Yoshwa 3:11 - IBAYIBOLO 2024

¹¹ Po Ibokosi ilya Lufingo ilya Mwene uwa chisu chosi ichapasi liloboke ulusoko ulwa Yolodani ukulongolela kuntazi kukwinyu.

Yoshwa 3:11 Iomraidhean Croise

1 Imbili 29:11

Awe we Mwene we mukulu nkani, sona we wamaka nu wabuchindamu sona we mupoti. Pakuti ivintu vyosi ivya kumwanya ni vya pachisu ichapasi vyosi vyako. Wee Mwene, wemwenecho uwa vintu vyosi ivya pachisu ichapasi.

Yobu 41:11

Wenu yuyo angalwana nayo nukuyipota? Ivintu vyosi pachisu ichapasi vyane.

Masalimo 24:1

Ichisu ichapasi ni vintu vivyo vili mumo vya Mwene, ichisu chosi ichapasi poka na bantu babo bakwikala mulamula.

Masalimo 97:5

Amaghamba ghakusunguluka ngati mpula pamaso pa Mwene, pamaso pa Mwene uwa ichisu chosi ichapasi.

Yesaya 3:12

Abalumendo bakubayivya abantu bane, sona abakolo bakubalaghila. Mwe bantu bane abalongozi binyu bakubapuvya, sona mutakumanya izila iyakwendamo.

Yesaya 54:5

Pakuti umupeli wako we mulume wako, u Mwene Uwamaka Ghosi lyo litabwa lyache, Umuzelu uwa Izilayeli we mutabuli wako, akwitiziwa ukuti we Chala uwa chisu chosi ichapasi.

Yelemiya 10:7

Wee Mwene uwa inko zyosi, nkimba wewenu yuyo atangakunyila? Pakuti zikubaghiye ukuti abantu bakunyilaye. Pakasi pa balongozi abamahala bosi aba inko sona mubumwene bwabo bosi, atalipo nayumoyumo yuyo ayanite nawe.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Zekaliya 4:14

Po akati, “Banaba bo bantu babili babo u Chala abasala nukubapakazya ukuti bamubombelaye u Mwene uwa chisu chosi ichapasi.”

Zekaliya 6:5

Uwantumi akanyamula akati, “Zinizi zyo mpepo folo izya kumwanya, zyafuma bulo pamaso pa Mwene uwa chisu chosi ichapasi.

Ukukumbusya Amalamulo 9:3

Loli ilelo muzimanye ukuti u Mwene u Chala winyu akwiza pakubalongolela ngati gho moto uwakulungulizya. Akwiza pakubapota nukubanangannya, umwakuti amwe mukwiza pakubachimbizya nukubanangannya ukuyana namumo u Mwene akabalayizizya.

Yoshwa 3:13

Bo abaputi babo banyamuye Ibokosi ilya Lufingo ilya Mwene lila, yuyo we Mwene uwa chisu chosi ichapasi, akanya bulo mumizi mula, amizi ghosi agha mu Yolodani ghakwiza pakuleka pakwenda, sona ghakwiza pakwima ngati lubumba.”