Yoshwa 23:3 - IBAYIBOLO 2024

³ Amwe mwiyenezya mwebene ivintu vyosi vivyo u Mwene u Chala winyu azibombela inko zyosi pachifukwa icha mwemwe. Pakuti we Mwene u Chala weyuyo abalwila ubwite.

Yoshwa 23:3 Iomraidhean Croise

Ukufuma 14:14

U Mwene akwiza pakubalwila ubwite, amwe banga bulo myee.”

Ukufuma 19:4

Amwe mwebene muvyenizye vivyo nkababombela aba Ijiputi, sona namumo nkabanyamulila nukwiza namwe kukwane ngati mumo izwanga likunyamulila abana bache pavipapande.

Ezekiyeli 20:28

Bo nabinjizya muchisu chicho nkafingana nabo pakubapa sona bo bennya akaghamba pamo ikwi ilyakulemba amani, palapala bakabika ivyakwiyipa vyabo sona ni vyabupi vivyo vikankalalizya, nukubika ichakwiyipa icha utwakununkila poka ni chakwiyipa icha vinyo.

Malaki 1:5

Na maso aghinyu na ghinyu mukwiza pakuvyennya vinivi, po mukwiza pakunena ukuti, ‘Ubukulu ubwa Mwene bwafika ukuzichila impaka izya chisu icha Izilayeli.’ ”

Ukukumbusya Amalamulo 1:30

U Mwene u Chala winyu akwiza ukubalongolela, sona akwiza pakubalwila ubwite ukuyana namumo akabombela mu Ijiputi,

Ukukumbusya Amalamulo 20:4

Pakuti u Mwene u Chala winyu yuyo akubuka namwe, akwiza pakubalwila ubwite nukubapa ubupoti.”

Ukukumbusya Amalamulo 4:9

Mubanje maso, sona muchebaye ukuti mutakaluvyanje ivintu vyosi vivyo mukuvyennya na maso ghinyu, pamo ukuvizimya mumoyo ghinyu mukabalilo kosi aka bumi bwinyu. Mubabuzye abana binyu na bizukulu binyu bulo.

Ukukumbusya Amalamulo 7:17

Mutakinong'onaye ukuti, “Abantu banaba bamaka nkani ukutuchila. Nkimba tungabachimbizya bulibuli?”

Ukukumbusya Amalamulo 7:24

Akwiza pakubabika abamwene babo munyobe zyinyu, po amwe mukwiza pakughazimya amatabwa ghabo muchisu ichapasi. Atalipo nayumoyumo yuyo akwiza pakubakanizya, mupaka mubanangannye bosi.

Yoshwa 10:14

Ukwandila ko kubwandilo litaliko nalimolimo isiku ilyakuyana ni siku linili ilyakuti u Mwene amwivwile umuntu. Naloli u Mwene akabalwilagha ubwite aba Izilayeli.

Yoshwa 10:42

U Yoshwa akabapota abamwene banaba poka ni vyisu vyabo pakabalilo koka, pachifukwa ichakuti u Mwene u Chala uwa ba Izilayeli akabalwilagha ubwite aba Izilayeli.

Yoshwa 23:10

Umuntu wesi mumwinyu angabachimbizya abantu 1,000, pachifukwa ichakuti u Mwene u Chala winyu weyuyo akubalwila ubwite ukuyana namumo akabalayizizya.