Yoshwa 3:7 - IBAYIBOLO 2024

⁷ Panapo u Mwene akamubuzya u Yoshwa akati, “Ukwanda ilelo nkwiza pakukukwezya pamaso paba Izilayeli bosi, umwakuti bamanye ukuti indi poka nawe ukuyana namumo nkabela poka nu Mozesi.

Yoshwa 3:7 Iomraidhean Croise

1 Imbili 29:25

U Mwene akamukwezya nkani u Solomoni pakasi paba Izilayeli bosi akamupa ubukulu bubo atalipo nayumoyumo u mwene apokelitepo muchisu icha Izilayeli.

2 Imbili 1:1

U Solomoni umwana uwa Devedi akabwikazya ubumwene bwache, pakuti u Mwene u Chala wache akaba nawe nukumupela pakuba muntu wamaka nkani.

Yobu 7:17

“Nkimba umuntu wewenu uwakuti umupasikizyanje bunubu, uwakuti umwinong'onelaye?

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Yohani 17:1

Bo u Yesu amala pakunena zinizi, akennya kumwanya nukuti, “Wee Tata, akabalilo kakwana. Umuchindikaye u Mwana wako, umwakuti u Mwana akuchindikaye awe.

Aba Filipi 1:20

Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe.

Yoshwa 1:17

Tukwiza pakukwivwila ukuyana namumo tukamwivwililagha u Mozesi, sona u Mwene u Chala wako abanje nawe, ukuyana namumo akabela nu Mozesi.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Yoshwa 3:6

Po u Yoshwa akabalamula abaputi akati, “Nyamula Ibokosi ilya Lufingo nukubalongolela abantu.” Aba Levi bala bakalinyamula nukubalongolela abantu ukuyana namumo u Yoshwa akababuzizya.

Yoshwa 3:8

Ubalamule abaputi babo banyamuye Ibokosi ilya Lufingo uti, ‘Bo mwafika mulubazu ulwa lusoko ulwa Yolodani, mwinjile panandi bulo mumizi nukwimilila mulamula.’ ”

Yoshwa 4:14

Pisiku lilalila u Mwene akamukwezya u Yoshwa pamaso paba Izilayeli bosi. Po aba Izilayeli bakamuchindikagha u Yoshwa mubumi bwache bosi, ukuyana namumo bakamuchindikilagha u Mozesi.