Yoweli 2:10 - IBAYIBOLO 2024

¹⁰ Ichisu chikuyingana pantazi papabo, kope kumwanya kukutetema. Izuba nu mwezi vyaba bulo fii, sona zyope intondwa zitakulama nalumo.

Yoweli 2:10 Iomraidhean Croise

Masalimo 114:7

Wee chisu ichapasi, tetemagha pamaso pa Mwene, yuyo we Chala uwa Yakobo.

Masalimo 18:7

Ichisu ichapasi chikatetemagha nukukayingana, sona ulwalo ulwamaghamba lukayinganagha, pachifukwa ichakuti akakalala.

Yesaya 13:10

Intondwa izya kumwanya ni vibunga vyabo vitakwiza pakulama. Izuba lilyo likulama likwiza pakuba muchisi, ghope umwezi ghutakwiza pakulama.

Yesaya 34:4

Izuba nu mwezi sona ni ntondwa vikwiza pakusunguluka, kumwanya kukwiza pakunnyengiwa ngati libuku, intondwa zyosi izya kumwanya zikwiza pakulaghala, ngati mani agha mampesya, ngati mumo amani ghakulaghalila kwikwi ilya chikuyu.

Yesaya 5:30

Pisiku lilalila bakwiza pakubuluma, pachifukwa icha nyama nukupoma ngati nyanja. Nanti weka akwennya pachisu, akwennya ichisi nintamyo, lope ulukozyo lukwiza pakukupikiliwa namabingu amafitu.

Yelemiya 4:23

Nkenelezya pachisu ichapasi, chitakaba na kantu nakamokamo, sona nkennya kumwanya nkagha ukuti ulukozyo lutaliko.

Yoweli 2:2

Isiku ilya chisi sona nilya chitima, isiku ilya mabingu sona nilya chisi ichakoghofya. Abasilikali abamaka nkani bakwiza, ngati ko kubuche kuvwinkite mumaghamba mosi. Banaba batabonekitepo nalumo, napapo mo muntazi batakwiza pakuboneka.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Yoweli 3:4

“Nkimba u Tile nu Sidoni poka ni chigaba chosi icha Filisiti, muli na mbombo yoni nane? Nkimba mukuntanizya pa zizyo nabomba? Nanti naloli mukuntanizya, nane bulo nkwiza pakubatanizya lubilolubilo pa zizyo mwabomba.

Amosi 5:8

U Mwene akapela intondwa nukuzibika mubuzilo bwache, sona akachipela ichisi pakuba ndabindabi, akaghupela umusanya pakuba busiku, weyuyo mwene akughitizya amizi agha munyanja, nukughapungulila pachisu, itabwa lyache we Mwene.

Nahumu 1:5

Amaghamba ghakuneng'ena pamaso papache, sona utumaghamba tukusunguluka. Ichisu chikutetema pamaso papache, ichisu chosi ichapasi sona na babo bakwikala mulamula.

Matayi 24:29

“Nanti intamyo izya masiku ghanagho zyachila bulo, izuba likwiza pakuba muchisi, umwezi ghute ghukalame nalumo, intondwa zikwiza pakuwa ukufuma kumwanya, sona ivintu ivya maka kumwanya vikwiza pakuyingana.

Matayi 27:51

Panapo na panapo umwenda uwakuzighila mu Nyumba iya Chala ghukazepuka pakasi ukwandila pamwanya mupaka muntende. Kukaba akasenyenta pachisu ichapasi, sona amabwe ghakalepunkana.

Imbombo 2:20

izuba likwiza pakuba ni chisi, umwezi ghukwiza pakuba muchesamu ngati lyo libanda, bo isiku ikulu ilya buchindamu ubwa Mwene litafikite.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.

Ubuvumbuli 6:12

Bo u Mwana uwa ng'ozi amamatula ichimatilo ichasikisi, pakaba akasenyenta akakulu. Izuba likaba lifitu ngati gho mwenda umufitu, umwezi ghosi ghukachesama ngati lyo libanda.

Ubuvumbuli 8:12

Uwantumi uwafolo akalizya ipati lyache. Po ichigaba choka icha izuba nu mwezi ni ntondwa pa vigaba vitatu vikananganika, umwakuti ukulama kwabo ichigaba choka pa vigaba vitatu chikaleka pakulama. Kutakabako ulukozyo muchigaba choka pa vigaba vitatu ivya musanya, sona ni chigaba choka pa vigaba vitatu ivya busiku.

Ubuvumbuli 9:2

Ulutondwa lula lukighula ichibanka, po ilyosi likasuka muchibanka ngati po likufuma mung'anjo iya moto. Izuba na mumwanya vikafita ni lyosi ilyakufuma muchibanka ichibizu nkani chila.