Yoshwa 3:10 - IBAYIBOLO 2024

¹⁰ Bunubu mukwiza pakuzyaghannya ukuti u Chala umumi ali pakasi papinyu sona nukuti naloli akwiza pakubachimbizya pamaso papinyu abalwani binyu aba Kenani naba Hiti naba Hivi naba Pelezi naba Giligashi naba Amoli sona naba Yebusi.

Yoshwa 3:10 Iomraidhean Croise

Ubwandilo 15:21

nicha ba Amoli nicha ba Kenani nicha ba Giligashi sona nicha ba Yebusi.”

1 Abamwene 22:28

U Mikaya akati, “Nanti wanyokako akiza bulo, kokuti u Mwene atanenite ukwendela mumwane!” Po akababuzya babo bakimilila palapala akati, “Mwee bantu mwebosi, mughaleme amazyu ghane.”

2 Abamwene 19:4

Lumo zingaba ukuti u Mwene u Chala winyu akwiza pakwivwa amazyu agha songo uwa basilikali yuyo mulongozi wache uwamu Asiliya abatuma pakumusamula u Chala umumi, sona akwiza pakumuchemela pachifukwa icha mazyu ghagho u Mwene u Chala winyu ivuye. Polelo mubiputilaye abakusyalako babo bachili bumi.”

1 Imbili 1:14

U Kenani akaba sona munyenya uwa ba Yebusi nuwa ba Amoli nuwa ba Giligashi

Masalimo 42:2

Umoyo wane ghuli ni nyota nu Chala, u Chala umumi. Po nkimba nkwiza pakubuka liyi pakumwiputa u Chala?

Masalimo 9:16

U Mwene ivumbuye mwene pachifukwa icha bwanaloli bwache, sona ababibi balemiwe muchipingo icha mbombo zyabo.

Ukufuma 17:7

Ubuzilo bula akabwita ukuti Masa nu Meliba, pachifukwa ichakuti aba Izilayeli bakilumbusya kwa Mozesi nukumuyela u Mwene, bo bamulalusya ukuti, “Nkimba u Mwene ali naswe pamo awe?”

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Ukufuma 33:2

Nkwiza pakumutuma uwantumi wane pantazi papinyu pakubachimbizyamo aba Kenani naba Amoli naba Hiti naba Pelezi naba Hivi sona naba Yebusi.

Yesaya 7:14

Polelo u Mwene umwenecho akwiza pakukupa ichimanyilo, umulindu yuyo atamumenye umwanavuli akwiza pakupapa umwana umulumendo, nukumwita ukuti Imaniweli.

Yelemiya 10:10

Loli u Mwene we Chala uwanaloli, we Chala umumi, u Mwene uwa bwila na bwila. Bo akalala, ichisu ichapasi chikutetema, inko zitangajimba nu bukali bwache.

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Ukubelengiwa 13:29

Aba Amaleki bakwikala muchisu icha kuntende, sona aba Hiti naba Yebusi naba Amoli bakwikala muchisu icha mumaghamba. Aba Kenani bakwikala kupipi ni nyanja, sona na mulubazu ulwa lusoko ulwa Yolodani.”

Matayi 16:16

U Simoni Pitala akamula akati, “Awe we Kilisitu, u Mwana uwa Chala umumi.”

Yohani 6:69

Losi ulu tukusubila nukumanya ukuti awe we Muzelu yuyo afuma kwa Chala.”

Ukukumbusya Amalamulo 31:17

Po bunubu ane nkwiza pakubakalalila nukubaleka, sona nkwiza pakubanangannya. Nkwiza pakubawisizya intamyo na mayimba aminji nkani umwakuti pisiku lilalila bakwiza pakulalusya ukuti, ‘Nkimba intamyo zitakutuwila pachifukwa ichakuti u Chala witu, ate poka naswe?’

Ukukumbusya Amalamulo 5:26

Nkimba alipo umuntu yuyo akendelela pakuba nubumi, bo amwivwa u Chala umumi akunena mumoto?

Ukukumbusya Amalamulo 7:1

Bo u Mwene u Chala winyu akubafisya muchisu chicho mukwiza pakwikalamo, sona nanti abachimbizyamo aba Hiti naba Giligashi naba Amoli naba Kenani naba Pelezi naba Hivi sona naba Yebusi, inko zizyo zyamaka akaseveni ukubachila amwe,

Ukukumbusya Amalamulo 7:21

Mutakabanyilaye abantu banaba, pakuti u Mwene u Chala winyu ali namwe. U Chala mukulu, sona weyuyo mumunyilaye.

1 Aba Tesalonika 1:9

Pakuti abene bakunena nizya mumo mukatupokelela akiza, sona namumo mukavileghukila ivifwani nukumubombela u Chala umumi, sona nu wanaloli.

Aba Hebeli 10:31

Ukuwila munyobe izya Chala umumi, cho chintu chimo ichakoghofya nkani.

Yoshwa 11:3

mupaka kuba Kenani abakubufumilo na kubwinjililo bwizuba na kuba Amoli naba Hiti naba Pelezi sona naba Yebusi muchisu icha mumaghamba na kuba Hivi muntende mwighamba ilya Helimoni muchigaba icha Mizipa.

Yoshwa 12:8

Ichisu chabo chikaba chisu icha mumaghamba, ni kombe ilya kubwinjililo bwizuba, ni chisu icha Alaba ni kombe ilya Yolodani na munkolongo ni chisu icha Negebu kokuti ichisu icha ba Hiti nicha ba Amoli nicha ba Kenani, nicha ba Pelezi nicha ba Hivi sona nicha ba Yebusi.

Yoshwa 21:45

U Mwene akakwanilisya zyosi zizyo akabalayizya aba Izilayeli.

Yoshwa 22:31

Po u Finehasi umwana uwa muputi u Eleyazala, akababuzya aba Lubeni naba Gadi sona naba muchigaba chimo icha ba Manase akati, “Ilelo tuzimenye ukuti u Mwene ali naswe, pachifukwa ichakuti amwe mutakaba basubiliwa kwa Mwene, sona mwabapoka aba Izilayeli kulufundo ulwa Mwene.”

Yoshwa 24:11

“ ‘Po mukaloboka ulusoko ulwa Yolodani nukufika mu Yeliko. Abenekaya aba mu Yeliko bakalwa namwe ubwite, ukuyana namumo bakababombela aba Amoli naba Pelezi naba Kenani naba Hiti naba Giligashi naba Hivi sona naba Yebusi. Loli ane nkababika munyobe zyinyu.

Yoshwa 3:9

Po u Yoshwa akanena naba Izilayeli akati, “Zagha kuno mwivwe amazyu agha Mwene u Chala winyu.

Yoshwa 9:1

Abamwene bosi babo bakikalagha kubwinjililo bwizuba ubwa lusoko ulwa Yolodani bakivwa zinizi, kokuti abantu bosi aba mumaghamba na mumakombe sona naba muntende mumaghamba kubwinjililo bwizuba naba mulubazu ulwa Nyanja iya Medeteleniya mupaka ku Lebanoni kumitu. Banaba bakaba bamwene aba ba Hiti naba Amoli naba Kenani naba Pelezi naba Hivi sona naba Yebusi.

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 26:6

Po u Devedi akamulalusya u Ahimeleki umu Hiti, sona nu mukulu uwa Yowabu, umwana uwa Zeluya akati, “Nkimba wewenu yuyo angabuka nane muvisakasa ivya Sabuli?” U Abishayi akamula akati, “Nene.”