Yoweli 1:13 - IBAYIBOLO 2024

¹³ Mwe baputi, vwalagha amasaka nukulila, mwe mukubomba pachighemo, lilagha. Mwe mukubomba pamaso pa Chala, zagha vwalagha amasaka busiku bosi, pakuti ivyakwiyipa ivya busu ni vyakung'wela vyimiwa mu Nyumba iya Chala winyu.

Yoweli 1:13 Iomraidhean Croise

2 Samuweli 12:16

U Devedi akamulambilizya u Chala pachifukwa icha mwana yula. Akatuzya pakulya, akinjila munyumba yache nukulambalala pasi busiku bosi.

1 Abamwene 21:27

Bo u Ahabu ivwa amazyu ghanagha akazepula amenda ghache, nukuvwala amasaka, sona akatuzya pakulya. Akalambalala bo avwalite amasaka nukwanda pakwenda bo asulumanizye ni chitima ichikulu nkani.

Yesaya 22:12

Pisiku lilalila u Mwene, u Mwene Uwamaka Ghosi akabitizya abantu ukuti balile nukufwifwitila, ukumeta isisi nukuvwala amasaka.

Yesaya 61:6

Mukwiza pakwitiziwa, pakuba mwe baputi aba Mwene, mukwiza pakuneniwa pakuba babombi aba Chala witu. Mukwiza pakulya ubukabi ubwa inko, sona muvyuma vyabo mukwiza pakwituvikizyamo.

Yelemiya 4:8

Po muvwale amasaka pachifukwa icha chitima, mulilaye nukukolomoka, pakuti ubukali ubwa Mwene butepitepo papitu.

Yelemiya 9:10

Nkwiza pakukolomoka nukughalilila amaghamba sona nkwiza pakuyifwifwitila inkolongo, pachifukwa ichakuti ukwakudimako kwananganika. Kwaba chisami sona batakwendako ukumota ukwavitekwa kutakwivwikako. Iviyuni ni vinyamana vyachimbilamo.

Ezekiyeli 21:12

Wee mwana uwa muntu, lilagha nukukolomoka, upanga akulwana na bantu bane, sona na bamwene aba mu Izilayeli. Bakwiza pakughoghiwa bosi, poka na bantu bane. Polelo wikome pachifuba, pachifukwa icha chitima.

Ezekiyeli 27:31

Bakwiza pakumwa isisi zyabo, pachifukwa icha wewe, nukuvwala amasaka, pachifukwa icha chitima. Bakwiza pakukulila nu moyo uwa bubavu, sona ubufwe ubwa kubaba nkani.

Ezekiyeli 7:18

Bakwiza pakuvwala amasaka, sona ubogha bukwiza pakubalema. Ivyeni vyabo vikwiza pakuba ni soni, sona bakwiza pakumwa isisi kumitu yabo.

Hoseya 9:5

Nkimba mukwiza pakubomba ichoni pisiku ilya lusekelo lila, Pisiku ilya lusekelo ulwa Mwene?

Yoweli 2:12

Nilelo bulo u Mwene akuti, “Nyokela kukwane na moyo ghinyu ghosi, mutuzyanje pakulya, mulilaye, sona mufwifwitilaye.”

Yoweli 2:14

Lumo anganyosyako umoyo wache, nukululeka ulusayo kwisinda, ichakwiyipa icha busu sona ni cha vinyo, ivyakubika kwa Mwene u Chala winyu.

Yoweli 2:17

Muleke umuputi yuyo akubomba pamaso pa Mwene, alilaye pakasi pa bwinjililo ubwa Nyumba iya Chala ni chighemo. Baleke banenaye ukuti, “Wee Mwene ubapelele ichisa abantu bako. Utakachipele ichilingo chako ukuti chisamuliwe. Nkimba choni chicho banenaye pakasi pa inko izinji ukuti, ‘Nkimba u Chala winyu ali ko kwiyi?’ ”

Ukubelengiwa 28:14

Pa nkambaku yoka mubikayepo ichakwiyipa icha vinyo uwakukwana amalita mabili. Mubikaye sona udubi poka ni chakwiyipa icha vinyo uwakukwana ilita lyoka nu hafu. Ichi cho chakwiyipa ichakocha icha Lusekelo ulwa Kupanta ukwa Mwezi pamwaka.

Ukubelengiwa 28:4

Pandabindabi mubikaye umwana uwa ng'ozi weka, sona pachamabwila mubikaye uyunji.

Ukubelengiwa 28:7

Mubikaye ichakwiyipa icha vinyo ichakukwana ilita lyoka poka nu mwana uwa ng'ozi weka. Mupungulile uvinyo Mubuzilo Ubuzelu.

Ukubelengiwa 29:6

Mubikaye vinivi ukonjelezya pa chakwiyipa ichakocha icha isiku ilyakwanda ilya mwezi, sona ni chakwiyipa icha isiku ni siku, poka ni chakwiyipa icha busu, sona ni chakwiyipa icha vinyo ukuyana nu lulaghilo lwache, ukuti chibanje chakwiyipa chicho umunusi wache ghukumuhobosya u Mwene.

1 Aba Kolinti 4:1

Amwe mutupimaye ngati twe bambombo ba Kilisitu, sona abakapitawa abakulingannya ivintu ivyakubusyefu ivya Chala.

1 Aba Kolinti 9:13

Nkimba mutazimenye ukuti abantu babo bakubomba mu Nyumba iya Chala bakulya ivya mu Nyumba iya Chala, sona nukuti babo bakubika ivyabupi pachighemo bakupokela pa vyakwiyipa vilavila?

2 Aba Kolinti 11:23

Nkimba abene babombi aba Kilisitu? Nkunena ngati po ne chipena, ane ne mutumiwa ukubachila abene. Nabomba nkani imbombo ukubachila abene, sona akabalilo akinji nighaliliwa mujele. Nkasyempiwa ni nkomwa izyakusita kubelengiwa, sona nukukomana nintamyo izya bufwe kabilikabili.

2 Aba Kolinti 3:6

U Chala weyuyo akatupa amaka aghakubombela ulufingo ulupya, lulo lute Mundaghilo zizyo zisimbiwe, loli ulwa Muzimu Umuzelu. Pakuti Indaghilo zizyo zisimbiwe zikughogha, loli u Muzimu Umuzelu akupa ubumi.

2 Aba Kolinti 6:4

Loli muvintu vyosi tukulanjizya ukuti aswe twe babombi aba Chala pakujimba muntamyo, na mumayimba, sona na mububavu.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”