Yoshwa 8:10 - IBAYIBOLO 2024

¹⁰ Indabi yache pandabindabi nkani, u Yoshwa akababungannya poka abasilikali bache, po yuyo na balongozi aba Izilayeli bakabuka ku Ayi.

Yoshwa 8:10 Iomraidhean Croise

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Masalimo 119:60

Ne mwengo nkani, sona intakuzyela pakughakonka amalamulo ghako.

Yoshwa 3:1

Pandabindabi nkani u Yoshwa, poka naba Izilayeli bosi bakavisamya ivisakasa vyabo pa Shitimu nukubuka ku Yolodani, nukuzenga ivisakasa vyabo kulakula.

Yoshwa 6:12

Indabi yache, u Yoshwa akalamusya pandabindabi nkani, po bope abaputi bakanyamula Ibokosi ilya Lufingo ilya Mwene.

Yoshwa 7:16

Indabi yache pandabindabi nkani u Yoshwa akalamusya nukwiza naba Izilayeli pantazi nuluko lokaloka, po uluko ulwa Yuda lukasontiwa.

Yoshwa 8:11

Abasilikali bosi babo bakaba poka nu Yoshwa bakabuka kukaya kala kupipi nu mulyango uwa lupaso. Bakazenga ivisakasa vyabo kulubazu ulwa kumitu, pakasi pa kaya akakulu nkani kala ni kombe.

Yoshwa 8:9

U Yoshwa akabatuma abasilikali bala, po bakabuka pakuvwamilila mubuzilo bwabo, pakasi pa kaya aka Beteli naka Ayi. Loli u Yoshwa akasyalikila poka na basilikali bache muvisakasa mulamula ubusiku bula.