Yoweli 1:12 - IBAYIBOLO 2024

¹² Amampesya ghumiye, amakwi agha makuyu ghafoka. Amanyele na mabale na bamulebe, sona na makwi ghosi agha mumaghunda ghumiye. Naloliloli ukwilagha ukwa muntu kwafoka.

Yoweli 1:12 Iomraidhean Croise

Masalimo 4:7

Wizuzya umoyo wane nu buhobosu ubukulu nkani, ukubachila abantu babo bali ni ngano inyinji sona nu vinyo umupya umwinji nkani.

Masalimo 92:12

Abantu abagholosu bakwela ngati mabale, sona bakukula ngati makwi agha mwale agha mu Lebanoni,

Inyimbo izya Solomoni 2:3

Ngati mumo libeleye ikwi ilya manyele mumusitu, momumo abeleye umughaniwa wane pakasi pa balumendo. Nkuhoboka nkani pakwikala mukazundila kache, sona ivikomwa vyache vyope vikunona nkani mumulomo wane.

Inyimbo izya Solomoni 4:13

Ukuboneka akiza kwako kuli ngati mughunda uwa manyele, ghugho ghuli ni seke inyiza sona nu twakunonezya ivyakulya ivya hena nu nalidi.

Yesaya 16:10

Ulusekelo nukuhoboka vyasendiwa, ukufuma mumaghunda gha vikomwa, atalipo nayumo yuyo akwimba, pamo akukolomoka mumaghunda agha mampesya, sona atalipo nayumo yuyo akukama uvinyo, apakukanyilapo uvinyo, pakuti namazya ichongo icha bakukama uvinyo.

Yesaya 24:11

Abantu bakulila mumisebo pachifukwa ichakuti kute uvinyo, ulusekelo losi lwipela pakuba chitima, ubuhobosu bosi ubwa chisu bwafumamo.

Yesaya 24:7

Amampesya ghakufoka, uvinyo akuba munandi, abantu bosi babo bakasekelagha bakukoloma.

Yesaya 9:3

Wayikuzya inko nukubalizya ulusekelo, bakusekela pamaso papako, ngati mumo abantu bakusekelela pakabalilo aka nyinulo, sona ngati mumo abantu bakusekelela, bo bali pakugabana ivyakufyula.

Yelemiya 48:3

Ivwa ukulila ukwa bantu aba mu Holonayimu, ukulila ukukulu nkani ukwa kunanganika.

Yelemiya 48:33

Ubuhobosu nu lusekelo vimalite muchisu icha muvundo icha Mowabu. Nakanizya ukwenda ukwa vinyo muchakukanyilamo, atalipo nayumoyumo akukanyankila nukukolomoka ukwa buhobosu. Napapo ukukolomoka kulipo, loli kute kukolomoka ukwa buhobosu.

Yoweli 1:10

Amaghunda ghananganika, sona chope ichisu chumiye. Ingano yananganika, amampesya ghumiye, sona imisyunguti yafoka.

Yoweli 1:16

Ichakulya chitu chikumala bo tukwennya na maso ghitu, kope ukuhoboka nukusekela, kutalimo mu Nyumba iya Chala witu.

Yona 4:7

Loli indabi yache, kubuche u Mwene, akatuma ichibunguzi, chikalya ikwi umwakuti likumila.

Hagayi 2:19

Nkimba zyasyalamo imbeyu zimo muntamba mula? Mupaka nilelo amampesya na makuyu na manyele sona na makwi agha misyunguti ghatelitepo ivikomwa? “ ‘Ukwanda ilelo mupaka muntazi, nkwiza pakubasaya.’ ”

Malaki 3:11

U Mwene Uwamaka Ghosi akuti, “Nkwiza pakutukanizya utunyamana tuto tukulya imbeyu zyinyu, sona amampesya mumaghunda ghinyu ghatakwiza pakupotwa pakupa ivikomwa.

Ukubelengiwa 13:23

Bo bafika mwikombe ilya Eshikolo, bakapyolako ulusamba lulo lukaba nulukose ulwakung'wama na mampesya, umwakuti abantu babili bakatembana. Bakasenda sona amanyele na makuyu.