Yoshwa 13:9 - IBAYIBOLO 2024

⁹ Ichigaba chabo chikandila ku Aloyeli, sona nakaya akakulu nkani pakasi pikombe ilya Alinoni, nukonjelezyapo ichisu chosi icha mumaghamba icha Medeba mupaka ku Diboni,

Yoshwa 13:9 Iomraidhean Croise

2 Samuweli 24:5

Bakaloboka ulusoko ulwa Yolodani, nukuzenga ivisakasa vyabo mukaya aka Aloyeli, kuntende mwikombe. Po bakabuka ku Gadi mupaka ku Yazeli.

1 Imbili 19:7

Bakaghula ingolo izya bwite 32,000 poka na bendezya ingolo sona nu mwene uwamu Maaka poka na basilikali bache. Abasilikali bala bakiza nukuzenga ivisakasa ivya bwite papipi nu Medeba. Pakabalilo kalakala aba Amoni bope bakepamo mutwaya twabo utukulu nukwiza pakulwa ubwite.

Nehemiya 11:25

Abantu abinji bakikalagha mutwaya utukulu papipi na maghunda ghabo. Abantu babo bakaba baluko ulwa Yuda bakikalagha mu Kiliyati Aliba poka nutwaya twache utupalamani na mu Diboni poka nutwaya twache sona na mu Yekabizeli poka nutwaya twache

Yesaya 15:2

abantu aba muchisu icha Diboni bakubuka kunyumba iya kwiputilamo pakubalilila, aba muchisu icha Mowabu bakukalilila akaya aka Nebo naka Medeba. Po umuntu wesi amwiye isisi ni ndevu pachifukwa icha chitima.

Yelemiya 48:18

“Mwee bantu aba ku Diboni, ikapo pabuchindamu bwinyu, nukwikala pachisu ichumizu. Pakuti yuyo akunangannya ichisu icha Mowabu, akwiza pakulwa namwe, nukughamongolannya amalinga ghako.

Yelemiya 48:22

naka Diboni naka Nebo sona naka Beti Dibulatayimu,

Yelemiya 48:8

Uwakunangannya akwiza pakukizila akaya kosi akakulu, sona katalipo nakaya nakamokamo kako kakwiza pakupona. Ikombe likwiza pakuba chisami, sona akaghamba kakwiza pakunanganika, pakuti Ane ne Mwene nanena.

Ukubelengiwa 21:30

Abaluko lwabo bazimila, ukwandila ku Heshiboni mupaka ku Diboni. Tukabazimizya mupaka ku Nofa, sona mupaka ku Medeba.”

Ukukumbusya Amalamulo 2:36

U Mwene u Chala witu akatwitikizya ukuti tufyule utwaya tosi utukulu ukwandila ku Aloyeli, mulubazu ulwa ulusoko ulwa Alinoni, mupaka ku Giliyadi. Katakabapo nakamokamo akaya akakulu aka malinga aghamaka nkani kako kakatupota.

Ukukumbusya Amalamulo 3:12

Bo twachifyula ichisu chila nkabagabila aba Lubeni naba Gadi ichigaba icha kumitu icha Aloyeli mulubazu ulwa lusoko ulwa Alinoni, sona ni chigaba chimo icha chisu icha mumaghamba icha Giliyadi, poka nutwaya twache utukulu.

Ukukumbusya Amalamulo 3:16

Loli aba Lubeni naba Gadi nkabagabila ichigaba chosi ukwandila ku Giliyadi mupaka pakasi na pakasi pikombe ilya Alinoni, mupaka kuntende kulusoko ulwa Yaboki, kumpaka iya chisu icha ba Amoni.

Yoshwa 12:2

U Sihoni u mwene uwa ba Amoli, yuyo akalaghilagha mu Heshiboni. U Sihoni akalaghilagha ukwandila ku Aloyeli, akaya aka papipi nu lusoko ulwa Alinoni, mupaka kulusoko ulwa Yaboki kumpaka iya chisu icha Amoni, sona ni chigaba chimo icha Giliyadi.

Yoshwa 13:10

sona nutwaya tosi utukulu utwa mwene u Sihoni uwa ba Amoli, yuyo akalaghilagha mu Heshiboni, mupaka kumpaka iya chisu icha ba Amoni

Yoshwa 13:16

Ichisu chabo chikandila ku Aloyeli mupaka kwikombe ilya Alinoni sona nakaya akakulu kako kakaba pakasikasi pikombe sona ni chikwezya chosi ukwandila ku Medeba,

Yoshwa 13:8

U Mozesi umubombi uwa Mwene akalugabila uluko ulwa Lubeni nu Gadi, sona ni chigaba chimo icha luko ulwa Manase ichisu icha kubufumilo bwizuba ubwa lusoko ulwa Yolodani.