Yoshwa 2:9 - IBAYIBOLO 2024

⁹ nukubabuzya ukuti, “Inzimenye ukuti u Mwene abapa ichisu chosi chinichi, po twebosi tukubanyila, sona amoyo ghitu ghali bulo mumwanyamwanya.

Yoshwa 2:9 Iomraidhean Croise

Ubwandilo 35:5

Bo u Yakobo na bana bache bakunyamuka, ubogha ubukulu nkani bukabalema abantu bosi aba mutwaya utwakuzyungulila, umwakuti atakabapo nayumo uwakubakonka.

2 Samuweli 17:10

Po napapo umuntu yumo angaba mujivu nkani ngati nkalamu, akwiza pakudedebala, pakuti aba Izilayeli bosi bazimenye ukuti ughuso we muntu uwamaka, sona bope abantu bache bajivu nkani.

2 Abamwene 5:15

Pisinda pache u Naamani poka na bambombo bache bakanyokela kumuntu uwa Chala yula. Bakimilila pamaso papache nukumubuzya ukuti, “Naloli nazimanya ukuti atalipo u Chala uyunji muchisu ichapasi, loli mwene mu Izilayeli. Nalamba pokela ichabupi chane ichi.”

2 Abamwene 7:6

Pakuti u Mwene akighula amakutu agha ba Siliya ukuti bivwe ichongo icha ngolo izya bwite ni falasi poka ni chilundilo icha basilikali abinji nkani, umwakuti bakanenezannya bakati, “Ennya, u mwene uwamu Izilayeli abasimba imbombo abamwene aba ba Hiti naba Ijiputi ukuti balwe naswe ubwite.”

Nehemiya 6:16

Bo abalwani bitu bosi, sona ninko impalamani bivwa zinizi, bakanyila nkani, sona amaka ghakabawila, pachifukwa ichakuti bakazyaghannya ukuti u Chala akaba weyuyo akatwavwa pakubomba imbombo yiniyi.

Esitele 8:17

Muchigaba chosi sona na mukaya kosi akakulu nkani, kosi kuko ululaghilo ulwa mwene lukafumuziwa, mukaba ukuhoboka nukusekela pakasi paba Yuda sona bakaba nu lusekelo ulukulu nkani. Abantu aba inko izinji bakanduka pakuba ba Yuda, pachifukwa ichakuti bakabanyilagha nkani aba Yuda bala.

Yobu 19:25

Imenye ukuti Umutabuli wane mumi, nukuti pabumalilo akwiza pakwima pachisu ichapasi.

Masalimo 112:10

Umuntu umubibi akwiza pakuzyennya zinizi, po bakwiza pakukalala nkani. Akwiza pakusyeketula amino nukuzimila, sona ivintu vivyo akuvinyonywa vitakwiza pakubombiwa.

Masalimo 115:16

Kumwanya kwa Mwene, loli ichisu ichapasi abapiye abantu.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Ukufuma 23:27

“Nkwiza pakubapelela ubogha abantu babo bakubasusya ukuti banganyila. Nkwiza pakubavulungannya abantu babo bakulwa namwe umwakuti bakwiza pakubachimbila.

Umulumbilili 8:12

Napapo umuntu umubibi anange nkani nukuba nubumi, pope bulo inzimenye ukuti umuntu yuyo akumuchindika u Chala ivintu vikwiza pakumwendelagha akiza.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Yesaya 23:5

Nanti amazyu ghafika kuchisu icha Ijiputi, bakwiza pakuyimba nkani nipangwi ilya mu Tile.

Yelemiya 27:5

Namaka ghane amakulu nkapela ichisu ichapasi, na bantu bache sona ni vinyamana vivyo vikwikala mulamula, sona nkumupa umuntu wesi yuyo nighanite pakumupa.

Nahumu 2:10

Akaya aka Ninive kananganika, kaba chisami sona abantu bepamo, amoyo ghabo ghasunguluka, ivimpevu vyabo vyawa ubwazi, amabili ghabo ghakutetema, ivyeni vyosi vili nichitima.

Ukubelengiwa 20:14

Bo bali pa Kadeshi, u Mozesi akatuma intumi kwa mwene uwa chisu icha Edomu na mazyu aghakuti, “Abakamu bako aba Izilayeli bakuti, uzimenye intamyo zyosi zizyo twakomanite nazyo.

Ukubelengiwa 20:24

“U Aloni atakwiza pakwinjilamo muchisu chicho nkubapa aba Izilayeli. Akwiza pakufwa pachifukwa ichakuti mwebosi babili mukalusambukila lulaghilo lwane pamizi agha Meliba.

Matayi 20:15

Nkimba inte nu bulaghili ubwakubomba chicho nkulonda ni ndalama zyane? Pamo uli na kabini pachifukwa ichakuti ne mupi?’ ”

Ukukumbusya Amalamulo 11:25

Atalipo nayumoyumo yuyo akwiza pakubakanizya. U Mwene u Chala winyu akwiza pakubapelela abantu banaba ubogha umwakuti bakwiza pakubanyila muchisu chinichi kosi kuko mukubukako, ukuyana namumo akabalayizizya.

Ukukumbusya Amalamulo 2:25

Ukwanda ilelo mupaka muntazi, nkwiza pakubapelela ubogha umwakuti abantu aba inko zyosi izya muchisu ichapasi babanyilaye. Nanti umuntu wesi ivwa bulo nizya mbili yinyu, akwiza pakutetema nubogha.”

Ukukumbusya Amalamulo 28:10

Po inko zyosi izya muchisu ichapasi bakwiza pakuzimanya ukuti u Mwene u Chala winyu abasalite ukuti mubanje mwe bantu abache na bache, sona bakwiza pakubanyila.

Ukukumbusya Amalamulo 32:8

Bo Uwakumwanya Nkani azigabila inko ichisu, bo abagabannya abantu bosi, bo akubalesannya abantu bosi, akabapangila abantu impaka ukuyana nu bwinji ubwa bana aba Izilayeli.

Aba Hebeli 11:31

Lukaba lwitiko lulo lukamupela u Lahabu umalaya yula pakubapokela akiza abatendezi. Po atakaghoghiwa poka na bantu abasita ukumwivwila u Chala bala.

Yoshwa 2:11

Bo twivwa bulo zinizi, mukasi mukasunguluka, sona amaka ghakatuwila pachifukwa icha mwemwe. Pakuti tuzimenye ukuti u Mwene u Chala winyu we Chala uwakumwanya ni chisu ichapasi.

Yoshwa 2:24

Bakamubuzya u Yoshwa yula bakati, “Naloliloli u Mwene atupiye ichisu chosi chinichi. Abantu bosi kulakula bakutunyila nkani.”

Yoshwa 2:8

Bo abatendezi bala bataghonite, u Lahabu akakwela pachisonje pala,

Yoshwa 5:1

Abamwene bosi aba ba Amoli babo bakikalagha kubwinjililo bwizuba ubwa Yolodani, sona na bamwene bosi aba ba Kenani babo bakikalagha mulubazu ulwa Nyanja iya Medeteleniya, bakivwa ukuti u Mwene akakamula ulusoko ulwa Yolodani pamaso paba Izilayeli mupaka abantu bosi bakaloboka. Po bakaba nubogha nkani nukuwa amaka pachifukwa icha ba Izilayeli bala.

Yoshwa 6:2

Po u Mwene akamubuzya u Yoshwa akati, “Nakabika akaya aka Yeliko munyobe zyako, poka nu mwene, sona na basilikali bache.

Yoshwa 9:10

na zyosi zizyo akababombela abamwene babili aba ba Amoli, abakubufumilo bwizuba ubwa lusoko ulwa Yolodani, u Sihoni uwamu Heshiboni nu Ogi uwamu Bashani, yuyo akalaghilagha mu Ashitaloti.

Yoshwa 9:24

Abantu bala bakamwamula u Yoshwa bakati, “Twe babombi bako tukabuziwa akiza nkani namumo u Mwene u Chala winyu akamulamulila umubombi wache u Mozesi ukuti abape ichisu chosi chinichi nukuzimizyamo abenekaya bosi pamaso papinyu. Po tukabomba bunubu pachifukwa ichakuti tukabanyilagha.

Yoshwa 9:9

Bakamwamula bakati, “Aswe twe babombi bako twafuma kuchisu icha kubutali nkani, pachifukwa ichakuti twivuye ipangwi ilya Mwene, u Chala wako. Twivuye zyosi zizyo akabomba muchisu icha Ijiputi,

Abalongi 7:14

Umumanyani wache yula akamwamula akati, “Ichintu chinichi chitangaba chintu bulo awe, loli wepanga uwa Gidiyoni umwana uwa Yowashi, umu Izilayeli yula. U Chala ababika aba Midiyani, poka na basilikali bosi munyobe zyache.”