Yoshwa 3:8 - IBAYIBOLO 2024

⁸ Ubalamule abaputi babo banyamuye Ibokosi ilya Lufingo uti, ‘Bo mwafika mulubazu ulwa lusoko ulwa Yolodani, mwinjile panandi bulo mumizi nukwimilila mulamula.’ ”

Yoshwa 3:8 Iomraidhean Croise

2 Abamwene 2:6

Pisinda pache u Eliya akamubuzya u Elisha akati, “Weya we syala pano. U Mwene antuma ku Yolodani.” Loli u Elisha akamwamula akati, “Nkulapa pamaso pa Mwene na pamaso papako ukuti ntakwiza pakukuleka napo panandi.” Po bosi bakendelela nu bulendo bwabo.

2 Imbili 29:15

Bo bababungannya poka abakamu babo nukwipaghula bene, bakinjila mu Nyumba iya Mwene pakuyiswefya ngati mumo u mwene akabalamulila, ukuyana na mazyu agha Mwene.

2 Imbili 29:27

U Hezekiya akabalamula ukuti babikaye ichakwiyipa ichakocha pachighemo. Bo banda pakubika ichakwiyipa chila, bakanda pakumwimbila u Mwene na mapati, ni vyakwimbila ivya Devedi u mwene uwa Izilayeli.

2 Imbili 29:30

U mwene u Hezekiya, na makambala ghache bakabalamula aba Levi ukuti bamupalaye u Mwene na mazyu agha Devedi sona nagha mwenelezyi u Asafu. Po bakimba inyimbo izya mapalo nu buhobosu, bo bakumwiputa pakufughama pasi.

2 Imbili 30:12

U Chala akabapela abantu aba mu Yuda pakuba nu lweke ukuti babombaye zizyo u mwene na makambala ghache bakalamula, ukuyana na mazyu agha Mwene.

Nehemiya 13:22

Po nkabalamula aba Levi ukuti biswefye nukubuka pakulindilila pamulyango, umwakuti Isiku Ilyakutuzya libanje lizelu. Wee Chala wane, unkumbukaye sona unsungaye nu lughano lwako ulukulu nkani.

Nehemiya 13:28

Weka umwana uwa Yoyada akaba, mwana uwa muputi usongo u Eliyashibu akaba mukwalima uwa Sanibalati uwamu Holoni. Po nkamwefyapo umwana wache pamaso papane.

Ukufuma 14:13

U Mozesi akabamula abantu bala akati, “Mutakanyilaye! Mwimaye bulo, ukuti ilelo mubwennye ubupoki ubwa Mwene. Aba Ijiputi babo mukubennya mutakwiza pakubennya sona.

Nkuto 3:26

Pakuti chiza pakubanga bulo myee, pakubulindilila ubupoki ubwa Mwene.

Yoshwa 3:17

Abaputi babo bakanyamula Ibokosi ilya Lufingo ilya Mwene bakimilila pachisu ichumizu pakasi na pakasi mulusoko lula, bo aba Izilayeli bakuloboka mupaka abantu bosi bakamala pakuloboka.

Yoshwa 3:3

nukubalamula abantu ukuti, “Bo mwabennya abaputi banyamuye Ibokosi ilya Lufingo ilya Mwene u Chala winyu, namwe bulo musamaye nukubakonka.

Yoshwa 3:7

Panapo u Mwene akamubuzya u Yoshwa akati, “Ukwanda ilelo nkwiza pakukukwezya pamaso paba Izilayeli bosi, umwakuti bamanye ukuti indi poka nawe ukuyana namumo nkabela poka nu Mozesi.

Yoshwa 3:9

Po u Yoshwa akanena naba Izilayeli akati, “Zagha kuno mwivwe amazyu agha Mwene u Chala winyu.

Yoshwa 4:11

Bo bosi bamala pakuloboka, abaputi babo bakanyamula Ibokosi ilya Lufingo ilya Mwene bakabalongolela abantu bosi bala.