Yoshwa 7:5 - IBAYIBOLO 2024

⁵ nukubaghogha abantu pipipipi 36. Bakabachimbizya aba Izilayeli ukwandila ko kumulyango uwa kaya akakulu nkani kala mupaka pabuzilo bubo bakakomagha amabwe nukubaghogha bo bakwika pighamba. Zinizi zikabapelela aba Izilayeli pakuba nubogha.

Yoshwa 7:5 Iomraidhean Croise

Masalimo 22:14

Ubumi bwane bukupukiye pasi ngati mizi, sona amafupa ghane ghosi ghavyughuka. Umoyo wane wasunguluka ngati lipula, wasunguluka mukasi mumwane.

Masalimo 58:7

Baleke bazimile bulo ngati mizi ghagho ghakwenda, leka utulasilo twabo tufokaye munyobe zyabo ngati lisote.

Yesaya 13:7

Pachifukwa chinichi, inyobe zyosi zikwiza pakuba dedebazu, sona umoyo uwa muntu wesi ghukwiza pakusungulaka.

Ezekiyeli 21:7

Nanti bakukulalusya ukuti, ‘Nkimba choni chicho ukukoloma?’ ukwiza pakwamula ukuti, ‘Pachifukwa icha lipangwi lilyo likwiza. Umoyo uwa muntu wesi ghukwiza pakusunguluka sona inyobe yikwiza pakumala amaka, umuzimu wesi akwiza pakuzilika sona ichimpevu chosi chikwiza pakudedebala amaka ghakwiza pakumala.’ Chikwiza! Naloli chikwiza pakubombiwa.” U Mwene Uwamaka Ghosi anena.

Aba Levi 26:36

Abantu babo basyalako, nkwiza pakubapelela ubogha muvyisu ivya balwani babo, umwakuti bakwiza pakuchimbila bo bivwa umuswato. Bakwiza pakuchimbilagha ngati muntu yuyo akuchimbila ubwite, sona bakwiza pakuwanga pasi, pakusita nayumo umuntu uwakubachimbizya.

Nahumu 2:10

Akaya aka Ninive kananganika, kaba chisami sona abantu bepamo, amoyo ghabo ghasunguluka, ivimpevu vyabo vyawa ubwazi, amabili ghabo ghakutetema, ivyeni vyosi vili nichitima.

Ukukumbusya Amalamulo 1:44

Po aba Amoli babo bakikalagha muchisu icha mumaghamba icha Seyili bakavundumuka ngati zyo zuchi nukubachimbizizya ku Holima.

Yoshwa 2:11

Bo twivwa bulo zinizi, mukasi mukasunguluka, sona amaka ghakatuwila pachifukwa icha mwemwe. Pakuti tuzimenye ukuti u Mwene u Chala winyu we Chala uwakumwanya ni chisu ichapasi.

Yoshwa 2:9

nukubabuzya ukuti, “Inzimenye ukuti u Mwene abapa ichisu chosi chinichi, po twebosi tukubanyila, sona amoyo ghitu ghali bulo mumwanyamwanya.

Yoshwa 5:1

Abamwene bosi aba ba Amoli babo bakikalagha kubwinjililo bwizuba ubwa Yolodani, sona na bamwene bosi aba ba Kenani babo bakikalagha mulubazu ulwa Nyanja iya Medeteleniya, bakivwa ukuti u Mwene akakamula ulusoko ulwa Yolodani pamaso paba Izilayeli mupaka abantu bosi bakaloboka. Po bakaba nubogha nkani nukuwa amaka pachifukwa icha ba Izilayeli bala.