Yoshwa 5:1 - IBAYIBOLO 2024

¹ Abamwene bosi aba ba Amoli babo bakikalagha kubwinjililo bwizuba ubwa Yolodani, sona na bamwene bosi aba ba Kenani babo bakikalagha mulubazu ulwa Nyanja iya Medeteleniya, bakivwa ukuti u Mwene akakamula ulusoko ulwa Yolodani pamaso paba Izilayeli mupaka abantu bosi bakaloboka. Po bakaba nubogha nkani nukuwa amaka pachifukwa icha ba Izilayeli bala.

Yoshwa 5:1 Iomraidhean Croise

Ubwandilo 12:6

u Abulamu akendela ichisu chosi mupaka mukaya aka Shekemu, mupaka nukufika pikwi ilya mupandapanda mu Mole. Pakabalilo kalakala, aba Kenani bakikalagha muchisu chilachila.

Ubwandilo 48:22

Nkukupa awe, ntakubapa abawamwinyu awe, ichisu icha Shekemu, ichigaba icha muvundo chila chicho nkabafyula aba Amoli nupanga sona nubwele bwane.”

2 Samuweli 21:2

U mwene akabitizya aba Gibeyoni bosi. Pakabalilo kalakala aba Gibeyoni batakaba chigaba chimo icha inko izya ba Izilayeli, loli bakaba bantu abakupona abaluko ulwa ba Amoli. Aba Izilayeli bakalapa ukuti batakwiza pakubaghogha. Loli u Sabuli atakalondagha pakubazimizya pachifukwa icha lweke lwache paba Izilayeli naba Yuda.

1 Abamwene 10:5

ni vyakulya vivyo vikaba pitebulo lyache, namumo amakambala ghache ghakikalilagha mubuzilo bwabo, namumo abambombo bache bakavwalilagha inkazo zyabo, na bambombo bache abakumupa uvinyo, sona ni vyakwiyipa ivyakocha vivyo akavibika mu Nyumba iya Mwene akaswigha nkani.

Ezila 9:1

Bo zinizi zyabombiwa, abalongozi bakambuzya bakati, “Aba Izilayeli poka na baputi naba Levi batakipaghula ku bantu aba muvyisu ivipalamani babo bakubomba ivinyazu ukuyana namumo bakubombela aba Kenani naba Hiti naba Pelezi naba Yebusi naba Amoni naba Mowabu naba Ijiputi sona naba Amoli.

Masalimo 135:11

Kokuti u mwene u Sihoni, u mwene uwa ba Amoli, sona nu mwene u Ogi uwamu Bashani, poka na bamwene bosi aba mu Kenani.

Ukufuma 23:28

Nkwiza pakutuma amavwivwi pakubachimbizyamo aba Hivi naba Kenan, naba Hiti muzila yinyu.

Yesaya 41:5

“Utusungo twavyennya vinivi nukunyila, ubumalilo ubwa vyisu bukutetema. Vikupalamila nukwiza,

Ezekiyeli 16:3

‘Umubuzye u Yelusalemu ukuti u Mwene Uwamaka Ghosi ati: Abanyenya bako bakafuma muchisu icha ba Kenani kuko ukapapiliwa. U ghuso akaba waluko ulwa Amoli sona u nyoko akaba waluko ulwa Hiti.

Ezekiyeli 21:7

Nanti bakukulalusya ukuti, ‘Nkimba choni chicho ukukoloma?’ ukwiza pakwamula ukuti, ‘Pachifukwa icha lipangwi lilyo likwiza. Umoyo uwa muntu wesi ghukwiza pakusunguluka sona inyobe yikwiza pakumala amaka, umuzimu wesi akwiza pakuzilika sona ichimpevu chosi chikwiza pakudedebala amaka ghakwiza pakumala.’ Chikwiza! Naloli chikwiza pakubombiwa.” U Mwene Uwamaka Ghosi anena.

Daniyeli 5:6

Po icheni chache chikasulumannya umwakuti akanyila nkani, umwakuti ivimpevu vyache vikanda pakutetema.

Amosi 2:9

“Nkabanangannya aba Amoli pamaso papabo, napapo bakaba batali ngati likwi ilya mwale, abamaka ngati likwi ilya mupandapanda. Nkavinangannya ivikomwa vyache sona na magululuzi ghache.

Ukubelengiwa 13:29

Aba Amaleki bakwikala muchisu icha kuntende, sona aba Hiti naba Yebusi naba Amoli bakwikala muchisu icha mumaghamba. Aba Kenani bakwikala kupipi ni nyanja, sona na mulubazu ulwa lusoko ulwa Yolodani.”

Yoshwa 17:12

Loli pope bulo abaluko ulwa Manase bakapotwa pakubachimbizyamo mutwaya twabo aba Kenani umwakuti aba Kenani bala bakendelela pakwikala mulamula.

Yoshwa 17:18

loli ni chisu icha mumaghamba bulo. Napapo musitu, mudumule amakwi nukusenda ubuzilo ubukulu ukuyana namumo mukulondela pakuba chisu chinyu. Amwe mukwiza pakubachimbizyamo aba Kenani napapo bali ni ngolo izya bwite izya chela, sona nukuti bamaka.”

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”

Yoshwa 3:16

amizi ghakaleka pakwenda nukwima ngati lubumba ulutali, ukwandila kukaya aka Adamu mupaka kukaya akakulu aka Zaletani, bo amizi aghakwika ku Nyanja Imfwe ghakalundinkana. Po abantu bakalobokagha ulusoko kupipi nakaya akakulu nkani aka Yeliko.

Yoshwa 3:17

Abaputi babo bakanyamula Ibokosi ilya Lufingo ilya Mwene bakimilila pachisu ichumizu pakasi na pakasi mulusoko lula, bo aba Izilayeli bakuloboka mupaka abantu bosi bakamala pakuloboka.

Ubuvumbuli 18:10

Bakwiza pakwimilila pabutalipo pachifukwa ichabogha nintamyo zyache. Bakwiza pakunena ukuti, ‘Intamyo mwee! Intamyo mwee! Intamyo wee akaya akakulu nkani aka Babiloni, akaya akamanyikwe, sona akamaka! Awe wafundiwa mwa awala weka bulo.’

Abalongi 1:1

Bo u Yoshwa afwa aba Izilayeli bakamulalusya u Mwene bakati, “Nkimba luko loni lulo lukwiza pakuba lwakwanda pakulwa ubwite naba Kenani?”

Abalongi 11:23

“Pakuti u Mwene u Chala uwa ba Izilayeli abachimbizya aba Amoli pamaso pabantu bache aba Izilayeli, nkimba awe uli nu bulaghili boni abwakuchifyulila ichisu chinichi?

Abalongi 3:3

Akabaleka abamwene fayivi aba ba Filisiti naba Kenani bosi naba Sidoni sona naba Hivi babo bakikalagha pighamba ilya Lebanoni ukwandila kwighamba ilya Baala Helimoni mupaka ku Lebo Hamati.

Abalongi 4:2

Po u Mwene akababika munyobe izya Yabini u mwene uwa ba Kenani yuyo akalaghilagha mukaya akakulu nkani aka Hazoli. Usongo uwa basilikali bache akaba we Sisela, yuyo akikalagha mu Halosheti Hagoyimu.

1 Samuweli 25:37

Pandabindabi bo ukukolwa kula kwamala, umuchi wache yula akamubuzya zyosi. Umoyo wache ghukaleka pakufuta, sona umubili wache ghosi ghukafwa.