, pakuti ubukalale nu bukali ubwa Mwene bwaba bukulu nkani.”

Yelemiya 41:5

abantu 80 aba ku Shekemu naba ku Shilo sona naba ku Samaliya babo bakamwa indevu zyabo, bakazepulannya amenda ghabo nukwibolannya bene ukulanjizya ukuti bali pa chililo. Bakasenda ivyakwiyipa ivya busu sona nutwakununkila nukuvibika mu Nyumba iya Mwene.

Yelemiya 42:10

Nanti mukwikala muchisu chinichi, ntakwiza pakubanyampannya awe, loli nkwiza pakubazenga, ntakwiza pakubanyunkulannya awe, loli nkwiza pakubabyala, pakuti nanyokako kuchintu ichibibi chicho nkababombela.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Yona 3:9

Nkimba wewenu angazimanya ukuti pamo u Chala angatozolako ubukali bwache ubwakoghofya, umwakuti tutakazimile?”

Yona 4:2

Po akiputa kwa Mwene akati, “Wee Mwene izi zyo zizyo nkanenagha bo inchili indikukwitu. Ichi cho chifukwa nkachimbilila lubilolubilo kuchisu icha Talishishi. Nkazimanya ukuti we Chala uwa lughano sona uwachisa, nukuti akabalilo kosi we mufisalyoyo nu wachililizi sona wiyanizye pakuhobokela imbibi akabalilo kosi.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Ukubelengiwa 14:18

‘U Mwene atakukalala lubilolubilo, walughano lulo lutakumala, sona akubahobokela abantu abambibi na bakusambuka. Loli atakubaleka bulo, akubafunda abana pachifukwa icha mbibi izya bapapi babo mupaka ninkulilo iyabutatu ni yafolo.’

Aba Loma 2:4

Nkimba awe ukuchisula ichisa ichikulu icha Chala, ubufisalyoyo bwache, sona nu buchimyeka? Nkimba utazimenye ukuti u Chala uwa chisa pakuti akuyezya pakukulongozya ukuti upinduke nukuzileka imbibi zyako?

Aba Efeso 2:4

Loli u Chala, yuyo wachisa nkani, akatughana nu lughano lwache lulo lukulu nkani,

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.