Yoshwa 7:12 - IBAYIBOLO 2024

¹² Ichi cho chifukwa aba Izilayeli batangalwa na balwani babo. Bakubachimbila abalwani babo pachifukwa ichakuti babaghiye pakunanganika. Ane ntakwiza pakuba namwe sona, pene papo nanti mwavinangannya ivintu vyosi vivyo nkabalamula ukuti muvinangannye.

Yoshwa 7:12 Iomraidhean Croise

Masalimo 44:10

Ukitikizya ukuti tubachimbile abalwani bitu, po abakutubenga bakatufyula ivintu vyitu.

Masalimo 60:10

Wee Chala, nkimba utatulekite twebene, umwakuti utakubuka poka na basilikali bitu?

Ivyili 28:1

Umuntu umubibi akuchimbila mwene bo nayumoyumo akumuchimbizya, loli umugholosu akubanga mujivu ngati nkalamu.

Yesaya 59:2

Loli imbibi zyinyu zyo zibapaghuye amwe kwa Chala winyu, imbibi zyinyu zifisite icheni chache kukwinyu, umwakuti atakubivwa.

Yelemiya 23:33

U Mwene akamubuzya akati, “Yelemiya, bo abantu aba, pamo abalaghuzi pamo abaputi, bakukulalusya bakuti, ‘Nkimba ntamyo zyoni zizyo zili mumoyo uwa Mwene?’ ubabuzye uti, ‘Amwe mwe ntamyo kwa Mwene sona akwiza pakubatagha.’

Yelemiya 6:8

Wee Yelusalemu, sendapo ichimanyilo, ukuti intakepukeko kukwako nukukuleka pakuba chisami, ichisu chicho atalipo nayumo umuntu angikalamo.”

Hoseya 9:12

Napapo bangabalela abana, nkwiza pakubasenda. Chighune nkani ku bantu banaba, bo nepukako kukwabo!

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?

Ukubelengiwa 14:39

Bo u Mozesi abapangila aba Izilayeli amazyu ghosi ghanagha, abantu bala bakalila nkani.

Ukubelengiwa 14:42

Mutakabukayeko kuchisu chila, pakuti u Mwene ate namwe, sona abalwani binyu bakwiza pakubapota,

Ukubelengiwa 14:43

pakuti aba Amaleki naba Kenani bali kuntazi kukwinyu. Pachifukwa ichakuti mwamukana u Mwene, wepe akwiza pakubakana, sona mukwiza pakufwila kubwite.”

Ukubelengiwa 14:45

Po aba Amaleki naba Kenani, babo bakikalagha muchisu icha mumaghamba bakika pakubapota, nukubachimbizizya ku Holima.

Ukukumbusya Amalamulo 7:26

Mutakinjizyanje ivintu ivyamwiko vinivi munyumba zyinyu, ichighune chicho chili papabo chingabawila namwe. Muvibenge nukuvisula ivifwani vinivi pakuti u Mwene avighunite.

Yoshwa 6:18

Loli amwe, mutakasendepo nachimochimo ichintu chicho chibaghiye pakunanganika, umwakuti mutakipalaghulile mwebene ukunanganika ukwa visakasa ivya ba Izilayeli.

Abalongi 16:20

Akakolomoka akati, “Wee, Samusoni aba Filisiti bafika!” U Samusoni akalamusya nukwinong'ona ukuti, “Nkwiza pakunyamuka ukuyana namumo nkubombela bwila nukwisatula.” Loli atakamanyagha ukuti u Mwene akepamo mumwache.

Abalongi 2:14

Po u Mwene akabakalalila aba Izilayeli nukubabika munyobe izya mavyondongo, ghagho ghakafyula ivintu vyabo. Akababika munyobe izya balwani bosi babo bakabazyungulila, umwakuti batakipoka bene.

Abalongi 2:4

Bo uwantumi uwa Mwene ababuzya zinizi aba Izilayeli bosi, abantu bakanda pakulila nkani.

1 Samuweli 14:38

Polelo u Sabuli akati, “Mwee balongozi aba basilikali, zagha kuno, umwakuti twennye imbibi yiyo yabombiwa ilelo.