Yoshwa 6:4 - IBAYIBOLO 2024

⁴ Abaputi seveni balongolele kuntazi ukwa Bokosi ilya Lufingo, bo umuntu wesi anyamuye ipati ilya lupembe ulwadubi munyobe yache. Pisiku ilyaseveni, mukazyungulile akaya akakulu nkani kala akaseveni, bo abaputi bakulizya amapati ghabo.

Yoshwa 6:4 Iomraidhean Croise

Ubwandilo 2:3

Akalisaya isiku lyaseveni nukulipaghula pakuba lisayiwa, pakuti pisiku linili u Chala akatuzya pakubomba imbombo yache iyakupela ivintu vyosi.

1 Abamwene 18:43

Akamulamula uwambombo wache akati, “Buka wennye kunyanja.” Uwambombo yula akabuka pakwennya. Po akamubuzya akati, “Kutaliko ichintu nachimochimo.” U Eliya akanena akaseveni akati, “Nyokela.”

2 Abamwene 5:10

U Elisha akayituma intumi yache pakumubuzya ukuti, “Buka koghe mulusoko ulwa Yolodani akaseveni, po ukwiza pakupola nukuswepa.”

2 Abamwene 5:14

Po u Naamani yula akabuka ku Yolodani nukudwiba mumizi akaseveni. Izi zyo zizyo umuntu uwa Chala yula akamubuzya. Panapo na panapo akapola, sona umubili wache ghukaswepa nukuba ngati mubili uwa mwana.

2 Imbili 13:12

U Chala ali naswe sona we mulongozi witu. Abaputi bache bakwiza pakulizya amapati ghabo pakubitizya abantu ukuti bize pakulwa namwe ubwite. Mwee ba Izilayeli, mutakalwanje ubwite nu Mwene, u Chala uwa banyenya binyu, mutangamupota.”

2 Imbili 20:17

Amwe mutakwiza pakulwa ubwite bunubu. Loli mubambe bulo sona mujimbaye ukuti mwennye namumo u Mwene akwiza pakubapokela, mwe bantu aba mu Yuda naba mu Yelusalemu. Mutakanyilaye pamo ukuwa amaka. Indabi bukagha bulo pakukomana nabo, po u Mwene akwiza pakuba namwe.’ ”

2 Imbili 20:19

Po aba Levi abamunyumba iya Kohati, na bamunyumba iya Kola bakima nukumupala u Mwene, u Chala uwa Izilayeli, bo bakukolomoka nkani.

2 Imbili 20:21

Bo u Yehoshafati anenezannya na bantu, akabasala abantu ukuti bamwimbilaye u Mwene nukumupala sona bakavwala inkazo izelu, bo bakwenda pantazi pabasilikali nukwimba ukuti, “Mumupalizyanje u Mwene pachifukwa ichakuti ulughano lwache lwa bwila na bwila.”

Yobu 42:8

Polelo senda inkambaku seveni na bana abang'ozi, mubuke ku mubombi wane u Yobu nukubika ichakwiyipa ichakocha pachifukwa ichamwemwe. U Yobu umubombi wane akwiza pakubiputila, po ane nkwiza pakwivwa ulwiputo lwache sona ntakwiza pakubomba ukuyana nubupunganu bwinyu. Pachifukwa ichakuti mutanenite ubwanaloli pamaso papane ngati mumo akabombela umubombi wane u Yobu.”

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Aba Levi 14:16

Adwibike akafingwi kache aka ndilo mumafuta ghagho ghali muchikufi chache nukughanyafila akaseveni pamaso pa Mwene.

Aba Levi 4:6

Umuputi yula adwibike akafingwi kache mwibanda, alinyafile akaseveni pamaso pa Mwene kuntazi ukwa mwenda uwakuzighila Ubuzilo Ubuzelu nkani.

Zekaliya 4:2

Akandalusya akati, “Nkimba ukwennya ichoni?” Nkamwamula nkati, “Nkwennya ichakubikapo inyale icha golide, pamwanya pakaba akabeseni. Palapala pakabapo inkozyo seveni, inyale yosi yili nubutambi seveni.

Zekaliya 4:6

Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Ukubelengiwa 23:1

Po u Balamu akamubuzya u Balaki akati, “Unzengele ivighemo seveni, sona unjanizizye inkambaku seveni na badubi seveni.”

Yoshwa 6:13

Abaputi seveni babo bakanyamula amapati seveni akalongolela kuntazi ukwa Bokosi lila, bo bakulizya amapati ghabo. Abasilikali babo bakaba ni vilwilo ivya bwite bakaba kuntazi kukwabo, sona kwisinda ukwa Bokosi lila kukaba sona abasilikali babo bakaba ni vilwilo ivya bwite, bo amapati ghakulila.

Yoshwa 6:3

Awe poka na basilikali bako mukazyungulile akaya akakulu nkani kanaka koka pisiku. Loli mubombaye bunubu amasiku sikisi.

Yoshwa 6:5

Bo balizya amapati ghabo lyoka, loli pakabalilo akatali, sona na maka nkani abantu bosi bakolomokaye. Bunubu ulupaso lwakaya akakulu nkani kala lukwiza pakumongoka, sona panapo na panapo abasilikali bakwiza pakwinjila mukaya mulamula.”

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 1:4

Ane ne Yohani, nkuvisimbila ivipanga seveni muchigaba icha Asiya. U Chala yuyo aliko ilelo, yuyo akabako kale, sona yuyo akwiza pakubako, abape ichisa nu mutende. Chope ichisa chinichi icha mizimu seveni, yiyo yili pantazi pachitengo icha bumwene ubwa Chala.

Ubuvumbuli 10:3

Uwantumi yula akakolomoka nkani ukuyana namumo inkalamu zikubulumila. Bo akolomoka bulo, ukupaya seveni ukwa vula kukivwika.

Ubuvumbuli 15:1

Pisinda pache nkennya ichiswigho ichikulu ichinji, kumwanya. Pakaba abantumi seveni babo bakaba ni viwaya seveni, vivyo vikaba vyabumalilo ivyakulanjizya ubukali ubwabumalilo ubwa Chala.

Ubuvumbuli 15:7

Po choka icha vipeliwa ivyabumi folo vila chikabapa abantumi seveni bala ulubako ulwa golide lulo lukizula nu bukali ubwa Chala, yuyo mumi bwila na bwila.

Ubuvumbuli 16:1

Po nkivwa izyu ilyamaka mu Nyumba iya Chala likunena na bantumi seveni bala likuti, “Kakupulile pachisu ichapasi ubukali ubwa Chala, bubo buli mumbako seveni zila.”

Ubuvumbuli 5:1

Nkennya ibuku munyobe indilo iya yuyo akwikala pachitengo icha bumwene. Ibuku lila likaba nu busimbe kumbazu zyosi zibili, sona likamatiwa ni vimatilo seveni.

Ubuvumbuli 5:6

Po nkennya u Mwana uwa ng'ozi pakasi pachitengo icha bumwene, azyunguliliwe ni vipeliwa ivyabumi folo na basongo 24. U Mwana uwa ng'ozi akabonekagha ngati aboliwe. Akaba ni mpembe seveni na maso seveni vivyo yo Mizimu seveni iya Chala, yiyo yitumiwe muchisu chosi ichapasi.

Ubuvumbuli 8:2

Po nkennya abantumi aba kumwanya seveni bimite pamaso pa Chala, sona bapeghiwe amapati seveni.

Ubuvumbuli 8:6

Abantumi seveni bala babo bakaba na mapati munyobe zyabo, bakiyannya ukuti balizye amapati ghala.