Yoshwa 7:1 - IBAYIBOLO 2024

¹ Loli aba Izilayeli bamo batakaba basubiliwa pazizyo u Mwene akabalamula ukuti batakasendepo nachimochimo chicho chibaghiye pakunanganika. U Akani umwana uwa Kalimi umwizukulu uwa Zabidi, umwana uwa Zela, yuyo akaba waluko ulwa Yuda akibapo vimo ivintu vila. Po u Mwene akabakalalila nkani aba Izilayeli.

Yoshwa 7:1 Iomraidhean Croise

Ubwandilo 34:27

Abana abanji aba Yakobo bakabuka pabantu babo bakabaghogha bala nukunangannya akaya kosi pakutanizya ukulemiwa pamaka ukwa muyemba.

2 Samuweli 24:1

U Mwene akabakalalila nkani aba Izilayeli, umwakuti akamudeba u Devedi ukuti abatamye aba Izilayeli. U Mwene akamubuzya u Devedi akati, “Buka pakubabelenga aba Izilayeli naba luko ulwa Yuda.”

2 Abamwene 5:24

Bo u Gehazi afika pighamba, akabafyula abambombo bala ivintu vila nukuvibika munyumba. Akababuzya ukuti babukaye, po abambombo bala bakabuka.

1 Imbili 21:7

Loli u Chala atakahoboka na zizyo u Devedi akalamula, po akabafunda aba Izilayeli.

2 Imbili 24:18

Bakayisulannya Inyumba iya Mwene u Chala uwa banyenya babo nukwiputa ivifwani ivya Ashela ni vifwani ivinji. Pachifukwa icha mbibi zyabo, u Chala akabakalalila abantu aba mu Yuda naba mu Yelusalemu.

Ezila 9:6

Po nkiputa nkati, “Wee Chala wane, indi ni soni ni chitima nkani, umwakuti intanginusizya icheni chane kukwako, pachifukwa imbibi zyitu zichilite pamitu yitu sona ukunanga kwitu kufikite kumwanya.

Yobu 35:8

Imbibi zyinyu zikumupalamasya muntu ngati wewe, sona ubugholosu bwako bukubapalamasya bulo abana aba bantu.

Umulumbilili 9:18

Amahala mizapo ukuchila ivilwilo ivya bwite, loli umuntu umubibi weka angavinangannya ivyiza ivyinji.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Aba Levi 10:6

U Mozesi akamubuzya u Aloni na bana bache, u Eleyazala nu Itamali akati, “Mutakalanjizye ichililo chinyu pakuzileka bulo isisi zyinyu zizyo zitapesiwe, sona na pakuzepula amenda ghinyu. Nanti mwabomba bunubu, mukwiza pakufwa, sona u Mwene akwiza pakubafunda abantu bosi nu bukali bwache. Loli aba Izilayeli bosi bitikiziwe ukulila pachifukwa icha bufwe ubwa babo baghoghiwe numoto ghugho u Mwene akatuma.

Yona 1:7

Po abendezi bakanenezannya benebene bakati, “Zagha tubombe amayele umwakuti tumwaghe umuntu yuyo atupelela umukosi ghunughu.” Bakapanga amayele ghala, po bakamwagha u Yona.

Yoshwa 22:16

“Pakunena nichilundilo chosi icha Mwene, ‘Nkimba choni chicho mukabutagha ubusubiliwa bwinyu kwa Chala uwa ba Izilayeli bunubu? Amwe mwamusambukila u Mwene pakwizengela mwebene ichighemo!

Yoshwa 22:18

Nkimba ilelo mukulonda pakuleka pakumukonka u Mwene? “ ‘Nanti ilelo mwamusambukila u Mwene, kokuti indabi akwiza pakubakalalila aba Izilayeli bosi.

Yoshwa 22:20

Bo u Akani, umwana uwa Zela aba temusubiliwa pavintu ivipaghuliwa, nkimba u Mwene atakabakalalila aba Izilayeli bosi? Pisiku lilalila atakaba we Akani mwene, yuyo akafwa pachifukwa icha mbibi zyache, awe.’ ”