Yoshwa 21:1 - IBAYIBOLO 2024

¹ Po isiku limo abalongozi abamunyumba iya Levi bakiza ku muputi u Eleyazala, na kwa Yoshwa, umwana uwa Nuni, sona naku balongozi aba inko zyosi izya ba Izilayeli,

Yoshwa 21:1 Iomraidhean Croise

Ubwandilo 49:7

Ichighune chibanje pabukalale bwabo, pakuti chikoghofya; sona ubukali bute ni chisa. Nkwiza pakubanyampannya mu Izilayeli, nukubasasya muchisu chosi.

Ukufuma 6:14

Aba bakaba bo banyenya abaluko ulwa ba Izilayeli: Abana aba Lubeni, ukatote uwa Izilayeli bo aba: U Hanoki nu Palu nu Heziloni nu Kalimi. Banaba bakaba bamunyumba iya Lubeni.

Ukufuma 6:25

U Eleyazala umwana uwa Aloni akamusenda umwana weka uwa bana abalindu aba Putiyeli pakuba muchi wache nukupapa nawe u Finehasi. Banaba bakaba balongozi aba ba Levi, ukuyana nuluko lwabo.

Ukubelengiwa 35:1

U Mwene akamubuzya u Mozesi mwikombe ilya Mowabu papipi nu lusoko ulwa Yolodani umwakwenannya nu Yeliko akati,

Ukubelengiwa 35:8

Utwaya tuto mukubapa aba Levi pa mpyana iya ba Izilayeli, tubanje umwakuyana nu bukulu ubwa luko losi. Musendeko utwaya utwinji utwa luko lulo luli nutwaya utwinji, loli musendeko utwaya tunandi utwa luko lulo luli nutwaya utunandi.”

Yoshwa 14:1

Vinivi vikaba vyisu vivyo aba Izilayeli bakapokela muchisu icha Kenani pakuba mpyana yabo, vivyo umuputi u Eleyazala nu Yoshwa umwana uwa Nuni, na balongozi abamunyumba aba inko izya ba Izilayeli bakagabila.

Yoshwa 17:4

Abana banaba bakabuka kwa muputi u Eleyazala, na kwa Yoshwa umwana uwa Nuni, sona na kubalongozi nukuti, “U Mwene akamulamula u Mozesi ukuti atupe ichigaba chimo icha chisu icha bakamu bitu pakuba mpyana yitu.” Po u Yoshwa akabapa ichilingo poka na bakamu abawise ukuyana namumo u Mwene akalamulila.

Yoshwa 19:51

Ivi vikaba vigaba ivya chisu vivyo umuputi u Eleyazala nu Yoshwa umwana uwa Nuni, poka na balongozi aba inko izya Izilayeli bakavigaba pa Shilo pamulyango uwa Chisakasa icha Mwene pakubombezya amayele. Pakubomba bunubu bakamalizya pakuchigaba ichisu chilachila.