Yoshwa 8:1 - IBAYIBOLO 2024

¹ Po u Mwene akamubuzya u Yoshwa akati, “Utakanyilaye pamo ukuwa amaka. Senda abasilikali bosi nukubuka nabo ku Ayi pakulwa ubwite pakuti namubika munyobe zyako u mwene wamu Ayi poka na bantu bache bosi, nakaya kache akakulu nkani sona ni chisu chache.

Yoshwa 8:1 Iomraidhean Croise

Masalimo 27:1

U Mwene we lukozyo lwane sona we bupoki bwane, po intangamunyila nayumoyumo umuntu. U Mwene we lilinga ilya bumi bwane, po ntakwiza pakutetema nalumo.

Masalimo 44:3

Batakachifyula ichisu pakubombezya abapanga babo, pamo ukupota ubwite na maka ghabo. Loli bakapota na maka ghako amakulu nkani agha nyobe yako indilo, sona nukulama ukwa cheni chako pakuti ukabaghana nkani.

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yelemiya 46:27

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 49:3

“Mwee bantu aba mu Heshiboni mulilaye, pakuti akaya akakulu nkani aka Ayi kananganika! Mulilaye nkani mwe mwikwikala mukaya akakulu nkani aka Laba! Muvwale amasaka nukufwifwitila, pachifukwa icha chitima, muchimbilile uku na uko mukasi mulupaso, pakuti u chala winyu u Moleki akwiza pakusendiwa pakuba muzya, poka na baputi bache sona na makambala ghache.

Daniyeli 2:21

Wee yuyo akwandula amasiku nu tubalilo, sona weyuyo akubakwezya abamwene nukubisya. Akubapa amahala abantu abamahala, sona nu bumanyi ku bantu abakwivwisya ivintu.

Daniyeli 4:25

Ukwiza pakuchimbiziwapo pakasi pabantu nukwikala poka ni vinyamana. Ukwiza pakulya isote ngati ng'ombe, sona ukwiza pakunyeka ni nganda. Bo ghachilapo amaka seveni, ukwiza pakumanya ukuti Uwakumwanya Nkani weyuyo akulaghila ubumwene bosi ubwa bantu, sona akumupa umuntu wesi yuyo akulonda pakumupa.

Daniyeli 4:35

Abantu bosi aba muchisu ichapasi, bantu bulo pamaso papache. Akubomba vivyo vikumuhobosya, na maka agha kumwanya, sona nagha bantu aba pachisu ichapasi. Atalipo nayumoyumo yuyo angayikanizya inyobe yache, pamo pakumulalusya ukuti, “Nkimba ukubomba ichoni?”

Matayi 8:26

U Yesu akamula akati, “Mwe bantu balwitiko ulunandi, nkimba choni chicho mukunyila?” Akanyamuka nukulamula impepo na mayigha ghala ukuti vileke, umwakuti panyanja pakaba myee nkani.

Ukukumbusya Amalamulo 1:21

Ichi cho chisu chicho u Mwene u Chala winyu abapa. Bukagha pakuchifyula nukwikalamo ukuyana namumo u Mwene, u Chala uwa banyenya binyu akabalamulila. Mutakazyelaye, sona mutakabanje nubogha.”

Ukukumbusya Amalamulo 31:8

U Mwene umwenecho akwiza pakukulongolela, sona akwiza pakuba nawe. Atakwiza pakwitikizya ukuti upotwe, sona atakwiza pakukuleka wemwene. Po utakanyilaye pamo ukuwa amaka.”

Ukukumbusya Amalamulo 7:18

Loli mutakabanyilaye. Mukumbuke zizyo u Mwene u Chala winyu akamubombela u Falabo, poka na bantu bache bosi.

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 10:7

U Yoshwa poka na basilikali bache abajivu nkani bakaba bachili bali mu Giligali, po bakabuka pakulwa ubwite.

Yoshwa 10:8

U Mwene akamubuzya u Yoshwa akati, “Utakabanyilaye abantu banaba, pakuti nababika munyobe zyako. Atalipo nayumoyumo umuntu uwakuti angakupota.”

Yoshwa 2:24

Bakamubuzya u Yoshwa yula bakati, “Naloliloli u Mwene atupiye ichisu chosi chinichi. Abantu bosi kulakula bakutunyila nkani.”

Yoshwa 6:2

Po u Mwene akamubuzya u Yoshwa akati, “Nakabika akaya aka Yeliko munyobe zyako, poka nu mwene, sona na basilikali bache.

Yoshwa 7:9

Pakuti aba Kenani, na bantu bosi aba muchisu chinichi bakwiza pakwivwa zinizi, po bakwiza pakutuzyungulila nukughazimya amatabwa ghitu muchisu ichapasi. Nkimba panapa ukwiza pakubombapo choni ukuti itabwa lyako lyendelele pakuchindikiwa?”