Yoshwa 2:1 - IBAYIBOLO 2024

¹ Po u Yoshwa umwana uwa Nuni akabatuma abatendezi babili ukufuma muvisakasa pa Shitimu akati, “Bukagha pakuchitendela ichisu chila, nkaninkani akaya akakulu nkani aka Yeliko.” Abatendezi bala bakabuka nukufikila munyumba iya Lahabu, yuyo akaba we malaya nukwikala mulamula.

Yoshwa 2:1 Iomraidhean Croise

Ubwandilo 42:16

Mumutume uwamwinyu weka ukuti abuke pakumusenda umuzuna winyu, bo amwe mwe banji muli mujele ukuti twennye nanti zyo mukunena bwanaloli pamo bumyasi. Mwitabwa ilya Falabo, naloli amwe mwe batendezi.”

Ubwandilo 42:9

U Yosefu akakumbuka ivilota vyache vivyo akalota, po akati, “Amwe mwe bantu batendezi. Mwiza kuno pakutendela ichisu chitu ukuti mwennye nanti chite na maka.”

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Ukubelengiwa 13:1

U Mwene akamubuzya u Mozesi akati,

Ukubelengiwa 13:2

“Usale umulongozi weka uwa munyumba yosi iya inko 12 izya ba Izilayeli nukubatuma pakutendela ichisu icha Kenani, chicho nkubapa aba Izilayeli.”

Ukubelengiwa 25:1

Bo aba Izilayeli bali mwikombe ilya Shitimu, abanavuli bakanda pakulowa na bakolo aba mu Mowabu.

Ukubelengiwa 33:49

Kulakula aba Izilayeli bakazenga ivisakasa vyabo mulubazu ulwa lusoko ulwa Yolodani ukwandila ku Beti Yeshimoti mupaka ku Abeli Shitimu mwikombe ilya Mowabu.

Matayi 10:16

“Ivwa kuno! Nkubatuma amwe ngati zyo ng'ozi pakasi pa mpumpi. Po mubanje mwe bachevu ngati yo njoka, sona mubanje bololo ngati yo nkunda.

Aba Efeso 5:5

Mumanye ichi: Umuntu wesi yuyo we malaya, pamo munyazu, pamo mupafu (kokuti muntu yuyo akwiputa ivifwani) atakwiza pakupyana ubumwene ubwa Kilisitu, sona nubwa Chala.

Aba Hebeli 11:31

Lukaba lwitiko lulo lukamupela u Lahabu umalaya yula pakubapokela akiza abatendezi. Po atakaghoghiwa poka na bantu abasita ukumwivwila u Chala bala.

Yakobo 2:25

Momumo zikabela nu malaya u Lahabu. U Chala akamunena pakuba mugholosu pachifukwa icha mbombo zyache. Akabapokela akiza abatendezi nukubendezya izila iyinji.

Yoshwa 1:18

Umuntu wesi yuyo akukusambukila, sona nanti atakwivwila zizyo ukumulamula, aghoghiwanje. Awe ubanje bulo nu lweke, sona ujimbaye nkani.”

Yoshwa 2:2

U mwene wamu Yeliko akabuziwa ukuti, “Aba Izilayeli bamo bafika kuno pabusiku, pakuchitendela ichisu.”

Yoshwa 21:31

naka Helikati naka Lehobu poka nu buzilo ubwakudimilako ivitekwa. Utwaya tosi utukulu poka tukabapo folo.

Yoshwa 3:1

Pandabindabi nkani u Yoshwa, poka naba Izilayeli bosi bakavisamya ivisakasa vyabo pa Shitimu nukubuka ku Yolodani, nukuzenga ivisakasa vyabo kulakula.

Yoshwa 5:10

Bo aba Izilayeli bachili bali muvisakasa vyabo pa Giligali mwikombe ilya Yeliko, bakaba nu Lusekelo ulwa Pasa pisiku ilya 14 pachamabwila mumwezi uwakwanda ghulaghula.

Abalongi 1:23

Bo babatuma abatendezi pakutendela akaya akakulu nkani aka Beteli, kako kale kakitiziwanga ukuti Luzi,

Abalongi 18:14

Abantu fayivi babo bakatendelagha ichisu icha Layishi, bakabalalusya abakamu babo bakati, “Nkimba muzimenye ukuti inyumba yoka pa nyumba izi muli u efodi, na bachala abanji, sona ni chifwani icha siliva? Nkimba tubombepo choni?”

Abalongi 18:17

Abatendezi fayivi bala bakinjila munyumba nukusenda ichifwani ichakubiza nu efodi na bachala abanji, sona ni chifwani icha siliva, bo umuputi poka na bantu 600, babo bakaba ni vilwilo ivya bwite bimiliye pamulyango uwa lupaso.

Abalongi 18:2

Po aba Dani bala bakabatuma abantu fayivi abajivu aba mu Zola, naba mu Eshitawoli pakuchitendela ichisu. Abantu banaba bakimilila inko zyabo, po bakababuzya bakati, “Bukagha muchitendele ichisu.” Abantu bala bakabuka muchisu icha mumaghamba icha Efulayimu, bakafika kunyumba iya Mika nukwikala mulamula.