Yoshwa 5:9 - IBAYIBOLO 2024

⁹ Po u Mwene akamubuzya u Yoshwa akati, “Ilelo nabefya isoni izya buzya bubo mukaba nabo mu Ijiputi.” Ichi cho chifukwa ubuzilo bula bakabwita ukuti Giligali, sona bukwitiziwa ni tabwa linili mupaka nilelo bulo.

Yoshwa 5:9 Iomraidhean Croise

Ubwandilo 34:14

“Chitangabombiwa ukuti tumupe umuyemba witu pakuba muchi uwa umuntu yuyo atasilimuliwe, pakuti cho chintu chakukozya isoni kukwitu.

2 Samuweli 19:15

Po u mwene akanyokela nukubuka mupaka ku Yolodani. Abaluko ulwa Yuda bakiza ku Giligali pakukomana nawe nukumulobosya palusoko ulwa Yolodani.

Nehemiya 12:29

nakaya aka Beti Giligali sona na muvigaba ivya Geba na mu Azimaveti, pakuti abimbi banaba bakizengela utwaya ukuzyungulila akaya akakulu nkani aka Yelusalemu.

Masalimo 119:39

Unyefyezyeko umusamu ghugho nkughunyila, pakuti amalamulo ghako miza.

Yelemiya 9:25

“Ghakwiza amasiku ghagho nkwiza pakubafunda babo basilimuliwe ku mubili wene.

Ezekiyeli 23:3

Bakabombagha ubwamalaya muchisu icha Ijiputi, ukufuma kubulindu bwabo. Kulakula abantu bakalemagha amabele ghabo nukwinyazya.

Ezekiyeli 23:8

Atakabuleka ubwamalaya bwache bubo akanda pakubomba mu Ijiputi, ukwandila pakabalilo aka bulindu bwache, abanavuli bakaghonana nawe nukulema amabele ghache aghakubulindu, po ichinyonywa chabo chosi chikamalilagha papache.

Hoseya 4:15

“Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Aba Levi 24:14

“Mwefyemo muvisakasa umuntu uwamusamu yula. Abantu bosi babo bakivwa umusamu wache babike inyobe zyache pamutu uwa muntu yula pakusimikizya ukuti anangite, po ichilundilo chosi chimughoghe na mabwe.

Amosi 5:5

Mutakabuke pakwiputa ku Beteli, mutakabuke ku Giligali, pamo ku Belisheba. Pakuti naloli abantu aba mu Giligali bakwiza pakusendiwa nukubuka kubuzya, sona u Beteli akwiza pakuzimila ngati chintu ichabulo.”

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Zefaniya 2:8

“Nivuye intuko izya ba Mowabu, sona nu musamu uwa ba Amoni, babo bakubasamula abantu bane, nukuboghofya ukuti bakwiza pakuchifyula ichisu chabo.

Yoshwa 24:14

“Polelo mumunyile u Mwene nukumubombela mubwanaloli bwinyu bosi. Mwefyemo abachala abanji babo abanyenya binyu bakabiputagha mulubazu lwalusoko ulwa Yufuleti na mu Ijiputi, po mumubombelaye u Mwene.

Yoshwa 4:19

Pisiku ilya 10 ilya mwezi uwakwanda, aba Izilayeli bakaloboka ulusoko ulwa Yolodani, nukuzenga ivisakasa vyabo pa Giligali kumpaka iyakubufumilo bwizuba ukwa Yeliko.

Yoshwa 5:8

Bo u Yoshwa amala pakubasilimula bosi, aba Izilayeli bosi bakalindilila muvisakasa vyabo ukuti ivilonda vipole.

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.

1 Samuweli 7:16

Umwaka nu mwaka akakendelagha akaya akakulu nkani aka Beteli naka Giligali, sona naka Mizipa, sona akalongagha inongwa izya bantu mutwaya tosi tunutu.