Yoshwa 3:1 - IBAYIBOLO 2024

¹ Pandabindabi nkani u Yoshwa, poka naba Izilayeli bosi bakavisamya ivisakasa vyabo pa Shitimu nukubuka ku Yolodani, nukuzenga ivisakasa vyabo kulakula.

Yoshwa 3:1 Iomraidhean Croise

Ubwandilo 21:14

Pandabindabi nkani u Abulahamu akasenda ichakulya ni nyambi iyikwela iya mizi nukumupa u Hagala. Akamubaghalizya ivyakulya pavipunko nukumubuzya ukuti abukaye poka numwana wache. U Hagala akanyamuka, akendakendagha bulo munkolongo iya Belisheba.

Ubwandilo 22:3

Pandabindabi nkani u Abulahamu, akayannya apakwikalapo pampunda yache nukudumulannya inkwi izyakochela ichakwiyipa. Akanyamuka ubulendo bwache ubwakubuka kuko u Chala akamubuzya. Pabulendo bwache akabuka nu mwana wache u Yisaki poka na bambombo bache babili.

Masalimo 119:60

Ne mwengo nkani, sona intakuzyela pakughakonka amalamulo ghako.

Yelemiya 25:3

Ukwamaka 23 napokela amazyu ukufuma kwa Mwene (ukwandila mumwaka uwa 13, uwa Yosiya umwana uwa Amoni u mwene uwa ba Yuda mupaka mwisiku linili) ghagho naghanenagha nukubabuzya kabilikabili, loli mutakivwa.

Yelemiya 26:5

sona nanti mutakughivwila amazyu agha babombi bane abalaghuzi babo nkabatumila akabalilo na kabalilo, loli mutakivwila,

Yelemiya 7:13

U Mwene akuti bo mukubomba ivintu vyosi vinivi, sona bo nkunena namwe kabilikabili, mutakateghelezya, bo nkubitizya mutakanyamula.

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Ukubelengiwa 25:1

Bo aba Izilayeli bali mwikombe ilya Shitimu, abanavuli bakanda pakulowa na bakolo aba mu Mowabu.

Maliko 1:35

Pandabindabi nkani, u Yesu akanyamuka nukwepapo panyumba pala. Akabuka kuzi kukaya kala, kubuzilo kuko kutakabako abantu nukwiputa.

Yoshwa 2:1

Po u Yoshwa umwana uwa Nuni akabatuma abatendezi babili ukufuma muvisakasa pa Shitimu akati, “Bukagha pakuchitendela ichisu chila, nkaninkani akaya akakulu nkani aka Yeliko.” Abatendezi bala bakabuka nukufikila munyumba iya Lahabu, yuyo akaba we malaya nukwikala mulamula.

Yoshwa 6:12

Indabi yache, u Yoshwa akalamusya pandabindabi nkani, po bope abaputi bakanyamula Ibokosi ilya Lufingo ilya Mwene.

Yoshwa 6:15

Pisiku ilyaseveni bakalamusya pandabindabi nkani, bakakazyungulila akaya akakulu nkani kala akaseveni ukuyana namumo bakabombelagha bwila. Loli pisiku lilalila bakakazyungulila akaseveni.

Yoshwa 7:16

Indabi yache pandabindabi nkani u Yoshwa akalamusya nukwiza naba Izilayeli pantazi nuluko lokaloka, po uluko ulwa Yuda lukasontiwa.

Yoshwa 8:10

Indabi yache pandabindabi nkani, u Yoshwa akababungannya poka abasilikali bache, po yuyo na balongozi aba Izilayeli bakabuka ku Ayi.

Abalongi 20:19

Aba Izilayeli bakalabila pandabindabi nkani nukuzenga ivisakasa vyabo umwakwenannya nakaya akakulu nkani aka Gibeya.

1 Samuweli 17:20

Pandabindabi nkani u Devedi akamulekela umudimi ing'ozi. Akasenda ivyakulya nukubuka ngati mumo u Yese akamubuzizya. Akafika kuvisakasa kula, bo abasilikali bakubuka mubuzilo bwabo ubwa bwite, kuno bakukolomoka inkolo iya bwite.