Yoshwa 7:6 - IBAYIBOLO 2024

⁶ Bo u Yoshwa ivwa zinizi, akazepulannya amenda ghache nukukupama pantazi pa Bokosi ilya Lufingo ilya Mwene mupaka pachamabwila. Bope na balongozi aba ba Izilayeli bakabomba bunubu, bo binyafiye ulufumbi pamitu pachifukwa icha chitima.

Yoshwa 7:6 Iomraidhean Croise

Ubwandilo 37:29

Bo u Lubeni apyanila kuchiliba chila nukwennya ukuti u Yosefu atalimo, akazepulannya amenda ghache pachifukwa icha chitima.

Ubwandilo 37:34

Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

2 Samuweli 1:11

U Devedi akazepulannya amenda ghache pachifukwa icha chitima, sona bope abantu bache bakabomba bunubu.

2 Samuweli 1:12

Bakalila nukutuzya pakulya mupaka pachamabwila pachifukwa icha bufwe ubwa Sabuli, poka nu mwana wache u Yonatani. Bakabalila sona aba Izilayeli, abantu aba Mwene pakuti bakaghoghiwa kubwite.

2 Samuweli 1:2

Pisiku ilyabutatu umulumendo yumo akafuma kuvisakasa ivya Sabuli, bo avwalite amenda amazepunkane, sona akikupulila ulufumbi pamutu pachifukwa icha chitima. Umulumendo yula akafika kwa Devedi, po akisumba pasi munyayo zyache nukumuchindika.

2 Samuweli 12:16

U Devedi akamulambilizya u Chala pachifukwa icha mwana yula. Akatuzya pakulya, akinjila munyumba yache nukulambalala pasi busiku bosi.

2 Samuweli 13:19

U Tamala akinyafila itoyi kumutu nukuzepula inkazo yache pachifukwa icha chitima. Akalema inyobe zyache kunkonto nukubuka, bo akulila nkani.

2 Samuweli 13:31

U mwene akimilila, nukuzepula amenda ghache, po akalambalala pasi, sona abambombo bosi, babo bakimilila papipi bope bakazepula amenda ghabo pachifukwa icha chitima.

2 Abamwene 22:11

Bo u mwene aghivwa amazyu agha mwi Buku ilya Ndaghilo, akazepulannya inkazo yache pachifukwa icha chitima.

2 Imbili 34:19

Bo u mwene ivwa amazyu agha Ndaghilo, akazepula inkazo yache pachifukwa icha chitima.

Ezila 10:1

Bo Ezila ali pakwiputa nukwilata imbibi, sona bo akulila nukwisumba pasi pantazi pa Nyumba iya Chala, ichilundilo ichikulu nkani icha ba Izilayeli, kokuti abanavuli na bakolo na bana chikabungana umwakumuzyungulila bo bakulila nkani.

Nehemiya 9:1

Pisiku ilya 24 ilya mwezi ghulaghula, aba Izilayeli bakabungana poka. Bakatuzya pakulya nukuvwala amasaka sona bakinyafila ulufumbi pamitu yabo pachifukwa icha chitima.

Esitele 4:1

Bo u Molodikayi azyaghannya zizyo zikabombiwa, akazepula amenda ghache sona akavwala amasaka nukwinyafila itoyi kumutu pachifukwa icha chitima, po akinjila mukasi nkani mukaya akakulu nkani kala, bo akukolomoka nkani pachifukwa icha chitima.

Esitele 4:3

Muvigaba vyosi mumo mukafumuziwa ululaghilo ulwa mwene mukabamo ichililo ichikulu nkani pakasi paba Yuda. Bakatuzya pakulya, bakalila nukukolomoka sona abinji bakavwala amasaka nukwinyafila itoyi pachifukwa icha chitima.

Yobu 1:20

Bo u Yobu ivwa zinizi akimilila, nukuzepula inkazo yache sona akamwa isisi zyache pachifukwa icha chitima. Po akawa pasi nukumwiputa u Chala

Yobu 2:12

Bo bamwennya pabutalipo batakamumanyagha napo panandi. Po bakanda pakulila umwakukolomoka sona bakazepula inkazo zyabo nukwinyafila ulufumbi pamitu yabo pachifukwa icha chitima.

Yobu 42:6

Polelo nkwisusya nemwene nukupinduka pakwinyafila ulufumbi ni toyi.

Nkuto 2:10

Abasongosongo bosi aba mu Yelusalemu bikaye bulo pasi myee, sona bikupulila ulufumbi pamitu yabo Bavwalite amasaka pachifukwa icha chitima, sona abakolo aba mu Yelusalemu bakotamizye imitu yabo pasi.

Ukubelengiwa 14:6

U Yoshwa umwana uwa Nuni nu Kalebu umwana uwa Yefune, babo bakaba bamo aba mukabukatila aka batendezi, bakazepula amenda ghabo pachifukwa icha chitima.

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

Ukubelengiwa 16:45

“Epapo pakasi pa chilundilo chinichi, umwakuti imbazimizye numoto panapo na panapo!” Po bosi babili bakafughama.

Imbombo 14:14

Bo u Balanabasi nu Pabuli bivwa zizyo bakalondagha ukuti babombe, bakazepula amenda ghabo nukuchimbilila pakasi pachilundilo, bakakolomoka nkani bakati,

Yoshwa 7:7

Po u Yoshwa akati, “Wee, Mwene Uwamaka Ghosi, nkimba choni chicho ukabalobosya abantu banaba palusoko ulwa Yolodani? Fwandi ukatulobosya ukuti utubike munyobe izya ba Amoli ukuti batunangannye bunubu? Buli nanti tukikalagha bulo kwisila ilya Yolodani kula?

Ubuvumbuli 18:19

Bakikupulila ulufumbi pamitu yabo pachifukwa icha chitima ichikulu nkani, bakalila nukufwifwitila nukuti, ‘Intamyo mwee! Intamyo mwee! Intamyo wee akaya akakulu nkani, akaya kako abenecho aba mabwato amakulu nkani panyanja bakaba bakabi ukwendela mu bukabi bwache. Loli vyosi vikananganika mwa awala bulo weka.’

Abalongi 11:35

Bo u Yefuta amwennya umwana wache yula, akazepula amenda ghache nukulila ukuti, “Wee mwana wane! Wamvulazya umoyo, sona wanyizila nintamyo, pachifukwa ichakuti ichilapo chicho nkalapa kwa Mwene intangachandula.”

Abalongi 20:23

Aba Izilayeli bakabuka pakumulilila u Mwene mupaka pachamabwila nukumubuzikizya ukuti, “Nkimba tubukaye sona pakulwa ubwite na bakamu bitu aba Benjamini?” U Mwene akabamula akati, “Bukagha.”

Abalongi 20:26

Aba Izilayeli bosi bakabuka ku Beteli, sona bakikala pasi palapala pakumulilila u Mwene. Pisiku lilalila bakatuzya pakulya mupaka pachamabwila nukubika ivyakwiyipa ivyakocha ni vyakwiyipa ivyabupoka kwa Mwene.

Abalongi 21:2

Po aba Izilayeli bala bakabuka ku Beteli nukwikala pasi pamaso pa Chala mupaka pachamabwila, bo bakukolomoka nukulila nkani

1 Samuweli 4:12

Pisiku lilalila umu Benjamini yumo akachimbila kubwite nukufika ku Shilo, bo azepuye amenda ghache, sona akikupulila ulufumbi pamutu pachifukwa icha chitima.