Yoshwa 13:8 - IBAYIBOLO 2024

⁸ U Mozesi umubombi uwa Mwene akalugabila uluko ulwa Lubeni nu Gadi, sona ni chigaba chimo icha luko ulwa Manase ichisu icha kubufumilo bwizuba ubwa lusoko ulwa Yolodani.

Yoshwa 13:8 Iomraidhean Croise

Ukubelengiwa 32:19

Aswe tutakwiza pakupokelapo nabo impyana kwisila ilya lusoko ulwa Yolodani, pachifukwa chakuti twapokela impyana yitu kubufumilo ubwa lusoko ulwa Yolodani.”

Ukukumbusya Amalamulo 3:8

Pakabalilo kalakala tukabafyula abamwene babili aba ba Amoli banaba ichisu chabo, babo bakaba kwisila ukwa Yolodani, ukwandila kwikombe ilya Alinoni mupaka kwighamba ilya Helimoni.

Yoshwa 12:1

Aba bo bamwene babo aba Izilayeli bakabaghogha nukuvifyula ivyisu vyabo ivya kubufumilo bwizuba ubwa lusoko ulwa Yolodani ukwandila ko kwikombe ilya Alinoni mupaka kwighamba ilya Helimoni, mupaka kulubazu losi lwakubufumilo bwizuba ubwa Alaba:

Yoshwa 12:6

U Mozesi poka naba Izilayeli bakabapota bosi banaba, po u Mozesi umubombi uwa Mwene akabapa ichisu chinichi uluko ulwa Lubeni nulwa Gadi, sona ni chigaba chimo icha luko ulwa Manase ukuti chibanje mpyana yabo.

Yoshwa 13:7

Po ubagabile abantu aba inko 9, sona nu hafu uwa chigaba icha luko ulwa Manase ukuti chibanje mpyana yabo.”

Yoshwa 13:9

Ichigaba chabo chikandila ku Aloyeli, sona nakaya akakulu nkani pakasi pikombe ilya Alinoni, nukonjelezyapo ichisu chosi icha mumaghamba icha Medeba mupaka ku Diboni,

Yoshwa 22:4

Losi ulu bwelagha, pachifukwa ichakuti u Mwene u Chala winyu abapa abakamu binyu umutende, ukuyana namumo akabalayizizya. Bwelagha kuchisu chinyu, chicho u Mozesi umubombi uwa Mwene akabapa kwisila ilya lusoko ulwa Yolodani.

Yoshwa 4:12

Aba Lubeni naba Gadi, sona nuhafu uwaluko ulwa Manase bakaba bakwanda pakuloboka, bo banyamuye ivilwilo ivya bwite, ukuyana namumo u Mozesi akabalamulila.

1 Samuweli 13:7

Abanji bakaloboka ulusoko ulwa Yolodani nukufika muchisu icha Gadi, nicha Giliyadi. Loli u Sabuli akasyalikila mu Giligali, sona abasilikali bosi babo bakaba nawe bakatetemagha nubogha.