Yoshwa 3:16 - IBAYIBOLO 2024

¹⁶ amizi ghakaleka pakwenda nukwima ngati lubumba ulutali, ukwandila kukaya aka Adamu mupaka kukaya akakulu aka Zaletani, bo amizi aghakwika ku Nyanja Imfwe ghakalundinkana. Po abantu bakalobokagha ulusoko kupipi nakaya akakulu nkani aka Yeliko.

Yoshwa 3:16 Iomraidhean Croise

Ubwandilo 14:3

Abamwene fayivi banaba bakapanga akabukatila koka poka na basilikali abanji bosi mwikombe ilya Sidimu ku Nyanja Imfwe.

1 Abamwene 4:12

U Baana umwana uwa Ahiludi akenelezyanga muchisu icha Tanaki na mu Megido sona ni chisu chosi ich Beti Shani chicho chikapalamana ni chisu icha Zaletani muntende muchisu icha Yezileli, mupaka ku Abeli Mehola, nukulobokela ku Yokomeyamu.

1 Abamwene 7:46

U mwene akapangisya vyosi vinivi mwikombe ilya Yolodani, pakasi pa kaya akakulu aka Sukoti naka Zaletani.

Masalimo 114:3

Inyanja yikennya nukuchimbila, ulusoko ulwa Yolodani lukanyokela.

Masalimo 114:5

Wee nyanja, nkimba choni chicho ukuchimbila? Wee lusoko ulwa Yolodani, nkimba choni chicho ukunyokela.

Masalimo 29:10

U Mwene ikaye pachitengo chache icha bumwene pamizi aghakwizula, sona ikaye pachitengo chache icha bumwene bwila na bwila.

Masalimo 33:7

Akaghabungannya amizi agha munyanja nukughabika impaka, sona amizi amibizu akighalila munyumba izyakusungilamo ivintu.

Masalimo 66:6

Akayandula inyanja pakuba chisu ichumizu, umwakuti abantu bakaloboka ulusoko lula pakwenda pasi. Po palapala tukahoboka pachifukwa icha zizyo akabomba.

Masalimo 74:15

Ukighula imbwibwi ni soko ukuti zyendaye, tope utusoko ukatukamula.

Masalimo 77:19

Ukadumusannya pamayigha aghamaka nkani, izila yako yikenda pamizi amibizu, pope bulo ukudindiwa ukwanyayo zyako kutakaboneka.

Masalimo 78:13

Akayigaba inyanja pakasi ukuti badumusannyepo. Akaghapela amizi ukuti ghimilile ngati lubumba.

Ukufuma 14:21

Po u Mozesi akagholosezya inyobe yache panyanja, po u Mwene akayipela impepo iyamaka iyakubufumilo bwizuba pakukukila panyanja busiku bosi. Inyanja yila yikanduka pakuba chisu ichumizu, sona amizi ghakagabinkana.

Ukufuma 14:22

Aba Izilayeli bakaloboka inyanja pachisu ichumizu pakasi pa vibumba vibili ivya mizi.

Ukufuma 14:29

Loli aba Izilayeli bakaloboka inyanja pachisu ichumizu pakasi pa vibumba ivya mizi kundilo na kumongo.

Ukufuma 15:8

Nu muyi uwa mumpuno zyako, amizi ghakabungana poka. Amizi aghakwenda ghakimilila ngati lubumba, sona ghakakala nkani pasi panyanja.

Yesaya 50:2

Nkimba choni chicho bo niza, patakabapo umuntu nayumoyumo? Nkimba choni chicho bo nitizya, patakaba nayumo umuntu uwa kwamula? Nkimba inyobe yane yikaba mpimpa pakubapoka? Nkimba inte na maka aghakubapokela? Ennya, nanti nayichemela inyanja yikukamuka, nkuzyandula isoko pakuba nkolongo, iswi zyabo zikubola, pachifukwa ichakuti zitakuba na mizi, po zikufwa ni nyota.

Ezekiyeli 47:8

Po akambuzya akati, “Amizi ghakubuka muchigaba icha kubufumilo bwizuba nukubuka mwikombe ilya lusoko ulwa Yolodani, ghakwinjila mu Nyanja Imfwe, ghakughapela amizi pakuba miza nkani.

Nahumu 1:4

Akuyichemela inyanja nukuyikamusya, sona akuzikamusya isoko zyosi. Ivimelwa ivya mu Bashani nivya mu Kalimeli vikufoka, bope ubwezya ubwa mu Lebanoni bukumila.

Habakuku 3:8

Wee Mwene, nkimba ukazikalalila isoko? Nkimba ubukali bwako bukaba patusoko? Nkimba ukayichemela inyanja inkulu nkani, bo ukwelite pafalasi ni ngolo zyako izya bupoti?

Ukubelengiwa 34:3

“Ichigaba icha kuntende icha chisu chinyu impaka yikwandila munkolongo iya Zini mulubazu ulwamumpaka iya Edomu. Impaka iyakubufumilo bwizuba yikwandila kuntende ukwa Nyanja Imfwe.

Ukukumbusya Amalamulo 1:1

Agha gho mazyu ghagho u Mozesi akababuzya aba Izilayeli bosi munkolongo, bo bali kubufumilo ubwa lusoko ulwa Yolodani, kokuti mu Alaba, umwakwenannya nu Sufi pakasikasi pa kaya akakulu aka Palani naka Tofeli naka Labani naka Hazeloti sona naka Dizahabu.

Ukukumbusya Amalamulo 3:17

Kubwinjililo bwizuba, impaka yabo yikaba lusoko ulwa Yolodani mu Alaba, ukwandila ku Nyanja iya Galileya mupaka ku Nyanja Imfwe, muntende mwighamba ilya Pisiga.

Yoshwa 12:3

Akalaghila sona ichigaba chosi icha kubufumilo bwizuba ubwa Alaba ukwandila ko ku Nyanja iya Galileya, mupaka ku Nyanja Imfwe, ni chisu icha Beti Yeshimoti, na muntende mwighamba ilya Pisiga.

Yoshwa 15:2

Impaka yache iyakuntende yikandila kuntende ukwenecho ukwa Nyanja Imfwe

Yoshwa 16:7

po yikika mupaka ku Ataloti nu Naala nukufika ku Yeliko po yikamalila pa Yolodani.

Yoshwa 3:13

Bo abaputi babo banyamuye Ibokosi ilya Lufingo ilya Mwene lila, yuyo we Mwene uwa chisu chosi ichapasi, akanya bulo mumizi mula, amizi ghosi agha mu Yolodani ghakwiza pakuleka pakwenda, sona ghakwiza pakwima ngati lubumba.”

Yoshwa 4:22

mubamulaye mutinji, ‘Aba Izilayeli bakaloboka ulusoko ulwa Yolodani pachisu ichumizu.’

Yoshwa 5:1

Abamwene bosi aba ba Amoli babo bakikalagha kubwinjililo bwizuba ubwa Yolodani, sona na bamwene bosi aba ba Kenani babo bakikalagha mulubazu ulwa Nyanja iya Medeteleniya, bakivwa ukuti u Mwene akakamula ulusoko ulwa Yolodani pamaso paba Izilayeli mupaka abantu bosi bakaloboka. Po bakaba nubogha nkani nukuwa amaka pachifukwa icha ba Izilayeli bala.

Abalongi 7:22

Bo abantu 300 bala balizya amapati ghabo, u Mwene akabavulungannya abalwani babo umwakuti bakanda pakulwa benebene pakubombezya upanga. Abasilikali bala bakachimbilila ku Beti Shita kupipi nakaya aka Zelela mupaka kumpaka iya Abeli Mehola papipi nu Tabati.