Yoshwa 2:3 - IBAYIBOLO 2024

³ Panapo na panapo u mwene yula akatuma intumi kwa Lahabu pakumulamula ukuti, “Bafumye kuzi abantu babo bali munyumba yako, pakuti biza pakuchitendela ichisu chitu.”

Yoshwa 2:3 Iomraidhean Croise

Ubwandilo 38:24

Bo pachilapo amezi matatu u Yuda akivwa ukuti, “Umulasagha wako u Tamala we malaya, ali nu lwanda.” Panapo na panapo, u Yuda akamulamula ukuti, “Bukagha pakumusenda nukumocha ukuti afwe.”

Ubwandilo 42:31

Loli tukamwamula ukuti, ‘Aswe, twe bantu abasubiliwa, tute twe batendezi, awe.

2 Samuweli 10:3

amakambala agha mu Amoni ghakamulalusya u Hanuni, u mwene wabo ghakati, “Nkimba ukwinong'ona ukuti u Devedi akumuchindika ughuso pakuzituma intumi pakukulema inyobe? Nkimba u Devedi atazitumite intumi zila pakukatendela akaya akakulu nkani kanaka ukuti akafyule?”

2 Samuweli 17:20

Bo abantu aba Abisalomu biza kunyumba kula nukulalusya ukuti, “Nkimba u Ahimazi nu Yonatani bali ko kwiyi?” Umukolo yula akabamula akati, “Baloboka ulusoko.” Abantu bala bakabalondelezya loli batakabagha, po bakanyokela ku Yelusalemu.

1 Imbili 19:3

amakambala agha mu Amoni ghakamulalusya u Hanuni ghakati, “Nkimba ukwinong'ona ukuti u Devedi akumuchindika ughuso pakuzituma intumi pakukulema inyobe? Awe, nkimba intumi zila zitizite kuno pakuchitendela ichisu ukuti bachifyule?”

Yobu 21:30

Ukuti umuntu umubibi akupona pisiku ilya ntamyo, akupona pisiku ilya bukali ubwa Chala?

Aba Levi 24:14

“Mwefyemo muvisakasa umuntu uwamusamu yula. Abantu bosi babo bakivwa umusamu wache babike inyobe zyache pamutu uwa muntu yula pakusimikizya ukuti anangite, po ichilundilo chosi chimughoghe na mabwe.

Yohani 19:4

U Pilati akafuma sona kuzi nukubabuzya aba Yuda ukuti, “Ennya, nkumufumya kuzi ukuti namwe bulo mumanye ukuti intamwaghitepo ninongwa nayimoyimo.”

Imbombo 12:4

Bo amupinya u Pitala, akamwighalila mujele, mumo akabikiwa munyobe izya tubukatila folo utwa basilikali ukuti bamwenelezyanje. U Helodi akalondagha ukuti inongwa yache yilongiwe bo Ulusekelo ulwa Pasa lwachila.

Imbombo 12:6

Bukaba ubusiku ubwakuti u Helodi alonge inongwa yache, u Pitala akaghona utulo pakasi pabasilikali babili bala. Akapinyiwa ni mpingu zibili, sona pamulyango uwa jele pakaba abasilikali.

Yoshwa 10:23

Po abasilikali bala bakabefyamo mumpako mula abamwene fayivi bala kokuti u mwene wamu Yelusalemu nuwa mu Hebuloni nuwa mu Yalimuti nuwa mu Lakishi sona nuwa mu Egiloni.

Yoshwa 2:2

U mwene wamu Yeliko akabuziwa ukuti, “Aba Izilayeli bamo bafika kuno pabusiku, pakuchitendela ichisu.”

Yoshwa 2:4

Loli umukolo yula akabafisa abanavuli babili bala. Po akati, “Eee, momumo, abanavuli babili bizite kunyumba yane kuno, loli kuko bafumite ntamenyako.

Abalongi 4:20

U Sisela akamulambilizya umukolo yula akati, “Imilila pamulyango uwa chisakasa. Nanti umuntu yumo iza nukukulalusya ukuti, ‘Nkimba izapo umuntu yumo pano?’ Umwamule uti, ‘Nayumo.’ ”