Yoshwa 2:12 - IBAYIBOLO 2024

¹² Losi ulu lapa pamaso pa Mwene ukuti mukwiza pakubapelela ichisa abamunyumba yane, ukuyana namumo nabapeleye ichisa. Mumpe ichimanyilo icha naloli

Yoshwa 2:12 Iomraidhean Croise

Ubwandilo 21:23

Polelo lapa pano pamaso pa Chala ukuti utakwiza pakunzimbula ane, pamo abana bane, pamo abaluko lwane. Ane nkaba ne muntu umusubiliwa pamaso papako, po nawe lapa ukuti ukwiza pakuba we muntu umusubiliwa pamaso papane muchisu chicho mukwikalamo.”

Ubwandilo 24:3

Lapa pamaso pa Mwene, u Chala uwakumwanya ni chisu chosi ichapasi ukuti utakwiza pakumusendela umwana wane umulindu uwa muchisu icha Kenani, mumo ane nkwikala.

Ubwandilo 24:9

Po uwambombo yula akabika inyobe yache muntapatapa izya mwene wache, nukulapa ukuti akwiza pakubomba vivyo u Abulahamu akamubuzya.

Ubwandilo 40:14

Loli bo vyosi vyanda pakukwendela akiza ukankumbuke. Nalamba umpelele ichisa pakuntambula kabilikabili kwa Falabo umwakuti infume mujele muno.

2 Imbili 36:13

Akamusambukila sona u mwene u Nebukadineza napapo akamulapizya ichilapo mwitabwa ilya Chala. Akaba numoyo umukafu nkani umwakuti atakanyokela kwa Mwene u Chala uwa Izilayeli.

Esitele 8:6

Nkimba ningajimba bulibuli pakubennya abakamu bane bakunanganika? Nkimba ningajimba bulibuli pakubennya abakamu bane bakughoghiwa?”

Ukufuma 12:13

Ibanda pamilyango yinyu likwiza pakuba chimanyilo icha nyumba zyinyu zizyo mukwikalamo. Bo nennya bulo ibanda, nkwiza pakudumusannya, sona ichiwaya ichakughogha chitakwiza pakubapalamasya, bo nkubafunda aba Ijiputi.

Yelemiya 12:16

Loli pisinda pache nanti nu moyo ghosi bangamanyila pakwenda muzila izya bantu bane, nukulapila mwitabwa lyane bo bakunena ukuti, ‘Nkulapila mwitabwa ilya Mwene Umumi,’ ukuyana namumo bakabamanyisikizya abantu bane pakulapila mwitabwa ilya Baala, po bakwiza pakwikala poka na bantu bane, sona bakwiza pakwikala mukasi mubantu bane.

Maliko 14:44

Umuntu yuyo akamubika u Yesu munyobe izya balwani akachipa ichilundilo ichimanyilo ichakuti, “Umuntu yuyo nkumulamuka pakumufyofyonta, weyuyo mukumulonda. Mumuleme nukumusenda ukuti atakachimbile.”

Aba Loma 1:31

bapunganu, abasita ulwitiko, abasita ulughano, sona abasita ichisa.

1 Timoti 5:8

Loli nanti umuntu wesi atakubavwa abakamu bache, nkaninkani abamunyumba yache, atagha ulwitiko lwache, sona we mubibi nkani nukuchila umuntu yuyo ate mwitiki.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

Yoshwa 2:13

ichakuti mukwiza pakutuleka bumi ane nu tata wane nu mayi wane na bawamwitu na bayemba bane sona na bosi abamunyumba zyabo. Mutakatughoghe, loli mutuleke bumi.”

Yoshwa 2:18

pene papo wapinya ulupote uluchesamu pibwindo ilya nyumba yako. Loli ughuso nu nyoko na bakamu bako na bosi abamunyumba yako babanje mukasi munyumba yako.

Yoshwa 2:19

Nanti umuntu yumo akufumila kuzi ukwa nyumba, kokuti ibanda lyache likwiza pakuba papache, aswe tukwiza pakuba ninongwa. Loli umuntu wesi yuyo ali poka nawe mukasi, ibanda lyache likwiza pakuba papitu, nanti aghoghiwa.

Yoshwa 6:22

U Yoshwa akababuzya abatendezi babili bala akati, “Bukagha kunyumba iya malaya yula. Mwize nawe kuno poka na bosi abamunyumba yache ukuyana namumo mukamulayizizya.”

Yoshwa 9:15

Po u Yoshwa akafingana nabo ulufingo lwamutende ukuti batakwiza pakubaghogha, sona bope abalongozi aba chilundilo bakalusimikizya ulufingo lula ni chilapo.

Abalongi 1:24

bakamwennya umuntu yumo akwepamo mukaya akakulu nkani kala, po bakamubuzya bakati, “Tulanjizyeko izila iyakwinjilila mukaya akakulu nkani kanaka, aswe tukwiza pakukupelela ichisa.”

1 Samuweli 30:15

U Devedi akamulalusya akati, “Nkimba ungandangizyako kuko kuli akabukatila aka mavyondongo ghanagha?” Umuntu yula akamwamula akati, “Lapa pamaso pa Chala ukuti utakwiza pakungogha pamo ukumbika munyobe izya mwene wane, po nkwiza pakukulanjizya kuko kuli abantu banaba.”