Yoshwa 17:4 - IBAYIBOLO 2024

⁴ Abana banaba bakabuka kwa muputi u Eleyazala, na kwa Yoshwa umwana uwa Nuni, sona na kubalongozi nukuti, “U Mwene akamulamula u Mozesi ukuti atupe ichigaba chimo icha chisu icha bakamu bitu pakuba mpyana yitu.” Po u Yoshwa akabapa ichilingo poka na bakamu abawise ukuyana namumo u Mwene akalamulila.

Yoshwa 17:4 Iomraidhean Croise

Ukubelengiwa 27:1

Pakabalilo kalakala abana abalindu aba Zelofehadi umwana uwa Hefeli, umwana uwa Giliyadi, umwana uwa Makili, yuyo akaba uwa munyumba iya Manase, umwana uwa Yosefu, bakiza pantazi. Amatabwa agha balindu ghanagha ghakaba gho agha: U Mala nu Nowa nu Hogila nu Milika sona nu Tiliza.

Ukubelengiwa 27:4

Nkimba choni chicho itabwa ilya tata witu lizimile pakasi pa bamunyumba yache pachifukwa ichakuti akafwa umusita bana abalumendo? Utupe ichilingo chitu pakasi pa bakamu aba tata witu.”

Ukubelengiwa 36:10

Abana abalindu aba Zelofehadi bakabomba zizyo u Mwene akamulamula u Mozesi,

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Yoshwa 14:1

Vinivi vikaba vyisu vivyo aba Izilayeli bakapokela muchisu icha Kenani pakuba mpyana yabo, vivyo umuputi u Eleyazala nu Yoshwa umwana uwa Nuni, na balongozi abamunyumba aba inko izya ba Izilayeli bakagabila.

Yoshwa 17:5

Aba Manase bakapokela ivigaba 10 ukonjelezya pachisu icha Giliyadi nu Bashani kubufumilo bwizuba ubwa lusoko ulwa Yolodani,

Yoshwa 21:1

Po isiku limo abalongozi abamunyumba iya Levi bakiza ku muputi u Eleyazala, na kwa Yoshwa, umwana uwa Nuni, sona naku balongozi aba inko zyosi izya ba Izilayeli,