Yoshwa 5:5 - IBAYIBOLO 2024

⁵ Abantu bosi babo bakepamo mu Ijiputi bakasilimuliwa, loli abantu bosi babo bakapapiliwa munkolongo pabulendo bwabo ubwa kwepamo mu Ijiputi batakasilimuliwa.

Yoshwa 5:5 Iomraidhean Croise

Matayi 12:7

Amasimbo ghakuti, ‘Ichisa cho chicho nkulonda, chite ichakwiyipa icha vinyamana awe!’ Nanti mwachimenye chicho amazyu agha ghakung'anamula ngali mutabanenite abantu babo batanangite ukuti bambibi.

Aba Loma 2:26

Nanti umuntu yuyo atasilimuliwe akwivwila zizyo Indaghilo zikunena, nkimba pamaso pa Chala atangaba ngati po muntu umusilimuliwe, napapo atasilimuliwe?

1 Aba Kolinti 7:19

Pakuti ukusilimuliwa pamo ukusita ukusilimuliwa kute ni mbombo nayimoyimo. Ichapamwanya nkani ko kukonka amalamulo agha Chala.

Aba Galatiya 5:6

Nanti tuli mwa Kilisitu u Yesu ukusilimuliwa pamo ukusita kusilimuliwa kute ni mbombo. Ichintu choka bulo chicho chapamwanya nkani lo lwitiko, lulo luli pambombo ukwendela mu lughano.

Aba Galatiya 6:15

Manyi kusilimuliwa pamo ukusita ukusilimuliwa vitakung'anamula nachimo. Loli chicho chili ni ching'anamulo chakuti umuntu abanje chipeliwa ichipya.

Yoshwa 5:4

U Yoshwa akabasilimula abantu pachifukwa ichakuti abanavuli bosi babo bangalwa ubwite bakamalila munkolongo, bo bakwepamo mu Ijiputi.

Yoshwa 5:6

Aba Izilayeli bakendendeka munkolongo amaka 40, mupaka abanavuli bosi babo bangalwa ubwite bakamala pakufwa, bo bakwepamo mu Ijiputi pachifukwa ichakuti batakamwivwila u Mwene. Pakuti u Mwene akalapa ukuti banaba batakwiza pakwinjilamo muchisu icha mboto chicho akabalayizya abanyenya babo.