Yoshwa 4:11 - IBAYIBOLO 2024

¹¹ Bo bosi bamala pakuloboka, abaputi babo bakanyamula Ibokosi ilya Lufingo ilya Mwene bakabalongolela abantu bosi bala.

Yoshwa 4:11 Iomraidhean Croise

Yesaya 52:12

Loli mutakwiza pakwepamo lubilolubilo, pamo mutakwiza pakwepamo umwakuchimbila, pakuti u Mwene akwiza pakubalongolela, u Chala uwa Izilayeli akwiza pakuba mulindilili winyu.

Yoshwa 24:11

“ ‘Po mukaloboka ulusoko ulwa Yolodani nukufika mu Yeliko. Abenekaya aba mu Yeliko bakalwa namwe ubwite, ukuyana namumo bakababombela aba Amoli naba Pelezi naba Kenani naba Hiti naba Giligashi naba Hivi sona naba Yebusi. Loli ane nkababika munyobe zyinyu.

Yoshwa 3:17

Abaputi babo bakanyamula Ibokosi ilya Lufingo ilya Mwene bakimilila pachisu ichumizu pakasi na pakasi mulusoko lula, bo aba Izilayeli bakuloboka mupaka abantu bosi bakamala pakuloboka.

Yoshwa 3:8

Ubalamule abaputi babo banyamuye Ibokosi ilya Lufingo uti, ‘Bo mwafika mulubazu ulwa lusoko ulwa Yolodani, mwinjile panandi bulo mumizi nukwimilila mulamula.’ ”

Yoshwa 4:10

Abaputi babo bakanyamula Ibokosi ilya Lufingo bakaba bachili bimiliye pakasi na pakasi mulusoko ulwa Yolodani mupaka aba Izilayeli bakabomba zyosi zizyo u Mwene akamulamula u Yoshwa, ukuyana namumo u Mozesi akamubuzizya u Yoshwa. Po aba Izilayeli bakaloboka ulusoko lula umwalubilolubilo.

Yoshwa 4:12

Aba Lubeni naba Gadi, sona nuhafu uwaluko ulwa Manase bakaba bakwanda pakuloboka, bo banyamuye ivilwilo ivya bwite, ukuyana namumo u Mozesi akabalamulila.

Yoshwa 4:18

Bo abaputi bala bepamo bulo mulusoko lula bo banyamuye Ibokosi ilya Lufingo, ulusoko lula lukanda pakwenda sona mupaka nukwizula mulubazu mosi ngati mumo lukabela pakwanda.