Yoweli 2:11 - IBAYIBOLO 2024

¹¹ Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Yoweli 2:11 Iomraidhean Croise

Masalimo 18:14

Akatusumba utulasilo twache nukubanyampannya abalwani bache, sona utumesya utukulu nkani tukabachimbizya.

Masalimo 46:6

Abantu aba inko izinji bakali, ubumwene ubwakulekanalekana bukutetema. Nanti u Chala akunena, ichisu chikusunguluka.

Masalimo 68:18

Bo akukwela kumwanya, ukabalongolela abakayidi abanji, po abantu bakakupa ivyabupi ivyinji nkani. Bope abantu abakusambuka bakakupa ivyabupi, umwakuti awe we Mwene u Chala wikalayemo.

Yesaya 13:4

Teghelezya, ichongo pamaghamba, ngati chachilundilo ichikulu nkani! Teghelezya, ichongo ichikulu nkani pakasi pamabumwene, ngati inko zizyo zikubungana poka! U Mwene Uwamaka Ghosi akubabungannya abasilikali bache, ukuti balwe ubwite.

Yesaya 42:13

U Mwene akulefuka ngati muntu uwamaka, sona ngati musilikali yuyo ali nulweke pakulwa ubwite, akukolomoka nukukoloma ukwa bwite, po akubapota abalwani bache.

Yesaya 7:18

Pisiku lilalila u Mwene akwiza pakubafyunizya aba Ijiputi babo bakwiza ngati mbwele, ukufuma kubutali nkani kulusoko ulwa Ijiputi sona aba Asiliya bakwiza ngati nzuchi.

Yelemiya 25:30

“Yelemiya, buka kabalaghulile ukuti, ‘U Mwene akwiza pakubuluma kumwanya, sona akwiza pakupaya mubuzilo bwache ubuzelu ubwakwikalamo, nukuchibungulizizya nkani pachisu chache. Akwiza pakukolomoka ngati bantu babo bakukanyanka amampesya, nukubakolomokela babo bakwikala muchisu.

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Yelemiya 50:34

Loli pope bulo Umutabuli wabo ali na maka nkani, itabwa lyache we Mwene Uwamaka Ghosi. Akwiza pakubimila pa nongwa, umwakuti abike umutende pachisu chosi ichapasi, loli abantu aba ku Babiloni batakwiza pakuba nu mutende naghumoghumo.

Ezekiyeli 22:14

Nkimba mukwiza pakuba mwe bajivu pamo bamaka bo nabafunda? Ane ne Mwene nanena, sona nkwiza pakuzibomba.

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 1:6

Umakanta umwinji nkani aghuye muchisu chane, wamaka nkani sona atangabelengiwa. Ali na mino ngati gha nkalamu inyanavuli, ghope amino ghache matali sona ghakwete nkani, ngati gha nkalamu inkolo.

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Yoweli 2:2

Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Yoweli 2:25

“Nkwiza pakubanyosezya papo, pamaka ghosi ghagho umakanta anangannyanga, umakanta umukulu nkani sona nu kanta umunandi, impazi izinji izyakunangannya, sona nu pyela. Banaba bo basilikali babo nkabatuma ukuti babavwe.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Yoweli 3:14

Ivilundilo ni vilundilo vili mwikombe ilya bulongi! Pakuti isiku ilya Mwene lili papipi mwikombe ilya bulongi.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Amosi 1:2

U Amosi akati, “U Mwene akubuluma mu Ziyoni, sona akujilimisya mu Yelusalemu. Apakudimilapo ivitekwa pumiye, sona isote ilya pighamba ilya Kalimeli likufoka.”

Amosi 5:18

Chighune nkani, mwe mukulisamba isiku ilya Mwene! Nkimba choni chicho mukulisamba isiku ilya Mwene? Isiku lila likwiza pakuba lisiku ilya chisi, te kukabanje ulukozyo.

Amosi 5:20

Isiku ilya Mwene likwiza pakuba chisi chene, sona kutakwiza pakubako ulukozyo.

Obadiya 1:15

“Isiku ilya Mwene lipalamiye ku inko zyosi. Wee Edomu, ngati mumo wabombela, zikwiza pakubombiwa nakukwako bulo, vivyo wabomba vikwiza pakunyokela pamutu wako.

Nahumu 1:6

Nkimba wewenu yuyo angimilila bo akalaye? Nkimba wewenu yuyo angajimba ubukali bwache ubwakoghofya? Ubukali bwache bukwaka ngati moto, sona ilyalabwe likulepunkana pamaso papache.

Malaki 3:2

Nkimba wewenu yuyo angajimba pisiku ilyakwiza kwache? Nkimba wewenu yuyo angima nanti aboneka? Pakuti akwiza pakuba ngati moto uwa mumuvuno ghugho ghukusunguluzya ichela, sona ngati muntu yuyo akuchapila isopo.

Ukubelengiwa 24:23

U Balamu akanena sona akati, “Mwee, nkimba wewenu angaba nubumi bo u Chala akubomba zinizi?

1 Aba Tesalonika 4:16

Pakuti u Mwene umwenecho akwiza pakwika kumwanya nukukolomoka ukukulu nkani, nizyu ilya wantumi usongo, sona nukulila ukwa ipati ilya Chala. Po abantu babo bakafwila mwa Kilisitu bakwiza pakuba bakwanda pakuzyuka.

Ubuvumbuli 18:8

Pachifukwa icha zinizi, iviwaya vikwiza pakumuwila pisiku lyoka, iviwaya ivya bubine nukulila, sona nizala. Akwiza pakulunguliziwa numoto pakuti u Mwene u Chala, yuyo akumulonga wamaka.

Ubuvumbuli 6:17

Pakuti isiku ilyakoghofya ilyakufundiwa kwabo lyafika, po nkimba wewenu angajimba?”