Yoweli 2:1 - IBAYIBOLO 2024

¹ Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Yoweli 2:1 Iomraidhean Croise

1 Imbili 15:28

Po aba Izilayeli bosi bakiza ni Bokosi ilya Lufingo ilya Mwene bo bakukolomoka nkani nukulizya impembe izya badubi na mapati na malimba na mapango sona ni vinanda.

Masalimo 119:120

Umubili wane ghukutetema, pachifukwa icha kukunyila, po nkunyila ubulongi bwako.

Masalimo 87:1

Pighamba izelu u Mwene azengapo ulwalo ulukulu nkani.

Ukufuma 10:14

Umakanta yula akizuzya ichisu chosi icha Ijiputi nukusata posi na posi. Akaba mwinji nkani yuyo nayumo umuntu atamwenizyepo ukwanda kale, pamo akwiza pakubako sona.

Yesaya 13:6

Fwifwitilagha, pakuti isiku ilya Mwene lili papipi, likwiza ngati kunangannya ukufuma ku Wamaka Ghosi.

Yesaya 13:9

Ennya, isiku ilya Mwene likwiza, isiku ilyakoghofya, isiku ilya bukali nukukalala kwache ukwakoghofya pakuchipela ichisu pakuba chisami sona nukubanangannya ababomba mbibi mulamula.

Yesaya 2:12

Pisiku ilya Mwene Uwamaka Ghosi, akwiza pakubisya abantu bosi abamituvyo na bakwitutumula Akwiza pakubapota abantu bosi abakwikwezya,

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Yesaya 66:5

Ivwa izyu ilya Mwene, amwe mwe mukumunyila nukumwivwila, “Abawamwinyu babo bababengite, nukubafumyamo chifukwa icha itabwa lyane, bakuti, ‘Leka u Mwene achindikiwanje, umwakuti twennye ulusekelo lwako!’ Loli bakwiza pakukoziwa isoni.

Yelemiya 16:10

“Bo ukubabuzya abantu banaba amazyu ghosi ghanagha po bakukulalusya bakuti, ‘Nkimba choni chicho u Mwene alamula ukuti ichintu ichipalapala ngati chinichi chituwile? Nkimba twananga ichoni? Fwandi twamubombela mbibi yoni u Mwene u Chala witu?’

Yelemiya 16:7

Atalipo nayumoyumo uwakubapa ichakulya abafwilwe ukuti abasangalusye pa vitima ivya bufwe ubwa wise pamo unyina. Sona atakabepo nayumoyumo uwakubapa ichakung'wela ichakubasangalusya.

Yelemiya 4:5

“Fumusya muchisu icha Yuda nicha Yelusalemu ukuti, ‘Lizya ipati muchisu chosi!’ Kolomoka nukuti, ‘Bungana poka! Zagha tuchimbilile mutwaya utukulu utwa malinga!’

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Ezekiyeli 12:23

Po ubabuzye ukuti, ‘U Mwene Uwamaka Ghosi akuti: Nkwiza pakumazya ichili ichi, batakwiza pakuchinena sona mu Izilayeli.’ Ubabuzye ukuti, ‘Amasiku ghapalamiye po ichisetuka chosi chikwiza pakukwanilisiwa.

Ezekiyeli 21:12

Wee mwana uwa muntu, lilagha nukukolomoka, upanga akulwana na bantu bane, sona na bamwene aba mu Izilayeli. Bakwiza pakughoghiwa bosi, poka na bantu bane. Polelo wikome pachifuba, pachifukwa icha chitima.

Ezekiyeli 30:3

Pakuti isiku lili papipi, isiku ilya Mwene lili papipi, isiku ilya mabingu, akabalilo akakunanganika ukwa inko.

Ezekiyeli 33:3

sona nanti umulindilili yula akwennya ubwite bukwiza muchisu, akulizya ipati pakubasoka abantu,

Ezekiyeli 33:6

Nanti umulindilili ennya ubwite bukwiza sona atakulizya ipati pakubasoka abantu, po umulwani akwiza nukumughogha umuntu yumo, napapo afwile mumbibi zyache, ane nkwiza pakumulonga umulindilili yula pachifukwa icha imfwa iya muntu yula.’

Ezekiyeli 7:10

“Ennya, isiku lyafikila! Lyafika kale! Ubufwe bwafika, ububibi bwinyu bwabazya ngati bwezya, sona ukwituvya kwinyu kuli pabuzelu!

Ezekiyeli 7:12

Akabalilo kafikila, isiku lyache lili papipi. Mutakamwitikizye uwakughula ukuti asekelaye, pamo uwakughulizya ukuti asulumannyanje, pakuti ubukali bwane buli pachilundilo chosi.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Daniyeli 9:20

Nkiputagha nukwilata imbibi zyane sona ni mbibi izya bantu bane aba Izilayeli pakumulambilizya u Mwene u Chala wane, pakulyiputila ighamba izelu ilya Chala.

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Yoweli 2:15

Lizya ipati mu Ziyoni, mubanje nukutuzya ukuzelu, sona mubanje ninkomano izelu.

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Yoweli 3:14

Ivilundilo ni vilundilo vili mwikombe ilya bulongi! Pakuti isiku ilya Mwene lili papipi mwikombe ilya bulongi.

Yoweli 3:17

Po ukwiza pakumanya ukuti, “Ane ne Mwene u Chala wako akwikala mu Ziyoni, ighamba lyane izelu. Akaya aka Yelusalemu kakwiza pakuba kazelu, abayeni batakwiza pakukapota sona nalumo.

Amosi 3:6

Nanti ipati likulila mukaya akakulu nkani, nkimba abantu batakutetema? Nanti intamyo zyawa mukaya akakulu nkani, nkimba te we Mwene aziwisya?

Amosi 5:18

Chighune nkani, mwe mukulisamba isiku ilya Mwene! Nkimba choni chicho mukulisamba isiku ilya Mwene? Isiku lila likwiza pakuba lisiku ilya chisi, te kukabanje ulukozyo.

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Obadiya 1:15

“Isiku ilya Mwene lipalamiye ku inko zyosi. Wee Edomu, ngati mumo wabombela, zikwiza pakubombiwa nakukwako bulo, vivyo wabomba vikwiza pakunyokela pamutu wako.

Zefaniya 1:14

Isiku ikulu ilya Mwene lili papipi sona likwiza umwalubilolubilo. Teghelezya! Ukulila pisiku ilya Mwene kukwiza pakubaba nkani, kulakula bope abasilikali abajivu nkani bakwiza pakukolomoka.

Zefaniya 1:16

pisiku linilyo kukwiza pakwivwika ukulila ukwa mapati, ni chongo icha bwite ukulwana nutwaya utukulu nkani utwa malinga sona ni vitembe ivya pankuto.

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Zefaniya 3:11

Pisiku lilalila mutakwiza pakukoziwa isoni, pachifukwa ichakuti munsambukiye, pakuti nkwiza pakubefyamo mukaya kinyu, abantu babo bakwikwezya. Mutakwiza pakwituvya sona pighamba lyane izelu.

Zekaliya 14:1

Isiku ilya Mwene likwiza, lilyo ivintu vivyo vikafyuliwa kukwako vikwiza pakugabiwa pakasi papinyu.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukubelengiwa 10:2

“Usyane amapati mabili agha siliva, ughalizyanje amapati ghanagha pakubitizya abantu kunkomano, sona pakubapa ichimanyilo abantu ichakuti banyamuke ubulendo bwabo.

Ukubelengiwa 10:3

Nanti amapati ghosi mabili ghalila, abantu bosi babunganaye pantazi papako pamulyango uwa Chisakasa icha Mwene.

1 Aba Kolinti 14:8

Sona nanti umuntu yuyo akulizya ipati atakulizya akiza, nkimba wewenu angiyannya pakubuka kubwite?

Aba Filipi 2:12

Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema.

1 Aba Tesalonika 5:2

Pakuti muzimenye akiza nkani ukuti Isiku ilya Mwene likwiza umwakuchenusya bulo ukuyana namumo umwiba akwizila pabusiku.

Yakobo 5:8

Namwe bulo mubanje bafisalyoyo. Mwimaye nkani pakuti u Mwene ali papipi pakwiza.

1 Pitala 4:7

Ubumalilo ubwa vintu vyosi buli papipi. Polelo mubanje bantu abakwilema, sona mubanje maso, umwakuti mungiputa.

Ubuvumbuli 6:17

Pakuti isiku ilyakoghofya ilyakufundiwa kwabo lyafika, po nkimba wewenu angajimba?”